൧. വിഭങ്ഗവാരോ

ഹേതുപച്ചയോ

൫൩. സപ്പടിഘം ധമ്മം പടിച്ച സപ്പടിഘോ ധമ്മോ ഉപ്പജ്ജതി ഹേതുപച്ചയാ – സപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ പടിച്ച ഏകം മഹാഭൂതം, സപ്പടിഘേ മഹാഭൂതേ പടിച്ച സപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനം പടിച്ച ചക്ഖായതനം…പേ… രസായതനം. (൧)

സപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി ഹേതുപച്ചയാ – സപ്പടിഘേ മഹാഭൂതേ പടിച്ച ആപോധാതു, സപ്പടിഘേ മഹാഭൂതേ പടിച്ച അപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനം പടിച്ച ആപോധാതു ഇത്ഥിന്ദ്രിയം…പേ… കബളീകാരോ ആഹാരോ. (൨)

സപ്പടിഘം ധമ്മം പടിച്ച സപ്പടിഘോ ച അപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – സപ്പടിഘം ഏകം മഹാഭൂതം പടിച്ച ദ്വേ മഹാഭൂതാ ആപോധാതു ച, ദ്വേ മഹാഭൂതേ…പേ… സപ്പടിഘേ മഹാഭൂതേ പടിച്ച സപ്പടിഘഞ്ച അപ്പടിഘഞ്ച ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനം പടിച്ച ചക്ഖായതനം…പേ… രസായതനം ആപോധാതു ഇത്ഥിന്ദ്രിയം…പേ… കബളീകാരോ ആഹാരോ. (൩)

൫൪. അപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി ഹേതുപച്ചയാ – അപ്പടിഘം ഏകം ഖന്ധം പടിച്ച തയോ ഖന്ധാ അപ്പടിഘം ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ആപോധാതും പടിച്ച അപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ആപോധാതും പടിച്ച ഇത്ഥിന്ദ്രിയം…പേ… കബളീകാരോ ആഹാരോ. (൧)

അപ്പടിഘം ധമ്മം പടിച്ച സപ്പടിഘോ ധമ്മോ ഉപ്പജ്ജതി ഹേതുപച്ചയാ – അപ്പടിഘേ ഖന്ധേ പടിച്ച സപ്പടിഘം ചിത്തസമുട്ഠാനം രൂപം; പടിസന്ധിക്ഖണേ…പേ… ആപോധാതും പടിച്ച സപ്പടിഘാ മഹാഭൂതാ, ആപോധാതും പടിച്ച സപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ആപോധാതും പടിച്ച ചക്ഖായതനം…പേ… ഫോട്ഠബ്ബായതനം. (൨)

അപ്പടിഘം ധമ്മം പടിച്ച സപ്പടിഘോ ച അപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അപ്പടിഘം ഏകം ഖന്ധം പടിച്ച തയോ ഖന്ധാ സപ്പടിഘഞ്ച അപ്പടിഘഞ്ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ആപോധാതും പടിച്ച സപ്പടിഘഞ്ച അപ്പടിഘഞ്ച ചിത്തസമുട്ഠാനം രൂപം, കടത്താരൂപം, ഉപാദാരൂപം, ആപോധാതും പടിച്ച ചക്ഖായതനം…പേ… ഫോട്ഠബ്ബായതനം, ഇത്ഥിന്ദ്രിയം…പേ… കബളീകാരോ ആഹാരോ. (൩)

൫൫. സപ്പടിഘഞ്ച അപ്പടിഘഞ്ച ധമ്മം പടിച്ച സപ്പടിഘോ ധമ്മോ ഉപ്പജ്ജതി ഹേതുപച്ചയാ – അപ്പടിഘേ ഖന്ധേ ച മഹാഭൂതേ ച പടിച്ച സപ്പടിഘം ചിത്തസമുട്ഠാനം രൂപം; പടിസന്ധിക്ഖണേ…പേ… സപ്പടിഘം ഏകം മഹാഭൂതഞ്ച ആപോധാതുഞ്ച പടിച്ച ദ്വേ മഹാഭൂതാ…പേ… സപ്പടിഘേ മഹാഭൂതേ ച ആപോധാതുഞ്ച പടിച്ച സപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനഞ്ച ആപോധാതുഞ്ച പടിച്ച ചക്ഖായതനം…പേ…. (൧)

