൧. വിഭങ്ഗവാരോ

ഹേതുപച്ചയോ

൫൭. ഉപാദാനസമ്പയുത്തം ധമ്മം പച്ചയാ ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസം).

ഉപാദാനവിപ്പയുത്തം ധമ്മം പച്ചയാ ഉപാദാനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തം ഏകം ഖന്ധം പച്ചയാ…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ ഉപാദാനവിപ്പയുത്താ ഖന്ധാ, വത്ഥും പച്ചയാ ദിട്ഠിഗതവിപ്പയുത്തോ ലോഭോ. (൧)

ഉപാദാനവിപ്പയുത്തം ധമ്മം പച്ചയാ ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ഉപാദാനസമ്പയുത്താ ഖന്ധാ, ദിട്ഠിഗതവിപ്പയുത്തം ലോഭം പച്ചയാ സമ്പയുത്തകാ ഖന്ധാ. (൨)

ഉപാദാനവിപ്പയുത്തം ധമ്മം പച്ചയാ ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ഉപാദാനസമ്പയുത്തകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; ദിട്ഠിഗതവിപ്പയുത്തം ലോഭം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം, വത്ഥും പച്ചയാ ദിട്ഠിഗതവിപ്പയുത്തലോഭസഹഗതാ ഖന്ധാ ച ലോഭോ ച. (൩)

൫൮. ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പച്ചയാ ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പച്ചയാ ഉപാദാനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച പച്ചയാ ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച വത്ഥുഞ്ച പച്ചയാ ലോഭോ. (൨)

ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പച്ചയാ ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഉപാദാനസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… ഉപാദാനസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ ലോഭോ ച…പേ… ദ്വേ ഖന്ധേ ച…പേ…. (൩) (സംഖിത്തം. ആരമ്മണപച്ചയമ്ഹി പഞ്ച വിഞ്ഞാണാ കാതബ്ബാ.)