൧. വിഭങ്ഗവാരോ

ഹേതുപച്ചയോ

൯൮. ഉപാദാനോ ചേവ ഉപാദാനിയോ ച ധമ്മോ ഉപാദാനസ്സ ചേവ ഉപാദാനിയസ്സ ച ധമ്മസ്സ ഹേതുപച്ചയേന പച്ചയോ – ഉപാദാനാ ചേവ ഉപാദാനിയാ ച ഹേതൂ സമ്പയുത്തകാനം ഉപാദാനാനം ഹേതുപച്ചയേന പച്ചയോ. (൧)

ഉപാദാനോ ചേവ ഉപാദാനിയോ ച ധമ്മോ ഉപാദാനിയസ്സ ചേവ നോ ച ഉപാദാനസ്സ ധമ്മസ്സ ഹേതുപച്ചയേന പച്ചയോ – ഉപാദാനാ ചേവ ഉപാദാനിയാ ച ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ (ഉപാദാനദുകസദിസാ നിന്നാനാ, നവ പഞ്ഹാ).

ആരമ്മണപച്ചയോ

൯൯. ഉപാദാനോ ചേവ ഉപാദാനിയോ ച ധമ്മോ ഉപാദാനസ്സ ചേവ ഉപാദാനിയസ്സ ച ധമ്മസ്സ ആരമ്മണപച്ചയേന പച്ചയോ – ഉപാദാനേ ആരബ്ഭ ഉപാദാനാ ഉപ്പജ്ജന്തി… തീണി.

ഉപാദാനിയോ ചേവ നോ ച ഉപാദാനോ ധമ്മോ ഉപാദാനിയസ്സ ചേവ നോ ച ഉപാദാനസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… ഝാനാ വുട്ഠഹിത്വാ ഝാനം പച്ചവേക്ഖതി, അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉദ്ധച്ചം ദോമനസ്സം ഉപ്പജ്ജതി; അരിയാ ഗോത്രഭും പച്ചവേക്ഖന്തി, വോദാനം പച്ചവേക്ഖന്തി, പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ…പേ… ചക്ഖും…പേ… വത്ഥും…പേ… (സംഖിത്തം) അനാഗതംസഞാണസ്സ ആവജ്ജനായ ആരമ്മണപച്ചയേന പച്ചയോ. (൧)

ഉപാദാനിയോ ചേവ നോ ച ഉപാദാനോ ധമ്മോ ഉപാദാനസ്സ ചേവ ഉപാദാനിയസ്സ ച ധമ്മസ്സ ആരമ്മണപച്ചയേന പച്ചയോ (സംഖിത്തം, ഇതരേ ദ്വേ ഉപാദാനദുകസദിസാ). (൩)

ഉപാദാനോ ചേവ ഉപാദാനിയോ ച ഉപാദാനിയോ ചേവ നോ ച ഉപാദാനോ ച ധമ്മാ ഉപാദാനസ്സ ചേവ ഉപാദാനിയസ്സ ച ധമ്മസ്സ ആരമ്മണപച്ചയേന പച്ചയോ… തീണി (ഹേട്ഠാ അധിപതി തീണി, ഉപാദാനദുകസദിസാ).

അധിപതിപച്ചയോ

൧൦൦. ഉപാദാനിയോ ചേവ നോ ച ഉപാദാനോ ധമ്മോ ഉപാദാനിയസ്സ ചേവ നോ ച ഉപാദാനസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; സേക്ഖാ ഗോത്രഭും ഗരും കത്വാ…പേ… വോദാനം…പേ… ചക്ഖും…പേ… വത്ഥും ഉപാദാനിയേ ചേവ നോ ച ഉപാദാനേ ഖന്ധേ ഗരും കത്വാ ഉപാദാനിയാ ചേവ നോ ച ഉപാദാനാ ഖന്ധാ ഉപ്പജ്ജന്തി. സഹജാതാധിപതി – ഉപാദാനിയാ ചേവ നോ ച ഉപാദാനാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ (അവസേസാ ദ്വേപി ആരമ്മണാധിപതി സഹജാതാധിപതിപി ഉപാദാനദുകസദിസാ). (൩)

(ഘടനാ അധിപതി തീണി, ഉപാദാനദുകസദിസാ. സബ്ബേ പച്ചയാ ഉപാദാനദുകസദിസാ. ഉപാദാനിയേ ലോകുത്തരം നത്ഥി, പച്ചനീയമ്പി ഇതരേ ദ്വേ ഗണനാപി ഉപാദാനദുകസദിസം.)

ഉപാദാനഉപാദാനിയദുകം നിട്ഠിതം.