൧. വിഭങ്ഗവാരോ

ഹേതുപച്ചയോ

൯൫. ഉപാദാനഞ്ചേവ ഉപാദാനിയഞ്ച ധമ്മം പടിച്ച ഉപാദാനോ ചേവ ഉപാദാനിയോ ച ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനം പടിച്ച കാമുപാദാനം, കാമുപാദാനം പടിച്ച ദിട്ഠുപാദാനം (ചക്കം). (൧)

ഉപാദാനഞ്ചേവ ഉപാദാനിയഞ്ച ധമ്മം പടിച്ച ഉപാദാനിയോ ചേവ നോ ച ഉപാദാനോ ധമ്മോ ഉപ്പജ്ജതി ഹേതുപച്ചയാ – ഉപാദാനേ പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൧)

ഉപാദാനഞ്ചേവ ഉപാദാനിയഞ്ച ധമ്മം പടിച്ച ഉപാദാനോ ചേവ ഉപാദാനിയോ ച ഉപാദാനിയോ ചേവ നോ ച ഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠുപാദാനം പടിച്ച കാമുപാദാനം സമ്പയുത്തകാ ച ഖന്ധാ ചിത്തസമുട്ഠാനാനഞ്ച രൂപം (ചക്കം). (൩)

൯൬. ഉപാദാനിയഞ്ചേവ നോ ച ഉപാദാനം ധമ്മം പടിച്ച ഉപാദാനിയോ ചേവ നോ ച ഉപാദാനോ ധമ്മോ ഉപ്പജ്ജതി ഹേതുപച്ചയാ – ഉപാദാനിയഞ്ചേവ നോ ച ഉപാദാനം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അജ്ഝത്തികാ മഹാഭൂതാ). (൧)

ഉപാദാനിയഞ്ചേവ നോ ച ഉപാദാനം ധമ്മം പടിച്ച ഉപാദാനോ ചേവ ഉപാദാനിയോ ച ധമ്മോ ഉപ്പജ്ജതി ഹേതുപച്ചയാ – ഉപാദാനിയേ ചേവ നോ ച ഉപാദാനേ ഖന്ധേ പടിച്ച ഉപാദാനാ. (൨)

ഉപാദാനിയഞ്ചേവ നോ ച ഉപാദാനം ധമ്മം പടിച്ച ഉപാദാനോ ചേവ ഉപാദാനിയോ ച ഉപാദാനിയോ ചേവ നോ ച ഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – ഉപാദാനിയഞ്ചേവ നോ ച ഉപാദാനം ഏകം ഖന്ധം പടിച്ച തയോ ഖന്ധാ ഉപാദാനാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൯൭. ഉപാദാനഞ്ചേവ ഉപാദാനിയഞ്ച ഉപാദാനിയഞ്ചേവ നോ ച ഉപാദാനഞ്ച ധമ്മം പടിച്ച ഉപാദാനോ ചേവ ഉപാദാനിയോ ച ധമ്മോ ഉപ്പജ്ജതി ഹേതുപച്ചയാ – ദിട്ഠുപാദാനഞ്ച സമ്പയുത്തകേ ച ഖന്ധേ പടിച്ച കാമുപാദാനം (ചക്കം). (൧)

ഉപാദാനഞ്ചേവ ഉപാദാനിയഞ്ച ഉപാദാനിയഞ്ചേവ നോ ച ഉപാദാനഞ്ച ധമ്മം പടിച്ച ഉപാദാനിയോ ചേവ നോ ച ഉപാദാനോ ധമ്മോ ഉപ്പജ്ജതി ഹേതുപച്ചയാ – ഉപാദാനിയഞ്ചേവ നോ ച ഉപാദാനം ഏകം ഖന്ധഞ്ച ഉപാദാനേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… ഉപാദാനേ ച മഹാഭൂതേ ച പടിച്ച ചിത്തസമുട്ഠാനം രൂപം. (൨)

ഉപാദാനഞ്ചേവ ഉപാദാനിയഞ്ച ഉപാദാനിയഞ്ചേവ നോ ച ഉപാദാനഞ്ച ധമ്മം പടിച്ച ഉപാദാനോ ചേവ ഉപാദാനിയോ ച ഉപാദാനിയോ ചേവ നോ ച ഉപാദാനോ ച ധമ്മാ ഉപ്പജ്ജന്തി ഹേതുപച്ചയാ – ഉപാദാനിയഞ്ചേവ നോ ച ഉപാദാനം ഏകം ഖന്ധഞ്ച ദിട്ഠുപാദാനഞ്ച പടിച്ച തയോ ഖന്ധാ കാമുപാദാനഞ്ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം). (൩)