൧. വിഭങ്ഗവാരോ

ഹേതുപച്ചയോ

൬൩. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ഉപാദാനസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ഉപാദാനസമ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ഉപാദാനസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ഹേതൂ ദിട്ഠിഗതവിപ്പയുത്തലോഭസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (മൂലം കാതബ്ബം) ഉപാദാനസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ഹേതൂ സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൬൪. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ഉപാദാനവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദിട്ഠിഗതവിപ്പയുത്തോ ലോഭോ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം) ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം കാതബ്ബം) ദിട്ഠിഗതവിപ്പയുത്തോ ലോഭോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൬൫. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതോ മോഹോ ച ലോഭോ ച സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതോ മോഹോ ച ലോഭോ ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതോ മോഹോ ച ലോഭോ ച സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൬൬. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ഉപാദാനസമ്പയുത്തേ ഖന്ധേ ആരബ്ഭ ഉപാദാനസമ്പയുത്താ ഖന്ധാ ഉപ്പജ്ജന്തി. (മൂലം കാതബ്ബം) ഉപാദാനസമ്പയുത്തേ ഖന്ധേ ആരബ്ഭ ഉപാദാനവിപ്പയുത്താ ഖന്ധാ ച ലോഭോ ച ഉപ്പജ്ജന്തി. (മൂലം കാതബ്ബം) ഉപാദാനസമ്പയുത്തേ ഖന്ധേ ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

൬൭. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം പച്ചവേക്ഖതി, അസ്സാദേതി അഭിനന്ദതി, തം ആരബ്ഭ ദിട്ഠിഗതവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം ഉപ്പജ്ജതി, ഝാനേ പരിഹീനേ വിപ്പടിസാരിസ്സ ദോമനസ്സം ഉപ്പജ്ജതി. അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. അരിയാ ഉപാദാനവിപ്പയുത്തേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ കിലേസേ…പേ… ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ ദിട്ഠിഗതവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി…പേ… (സബ്ബം പരിപുണ്ണം), ദിബ്ബേന ചക്ഖുനാ… (യാവ കായവിഞ്ഞാണം), ഉപാദാനവിപ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം …പേ… ഝാനം…പേ… ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

൬൮. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ആരബ്ഭ ഉപാദാനസമ്പയുത്താ ഖന്ധാ ഉപ്പജ്ജന്തി. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ആരബ്ഭ ഉപാദാനവിപ്പയുത്താ ഖന്ധാ ച ലോഭോ ച ഉപ്പജ്ജന്തി. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

അധിപതിപച്ചയോ

൬൯. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഉപാദാനസമ്പയുത്തേ ഖന്ധേ ഗരും കത്വാ ഉപാദാനസമ്പയുത്താ ഖന്ധാ ഉപ്പജ്ജന്തി. സഹജാതാധിപതി – ഉപാദാനസമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (മൂലം കാതബ്ബം) ആരമ്മണാധിപതി, സഹജാതാധിപതി. ആരമ്മണാധിപതി – ഉപാദാനസമ്പയുത്തേ ഖന്ധേ ഗരും കത്വാ ദിട്ഠിഗതവിപ്പയുത്തോ ലോഭോ ഉപ്പജ്ജതി. സഹജാതാധിപതി – ഉപാദാനസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാധിപതി ലോഭസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (മൂലം കാതബ്ബം) ആരമ്മണാധിപതി, സഹജാതാധിപതി. ആരമ്മണാധിപതി – ഉപാദാനസമ്പയുത്തേ ഖന്ധേ ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. സഹജാതാധിപതി – ഉപാദാനസമ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാധിപതി സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൭൦. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അസ്സാദേതി അഭിനന്ദതി, തം ഗരും കത്വാ ദിട്ഠിഗതവിപ്പയുത്തോ രാഗോ ഉപ്പജ്ജതി…പേ… അരിയാ മഗ്ഗാ വുട്ഠഹിത്വാ…പേ… ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ ദിട്ഠിഗതവിപ്പയുത്തോ രാഗോ ഉപ്പജ്ജതി. സഹജാതാധിപതി – ഉപാദാനവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… ഝാനം…പേ… ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും…പേ… വത്ഥും ഉപാദാനവിപ്പയുത്തേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

൭൧. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ഉപാദാനസമ്പയുത്താ ഖന്ധാ ഉപ്പജ്ജന്തി. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തോ ലോഭോ ഉപ്പജ്ജതി. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച ഗരും കത്വാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. (൩)

അനന്തരപച്ചയോ

൭൨. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദാനസമ്പയുത്താ ഖന്ധാ പച്ഛിമാനം പച്ഛിമാനം ഉപാദാനസമ്പയുത്തകാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; ഉപാദാനസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ. (൩)

൭൩. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; പുരിമാ പുരിമാ ഉപാദാനവിപ്പയുത്താ ഖന്ധാ പച്ഛിമാനം പച്ഛിമാനം ഉപാദാനവിപ്പയുത്താനം ഖന്ധാനം അനന്തരപച്ചയേന പച്ചയോ; ദിട്ഠിഗതവിപ്പയുത്തോ ലോഭോ വുട്ഠാനസ്സ അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം അനന്തരപച്ചയേന പച്ചയോ. ആവജ്ജനാ ഉപാദാനസമ്പയുത്തകാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ ദിട്ഠിഗതവിപ്പയുത്തോ ലോഭോ പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ; ആവജ്ജനാ ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ. (൩)

൭൪. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമസ്സ പച്ഛിമസ്സ ദിട്ഠിഗതവിപ്പയുത്തസ്സ ലോഭസ്സ അനന്തരപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പച്ഛിമാനം പച്ഛിമാനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച അനന്തരപച്ചയേന പച്ചയോ. (൩)

സമനന്തരപച്ചയാദി

൭൫. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… (പടിച്ചസദിസം) നവ… അഞ്ഞമഞ്ഞപച്ചയേന പച്ചയോ… (പടിച്ചസദിസം) ഛ… നിസ്സയപച്ചയേന പച്ചയോ… (പച്ചയവാരസദിസം) നവ.