സപ്പടിഘഞ്ച അപ്പടിഘഞ്ച ധമ്മം പടിച്ച അപ്പടിഘോ ധമ്മോ ഉപ്പജ്ജതി ഹേതുപച്ചയാ – അപ്പടിഘേ ഖന്ധേ ച മഹാഭൂതേ ച പടിച്ച അപ്പടിഘം ചിത്തസമുട്ഠാനം രൂപം; പടിസന്ധിക്ഖണേ അപ്പടിഘേ ഖന്ധേ ച മഹാഭൂതേ ച പടിച്ച അപ്പടിഘം കടത്താരൂപം, ഫോട്ഠബ്ബായതനഞ്ച ആപോധാതുഞ്ച പടിച്ച അപ്പടിഘം ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനഞ്ച ആപോധാതുഞ്ച പടിച്ച ഇത്ഥിന്ദ്രിയം…പേ… കബളീകാരോ ആഹാരോ. (൨)

സപ്പടിഘഞ്ച അപ്പടിഘഞ്ച ധമ്മം പടിച്ച സപ്പടിഘോ ച അപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ – അപ്പടിഘേ ഖന്ധേ ച മഹാഭൂതേ ച പടിച്ച സപ്പടിഘഞ്ച അപ്പടിഘഞ്ച ചിത്തസമുട്ഠാനം രൂപം; പടിസന്ധിക്ഖണേ…പേ… അപ്പടിഘേ ഖന്ധേ ച മഹാഭൂതേ ച പടിച്ച സപ്പടിഘഞ്ച അപ്പടിഘഞ്ച കടത്താരൂപം, ഫോട്ഠബ്ബായതനഞ്ച ആപോധാതുഞ്ച പടിച്ച സപ്പടിഘഞ്ച അപ്പടിഘഞ്ച ചിത്തസമുട്ഠാനം രൂപം, കടത്താരൂപം, ഉപാദാരൂപം, ഫോട്ഠബ്ബായതനഞ്ച ആപോധാതുഞ്ച പടിച്ച ചക്ഖായതനം…പേ… രസായതനം, ഇത്ഥിന്ദ്രിയം…പേ… കബളീകാരോ ആഹാരോ. (൩)

ആരമ്മണപച്ചയോ

൫൬. അപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി ആരമ്മണപച്ചയാ – അപ്പടിഘം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ.

അധിപതിപച്ചയാദി

൫൭. സപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി അധിപതിപച്ചയാ (പടിസന്ധി വജ്ജേതബ്ബാ, കടത്താരൂപാ ച)… അനന്തരപച്ചയാ… സമനന്തരപച്ചയാ… സഹജാതപച്ചയാ (സബ്ബേ മഹാഭൂതാ കാതബ്ബാ)… അഞ്ഞമഞ്ഞപച്ചയാ – സപ്പടിഘം ഏകം മഹാഭൂതം പടിച്ച ദ്വേ മഹാഭൂതാ, ദ്വേ മഹാഭൂതേ…പേ…. (൧)

സപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – സപ്പടിഘേ മഹാഭൂതേ പടിച്ച ആപോധാതു…പേ…. (൨)

സപ്പടിഘം ധമ്മം പടിച്ച സപ്പടിഘോ ച അപ്പടിഘോ ച ധമ്മാ ഉപ്പജ്ജന്തി അഞ്ഞമഞ്ഞപച്ചയാ – സപ്പടിഘം ഏകം മഹാഭൂതം പടിച്ച ദ്വേ മഹാഭൂതാ ആപോധാതു ച, ദ്വേ മഹാഭൂതേ…പേ…. (൩)

൫൮. അപ്പടിഘം ധമ്മം പടിച്ച അപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അപ്പടിഘം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ. (൧)

അപ്പടിഘം ധമ്മം പടിച്ച സപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – ആപോധാതും പടിച്ച സപ്പടിഘാ മഹാഭൂതാ (ഇമേ അജ്ഝത്തികബാഹിരാ മഹാഭൂതാ കാതബ്ബാ). (൨)

സപ്പടിഘഞ്ച അപ്പടിഘഞ്ച ധമ്മം പടിച്ച സപ്പടിഘോ ധമ്മോ ഉപ്പജ്ജതി അഞ്ഞമഞ്ഞപച്ചയാ – സപ്പടിഘം ഏകം മഹാഭൂതഞ്ച ആപോധാതുഞ്ച പടിച്ച ദ്വേ മഹാഭൂതാ…പേ… നിസ്സയപച്ചയാ…പേ… അവിഗതപച്ചയാ.