൧. വിഭങ്ഗവാരോ

ഹേതുപച്ചയോ

൩൪. അനിദസ്സനോ ധമ്മോ അനിദസ്സനസ്സ ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സമ്പയുത്തകാനം ഖന്ധാനം അനിദസ്സനാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സനിദസ്സനാനം ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ ഹേതുപച്ചയേന പച്ചയോ – അനിദസ്സനാ ഹേതൂ സമ്പയുത്തകാനം ഖന്ധാനം സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

ആരമ്മണപച്ചയോ

൩൫. സനിദസ്സനോ ധമ്മോ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ – സനിദസ്സനം രൂപം അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ ആരമ്മണപച്ചയേന പച്ചയോ; സനിദസ്സനാ ഖന്ധാ ഇദ്ധിവിധഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അനിദസ്സനോ ധമ്മോ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… കായം… സദ്ദേ…പേ… വത്ഥും അനിദസ്സനേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബായ സോതധാതുയാ സദ്ദം സുണാതി, ചേതോപരിയഞാണേന അനിദസ്സനചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… സദ്ദായതനം സോതവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… അനിദസ്സനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അധിപതിപച്ചയോ

൩൬. സനിദസ്സനോ ധമ്മോ അനിദസ്സനസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – സനിദസ്സനം രൂപം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

അനിദസ്സനോ ധമ്മോ അനിദസ്സനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും അനിദസ്സനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനിദസ്സനാധിപതി സമ്പയുത്തകാനം ഖന്ധാനം അനിദസ്സനാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – അനിദസ്സനാധിപതി സനിദസ്സനാനം ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അനിദസ്സനാധിപതി സമ്പയുത്തകാനം ഖന്ധാനം സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

അനന്തരപച്ചയോ

൩൭. അനിദസ്സനോ ധമ്മോ അനിദസ്സനസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനിദസ്സനാ ഖന്ധാ പച്ഛിമാനം പച്ഛിമാനം അനിദസ്സനാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഗോത്രഭു മഗ്ഗസ്സ…പേ… നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

സമനന്തരപച്ചയാദി

൩൮. അനിദസ്സനോ ധമ്മോ അനിദസ്സനസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… തീണി… അഞ്ഞമഞ്ഞപച്ചയേന പച്ചയോ… ഏകം… നിസ്സയപച്ചയേന പച്ചയോ… തീണി.

ഉപനിസ്സയപച്ചയോ

൩൯. സനിദസ്സനോ ധമ്മോ അനിദസ്സനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വണ്ണസമ്പദം പത്ഥയമാനോ ദാനം…പേ… സീലം…പേ… ഉപോസഥകമ്മം കരോതി, വണ്ണസമ്പദാ സദ്ധായ…പേ… പത്ഥനായ… കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

അനിദസ്സനോ ധമ്മോ അനിദസ്സനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

പുരേജാതപച്ചയോ

൪൦. സനിദസ്സനോ ധമ്മോ അനിദസ്സനസ്സ ധമ്മസ്സ പുരേജാതപച്ചയേന പച്ചയോ – സനിദസ്സനം രൂപം അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ പുരേജാതപച്ചയേന പച്ചയോ. (൧)

അനിദസ്സനോ ധമ്മോ അനിദസ്സനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, ദിബ്ബായ സോതധാതുയാ സദ്ദം സുണാതി, സദ്ദായതനം സോതവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അനിദസ്സനാനം ഖന്ധാനം പുരേജാതപച്ചയേന പച്ചയോ. (൧)

സനിദസ്സനോ ച അനിദസ്സനോ ച ധമ്മാ അനിദസ്സനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. രൂപായതനഞ്ച വത്ഥു ച അനിദസ്സനാനം ഖന്ധാനം പുരേജാതപച്ചയേന പച്ചയോ; രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ പുരേജാതപച്ചയേന പച്ചയോ. (൧)