ഉപനിസ്സയപച്ചയോ

൭൬. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉപാദാനസമ്പയുത്താ ഖന്ധാ ഉപാദാനസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം) ഉപാദാനസമ്പയുത്താ ഖന്ധാ ഉപാദാനവിപ്പയുത്തകാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ. (മൂലം കാതബ്ബം) ഉപാദാനസമ്പയുത്താ ഖന്ധാ ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ. (൩)

൭൭. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, സീലം…പേ… പഞ്ഞം… ഉപാദാനവിപ്പയുത്തം രാഗം… മാനം… പത്ഥനം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… പഞ്ഞായ ഉപാദാനവിപ്പയുത്തസ്സ രാഗസ്സ… മാനസ്സ… പത്ഥനായ… കായികസ്സ സുഖസ്സ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – (തീണി ഉപനിസ്സയാ) സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി, സീലം…പേ… പഞ്ഞം… ഉപാദാനവിപ്പയുത്തം രാഗം… മാനം… പത്ഥനം… സേനാസനം ഉപനിസ്സായ അദിന്നം…പേ… മുസാ…പേ… പിസുണം…പേ… സമ്ഫം…പേ… സന്ധിം…പേ… നില്ലോപം…പേ… ഏകാഗാരികം…പേ… പരിപന്ഥേ…പേ… പരദാരം…പേ… ഗാമഘാതം…പേ… നിഗമഘാതം കരോതി. സദ്ധാ…പേ… സേനാസനം ഉപാദാനസമ്പയുത്തസ്സ രാഗസ്സ… മോഹസ്സ… മാനസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, സീലം…പേ… പഞ്ഞം… ഉപാദാനവിപ്പയുത്തം രാഗം…പേ… സേനാസനം ഉപനിസ്സായ അദിന്നം ആദിയതി…പേ… ഗാമഘാതം കരോതി… നിഗമഘാതം കരോതി…. സദ്ധാ…പേ… സേനാസനം ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ. (൩)

൭൮. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപാദാനസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപാദാനവിപ്പയുത്തകാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ. (മൂലം കാതബ്ബം) ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൭൯. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം…പേ… വത്ഥു ഉപാദാനവിപ്പയുത്തകാനം ഖന്ധാനം ലോഭസ്സ ച പുരേജാതപച്ചയേന പച്ചയോ. (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി. വത്ഥുപുരേജാതം – വത്ഥു ഉപാദാനസമ്പയുത്തകാനം ഖന്ധാനം പുരേജാതപച്ചയേന പച്ചയോ. (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ഉപ്പജ്ജന്തി. വത്ഥുപുരേജാതം – വത്ഥു ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൮൦. ഉപാദാനസമ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ. (സംഖിത്തം.) (൧) …ആസേവനപച്ചയേന പച്ചയോ.

കമ്മ-വിപാകപച്ചയാ

൮൧. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ കമ്മപച്ചയേന പച്ചയോ – ഉപാദാനസമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ഉപാദാനസമ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ഉപാദാനസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ചേതനാ ലോഭസ്സ ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – ഉപാദാനസമ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ കമ്മപച്ചയേന പച്ചയോ – ഉപാദാനസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ദിട്ഠിഗതവിപ്പയുത്തലോഭസഹഗതാ ചേതനാ സമ്പയുത്തകാനം ഖന്ധാനം ലോഭസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

൮൨. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ഉപാദാനവിപ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – ഉപാദാനവിപ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ വിപാകപച്ചയേന പച്ചയോ – വിപാകോ ഉപാദാനവിപ്പയുത്തോ ഏകോ…പേ… ഏകം.

ആഹാരപച്ചയാദി

൮൩. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ (ഇമേസു ചതൂസുപി യഥാ കമ്മപച്ചയേ ദിട്ഠിഗതവിപ്പയുത്തോ ലോഭോ ദസ്സിതോ ഏവം ദസ്സേതബ്ബോ. ചത്താരി ചത്താരി പഞ്ഹാ)… സമ്പയുത്തപച്ചയേന പച്ചയോ… ഛ.

വിപ്പയുത്തപച്ചയോ

൮൪. ഉപാദാനസമ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ഉപാദാനസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ദിട്ഠിഗതവിപ്പയുത്തലോഭസഹഗതാനം ഖന്ധാനം ലോഭസ്സ ച വിപ്പയുത്തപച്ചയേന പച്ചയോ. (൩)

ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ…പേ….

അത്ഥിപച്ചയാദി

൮൫. ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ… ഏകം (പടിച്ചസദിസം). (൧)

ഉപാദാനസമ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). (൨)

ഉപാദാനസമ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)

൮൬. ഉപാദാനവിപ്പയുത്തോ ധമ്മോ ഉപാദാനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (സംഖിത്തം). (൨)

ഉപാദാനവിപ്പയുത്തോ ധമ്മോ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം (ഇമേസു സഹജാതം സഹജാതസദിസം, പുരേജാതം പുരേജാതസദിസം). (൩)

൮൭. ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ഉപാദാനസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച ലോഭോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – ഉപാദാനസമ്പയുത്താ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച വത്ഥു ച ലോഭസ്സ അത്ഥിപച്ചയേന പച്ചയോ. പച്ഛാജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപാദാനസമ്പയുത്തസ്സ ച ഉപാദാനവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച ലോഭോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദിട്ഠിഗതവിപ്പയുത്തലോഭസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം ലോഭസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.