൧. വിഭങ്ഗവാരോ

ഹേതുപച്ചയോ

൧൦൨. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ഉപാദാനാ ചേവ ഉപാദാനസമ്പയുത്താ ച ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനാ ചേവ ഉപാദാനസമ്പയുത്താ ച ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനാ ചേവ ഉപാദാനസമ്പയുത്താ ച ഹേതൂ സമ്പയുത്തകാനം ഖന്ധാനം ഉപാദാനാനഞ്ച ഹേതുപച്ചയേന പച്ചയോ. (൩)

൧൦൩. ഉപാദാനസമ്പയുത്തോ ചേവ നോ ച ഉപാദാനോ ധമ്മോ ഉപാദാനസമ്പയുത്തസ്സ ചേവ നോ ച ഉപാദാനസ്സ ധമ്മസ്സ ഹേതുപച്ചയേന പച്ചയോ – ഉപാദാനസമ്പയുത്താ ചേവ നോ ച ഉപാദാനാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനസമ്പയുത്താ ചേവ നോ ച ഉപാദാനാ ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനസമ്പയുത്താ ചേവ നോ ച ഉപാദാനാ ഹേതൂ സമ്പയുത്തകാനം ഖന്ധാനം ഉപാദാനാനഞ്ച ഹേതുപച്ചയേന പച്ചയോ. (൩)

൧൦൪. ഉപാദാനോ ചേവ ഉപാദാനസമ്പയുത്തോ ച ഉപാദാനസമ്പയുത്തോ ചേവ നോ ച ഉപാദാനോ ച ധമ്മാ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ഉപാദാനാ ചേവ ഉപാദാനസമ്പയുത്താ ച ഉപാദാനസമ്പയുത്താ ചേവ നോ ച ഉപാദാനാ ച ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനാ ചേവ ഉപാദാനസമ്പയുത്താ ച ഉപാദാനസമ്പയുത്താ ചേവ നോ ച ഉപാദാനാ ച ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം പുച്ഛിതബ്ബം) ഉപാദാനാ ചേവ ഉപാദാനസമ്പയുത്താ ച ഉപാദാനസമ്പയുത്താ ചേവ നോ ച ഉപാദാനാ ച ഹേതൂ സമ്പയുത്തകാനം ഖന്ധാനം ഉപാദാനാനഞ്ച ഹേതുപച്ചയേന പച്ചയോ. (൩)

ആരമ്മണപച്ചയോ

൧൦൫. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ഉപാദാനേ ആരബ്ഭ ഉപാദാനാ ഉപ്പജ്ജന്തി. (മൂലം പുച്ഛിതബ്ബം) ഉപാദാനേ ആരബ്ഭ ഉപാദാനസമ്പയുത്താ ചേവ നോ ച ഉപാദാനാ ഖന്ധാ ഉപ്പജ്ജന്തി. (മൂലം പുച്ഛിതബ്ബം) ഉപാദാനേ ആരബ്ഭ ഉപാദാനാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

ഉപാദാനസമ്പയുത്തോ ചേവ നോ ച ഉപാദാനോ ധമ്മോ ഉപാദാനസമ്പയുത്തസ്സ ചേവ നോ ച ഉപാദാനസ്സ ധമ്മസ്സ ആരമ്മണപച്ചയേന പച്ചയോ – ഉപാദാനസമ്പയുത്തേ ചേവ നോ ച ഉപാദാനേ ഖന്ധേ ആരബ്ഭ ഉപാദാനസമ്പയുത്താ ചേവ നോ ച ഉപാദാനാ ഖന്ധാ ഉപ്പജ്ജന്തി (തീണിപി കാതബ്ബാ, ഘടനേ തീണിപി കാതബ്ബാ).

അധിപതിപച്ചയോ

൧൦൬. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ അധിപതിപച്ചയേന പച്ചയോ… തീണി. (൩)

ഉപാദാനസമ്പയുത്തോ ചേവ നോ ച ഉപാദാനോ ധമ്മോ ഉപാദാനസമ്പയുത്തസ്സ ചേവ നോ ച ഉപാദാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി (തീണിപി, തീസുപി ദ്വേപി അധിപതി കാതബ്ബാ, ഘടനാധിപതിപി തീണി).

അനന്തരപച്ചയോ

൧൦൭. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദാനാ ചേവ ഉപാദാനസമ്പയുത്താ ച ഖന്ധാ പച്ഛിമാനം പച്ഛിമാനം ഉപാദാനാനം അനന്തരപച്ചയേന പച്ചയോ (ഏവം നവപി പഞ്ഹാ കാതബ്ബാ, ആവജ്ജനാപി വുട്ഠാനമ്പി നത്ഥി).

സമനന്തരപച്ചയാദി

൧൦൮. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ സമനന്തരപച്ചയേന പച്ചയോ… നവ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൧൦൯. ഉപാദാനോ ചേവ ഉപാദാനസമ്പയുത്തോ ച ധമ്മോ ഉപാദാനസ്സ ചേവ ഉപാദാനസമ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ…പേ… തീണി.

ഉപാദാനസമ്പയുത്തോ ചേവ നോ ച ഉപാദാനോ ധമ്മോ ഉപാദാനസമ്പയുത്തസ്സ ചേവ നോ ച ഉപാദാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉപാദാനസമ്പയുത്താ ചേവ നോ ച ഉപാദാനാ ഖന്ധാ ഉപാദാനസമ്പയുത്തകാനഞ്ചേവ നോ ച ഉപാദാനാനം ഖന്ധാനം ഉപനിസ്സയപച്ചയേന പച്ചയോ (തീണി ഘടനുപനിസ്സയേപി തീണി)… ആസേവനപച്ചയേന പച്ചയോ… നവ.

കമ്മപച്ചയാദി

൧൧൦. ഉപാദാനസമ്പയുത്തോ ചേവ നോ ച ഉപാദാനോ ധമ്മോ ഉപാദാനസമ്പയുത്തസ്സ ചേവ നോ ച ഉപാദാനസ്സ ധമ്മസ്സ കമ്മപച്ചയേന പച്ചയോ… തീണി… ആഹാരപച്ചയേന പച്ചയോ… തീണി… ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ… അത്ഥിപച്ചയേന പച്ചയോ… നവ… നത്ഥിപച്ചയേന പച്ചയോ… നവ… വിഗതപച്ചയേന പച്ചയോ… നവ… അവിഗതപച്ചയേന പച്ചയോ… നവ.