പച്ഛാജാതപച്ചയോ

൪൧. അനിദസ്സനോ ധമ്മോ അനിദസ്സനസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനിദസ്സനാ ഖന്ധാ പുരേജാതസ്സ ഇമസ്സ അനിദസ്സനസ്സ കായസ്സ പച്ഛാജാതപച്ചയേന പച്ചയോ. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനിദസ്സനാ ഖന്ധാ പുരേജാതസ്സ ഇമസ്സ സനിദസ്സനസ്സ കായസ്സ പച്ഛാജാതപച്ചയേന പച്ചയോ. (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അനിദസ്സനാ ഖന്ധാ പുരേജാതസ്സ ഇമസ്സ സനിദസ്സനസ്സ ച അനിദസ്സനസ്സ ച കായസ്സ പച്ഛാജാതപച്ചയേന പച്ചയോ. (൩)

ആസേവനപച്ചയോ

൪൨. അനിദസ്സനോ ധമ്മോ അനിദസ്സനസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അനിദസ്സനാ ഖന്ധാ പച്ഛിമാനം പച്ഛിമാനം അനിദസ്സനാനം ഖന്ധാനം…പേ… അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

കമ്മപച്ചയോ

൪൩. അനിദസ്സനോ ധമ്മോ അനിദസ്സനസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അനിദസ്സനാ ചേതനാ സമ്പയുത്തകാനം ഖന്ധാനം അനിദസ്സനാനഞ്ച ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – അനിദസ്സനാ ചേതനാ വിപാകാനം ഖന്ധാനം അനിദസ്സനാനഞ്ച കടത്താരൂപാനം കമ്മപച്ചയേന പച്ചയോ. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ (വിത്ഥാരേതബ്ബം). (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ (വിത്ഥാരേതബ്ബം). (൩)

വിപാകപച്ചയാദി

൪൪. അനിദസ്സനോ ധമ്മോ അനിദസ്സനസ്സ ധമ്മസ്സ വിപാകപച്ചയേന പച്ചയോ… തീണി… ആഹാരപച്ചയേന പച്ചയോ… തീണി (തീസുപി കബളീകാരോ ആഹാരോ കാതബ്ബോ)… ഇന്ദ്രിയപച്ചയേന പച്ചയോ… തീണി (തീസുപി രൂപജീവിതിന്ദ്രിയം)… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… തീണി… സമ്പയുത്തപച്ചയേന പച്ചയോ… ഏകം.

വിപ്പയുത്തപച്ചയോ

൪൫. അനിദസ്സനോ ധമ്മോ അനിദസ്സനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – അനിദസ്സനാ ഖന്ധാ അനിദസ്സനാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ അനിദസ്സനാ ഖന്ധാ അനിദസ്സനാനം കടത്താരൂപാനം വിപ്പയുത്തപച്ചയേന പച്ചയോ; ഖന്ധാ വത്ഥുസ്സ വിപ്പയുത്തപച്ചയേന പച്ചയോ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അനിദസ്സനാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – അനിദസ്സനാ ഖന്ധാ പുരേജാതസ്സ ഇമസ്സ അനിദസ്സനസ്സ കായസ്സ വിപ്പയുത്തപച്ചയേന പച്ചയോ. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനിദസ്സനാ ഖന്ധാ സനിദസ്സനാനം ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – അനിദസ്സനാ ഖന്ധാ പുരേജാതസ്സ ഇമസ്സ സനിദസ്സനസ്സ കായസ്സ വിപ്പയുത്തപച്ചയേന പച്ചയോ. (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനിദസ്സനാ ഖന്ധാ സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – അനിദസ്സനാ ഖന്ധാ പുരേജാതസ്സ ഇമസ്സ സനിദസ്സനസ്സ ച അനിദസ്സനസ്സ ച കായസ്സ വിപ്പയുത്തപച്ചയേന പച്ചയോ. (൩)

