൧. വിഭങ്ഗവാരോ

ഹേതുപച്ചയോ

൪൫. ഉപാദാനസമ്പയുത്തം ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഉപാദാനസമ്പയുത്തം ധമ്മം പടിച്ച ഉപാദാനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനസമ്പയുത്തേ ഖന്ധേ പടിച്ച ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ പടിച്ച ലോഭോ ചിത്തസമുട്ഠാനഞ്ച രൂപം. (൨)

ഉപാദാനസമ്പയുത്തം ധമ്മം പടിച്ച ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ഉപാദാനസമ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദിട്ഠിഗതവിപ്പയുത്തലോഭസഹഗതം ഏകം ഖന്ധം പടിച്ച തയോ ഖന്ധാ ലോഭോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൬. ഉപാദാനവിപ്പയുത്തം ധമ്മം പടിച്ച ഉപാദാനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനവിപ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദിട്ഠിഗതവിപ്പയുത്തം ലോഭം പടിച്ച ചിത്തസമുട്ഠാനം രൂപം; പടിസന്ധിക്ഖണേ ഉപാദാനവിപ്പയുത്തം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ…. (൧)

ഉപാദാനവിപ്പയുത്തം ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ. (൨)

ഉപാദാനവിപ്പയുത്തം ധമ്മം പടിച്ച ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൪൭. ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)

ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പടിച്ച ഉപാദാനവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ഉപാദാനസമ്പയുത്തേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, ദിട്ഠിഗതവിപ്പയുത്തലോഭസഹഗതേ ഖന്ധേ ച ലോഭഞ്ച പടിച്ച ചിത്തസമുട്ഠാനം രൂപം. (൨)

ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പടിച്ച ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ…. (൩)

ആരമ്മണപച്ചയോ

൪൮. ഉപാദാനസമ്പയുത്തം ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉപാദാനസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ഉപാദാനസമ്പയുത്തം ധമ്മം പടിച്ച ഉപാദാനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതേ ഖന്ധേ പടിച്ച ലോഭോ. (൨)

ഉപാദാനസമ്പയുത്തം ധമ്മം പടിച്ച ഉപാദാനസമ്പയുത്തോ ച ഉപാദാനവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധം പടിച്ച തയോ ഖന്ധാ ലോഭോ ച…പേ… ദ്വേ ഖന്ധേ…പേ…. (൩)

൪൯. ഉപാദാനവിപ്പയുത്തം ധമ്മം പടിച്ച ഉപാദാനവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ഉപാദാനവിപ്പയുത്തം ഏകം ഖന്ധം…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

ഉപാദാനവിപ്പയുത്തം ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തം ലോഭം പടിച്ച സമ്പയുത്തകാ ഖന്ധാ. (൨)

ഉപാദാനസമ്പയുത്തഞ്ച ഉപാദാനവിപ്പയുത്തഞ്ച ധമ്മം പടിച്ച ഉപാദാനസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദിട്ഠിഗതവിപ്പയുത്തലോഭസഹഗതം ഏകം ഖന്ധഞ്ച ലോഭഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൩) (സംഖിത്തം.)