അത്ഥിപച്ചയാദി

൪൬. സനിദസ്സനോ ധമ്മോ അനിദസ്സനസ്സ ധമ്മസ്സ അത്ഥിപച്ചയേന പച്ചയോ – സനിദസ്സനം രൂപം അനിച്ചതോ…പേ… ദോമനസ്സം ഉപ്പജ്ജതി, ദിബ്ബേന ചക്ഖുനാ രൂപം പസ്സതി, രൂപായതനം ചക്ഖുവിഞ്ഞാണസ്സ അത്ഥിപച്ചയേന പച്ചയോ. (൧)

അനിദസ്സനോ ധമ്മോ അനിദസ്സനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – അനിദസ്സനോ ഏകോ ഖന്ധോ തിണ്ണന്നം ഖന്ധാനം അനിദസ്സനാനഞ്ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ…പേ… ദ്വേ ഖന്ധേ…പേ… (സംഖിത്തം. യാവ അസഞ്ഞസത്താ). പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, ദിബ്ബായ സോതധാതുയാ സദ്ദം സുണാതി, സദ്ദായതനം സോതവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അനിദസ്സനാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – അനിദസ്സനാ ഖന്ധാ പുരേജാതസ്സ ഇമസ്സ അനിദസ്സനസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ അനിദസ്സനസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം അനിദസ്സനാനം കടത്താരൂപാനം അത്ഥിപച്ചയേന പച്ചയോ. (൧)

അനിദസ്സനോ ധമ്മോ സനിദസ്സനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അനിദസ്സനാ ഖന്ധാ സനിദസ്സനാനം ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ… മഹാഭൂതാ സനിദസ്സനാനം ചിത്തസമുട്ഠാനാനം രൂപാനം കടത്താരൂപാനം ഉപാദാരൂപാനം അത്ഥിപച്ചയേന പച്ചയോ…പേ… ബാഹിരാ… ആഹാരസമുട്ഠാനാ… ഉതുസമുട്ഠാനാ… അസഞ്ഞസത്താനം മഹാഭൂതാ സനിദസ്സനാനം കടത്താരൂപാനം, ഉപാദാരൂപാനം അത്ഥിപച്ചയേന പച്ചയോ. പച്ഛാജാതാ – അനിദസ്സനാ ഖന്ധാ പുരേജാതസ്സ ഇമസ്സ സനിദസ്സനസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ സനിദസ്സനസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം സനിദസ്സനാനം കടത്താരൂപാനം അത്ഥിപച്ചയേന പച്ചയോ. (൨)

അനിദസ്സനോ ധമ്മോ സനിദസ്സനസ്സ ച അനിദസ്സനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതോ – അനിദസ്സനോ ഏകോ ഖന്ധോ തിണ്ണന്നം ഖന്ധാനം സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… മഹാഭൂതാ സനിദസ്സനാനഞ്ച അനിദസ്സനാനഞ്ച ചിത്തസമുട്ഠാനാനം രൂപാനം, കടത്താരൂപാനം, ഉപാദാരൂപാനം അത്ഥിപച്ചയേന പച്ചയോ; ബാഹിരാ… ആഹാരസമുട്ഠാനാ… ഉതുസമുട്ഠാനാ… അസഞ്ഞസത്താനം മഹാഭൂതാ സനിദസ്സനാനഞ്ച അനിദസ്സനാനഞ്ച കടത്താരൂപാനം ഉപാദാരൂപാനം അത്ഥിപച്ചയേന പച്ചയോ. (൩)

൪൭. സനിദസ്സനോ ച അനിദസ്സനോ ച ധമ്മാ അനിദസ്സനസ്സ ധമ്മസ്സ അത്ഥിപച്ചയേന പച്ചയോ. പുരേജാതം – രൂപായതനഞ്ച വത്ഥു ച അനിദസ്സനാനം ഖന്ധാനം അത്ഥിപച്ചയേന പച്ചയോ; രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ അത്ഥിപച്ചയേന പച്ചയോ.

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.