൧. വിഭങ്ഗവാരോ

ഹേതുപച്ചയോ

൯൨. ചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി ഹേതുപച്ചയാ – ചേതസികം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; പടിസന്ധിക്ഖണേ…പേ…. (൧)

ചേതസികം ധമ്മം പടിച്ച അചേതസികോ ധമ്മോ ഉപ്പജ്ജതി ഹേതുപച്ചയാ – ചേതസികേ ഖന്ധേ പടിച്ച ചിത്തഞ്ച ചിത്തസമുട്ഠാനഞ്ച രൂപം; പടിസന്ധിക്ഖണേ ചേതസികേ ഖന്ധേ പടിച്ച ചിത്തഞ്ച കടത്താ ച രൂപം. (൨)

ചേതസികം ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ഹേതുപച്ചയാ – ചേതസികം ഏകം ഖന്ധം പടിച്ച ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൯൩. അചേതസികം ധമ്മം പടിച്ച അചേതസികോ ധമ്മോ ഉപ്പജ്ജതി ഹേതുപച്ചയാ – ചിത്തം പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തം പടിച്ച കടത്താരൂപം, ചിത്തം പടിച്ച വത്ഥു, വത്ഥും പടിച്ച ചിത്തം, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

അചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി ഹേതുപച്ചയാ – ചിത്തം പടിച്ച സമ്പയുത്തകാ ഖന്ധാ; പടിസന്ധിക്ഖണേ ചിത്തം…പേ… പടിസന്ധിക്ഖണേ വത്ഥും പടിച്ച ചേതസികാ ഖന്ധാ. (൨)

അചേതസികം ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ഹേതുപച്ചയാ – ചിത്തം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ ചിത്തം…പേ… പടിസന്ധിക്ഖണേ വത്ഥും പടിച്ച ചിത്തഞ്ച സമ്പയുത്തകാ ച ഖന്ധാ. (൩)

൯൪. ചേതസികഞ്ച അചേതസികഞ്ച ധമ്മം പടിച്ച ചേതസികോ ധമ്മോ ഉപ്പജ്ജതി ഹേതുപച്ചയാ – ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ…. (൧)

ചേതസികഞ്ച അചേതസികഞ്ച ധമ്മം പടിച്ച അചേതസികോ ധമ്മോ ഉപ്പജ്ജതി ഹേതുപച്ചയാ – ചേതസികേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, ചേതസികേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ ചേതസികേ ഖന്ധേ ച ചിത്തഞ്ച പടിച്ച കടത്താരൂപം, പടിസന്ധിക്ഖണേ ചേതസികേ ഖന്ധേ ച മഹാഭൂതേ ച പടിച്ച കടത്താരൂപം, പടിസന്ധിക്ഖണേ ചേതസികേ ഖന്ധേ ച വത്ഥുഞ്ച പടിച്ച ചിത്തം. (൨)

ചേതസികഞ്ച അചേതസികഞ്ച ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ഹേതുപച്ചയാ – ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ കടത്താ ച രൂപം, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ ചിത്തഞ്ച, ദ്വേ ഖന്ധേ ച വത്ഥുഞ്ച പടിച്ച ഏകോ ഖന്ധോ ചിത്തഞ്ച. (൩)

ആരമ്മണപച്ചയോ

൯൫. ചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി ആരമ്മണപച്ചയാ – ചേതസികം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ…. (൧)

ചേതസികം ധമ്മം പടിച്ച അചേതസികോ ധമ്മോ ഉപ്പജ്ജതി ആരമ്മണപച്ചയാ – ചേതസികേ ഖന്ധേ പടിച്ച ചിത്തം; പടിസന്ധിക്ഖണേ…പേ…. (൨)

ചേതസികം ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ആരമ്മണപച്ചയാ – ചേതസികം ഏകം ഖന്ധം പടിച്ച ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൯൬. അചേതസികം ധമ്മം പടിച്ച അചേതസികോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച ചിത്തം. (൧)

അചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി ആരമ്മണപച്ചയാ – ചിത്തം പടിച്ച സമ്പയുത്തകാ ഖന്ധാ; പടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ, പടിസന്ധിക്ഖണേ വത്ഥും പടിച്ച ചേതസികാ ഖന്ധാ. (൨)

അചേതസികം ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ആരമ്മണപച്ചയാ – പടിസന്ധിക്ഖണേ വത്ഥും പടിച്ച ചിത്തഞ്ച സമ്പയുത്തകാ ച ഖന്ധാ. (൩)

ചേതസികഞ്ച അചേതസികഞ്ച ധമ്മം പടിച്ച ചേതസികോ ധമ്മോ ഉപ്പജ്ജതി ആരമ്മണപച്ചയാ – ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ… പടിസന്ധിക്ഖണേ ചേതസികം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ…. (൧)

ചേതസികഞ്ച അചേതസികഞ്ച ധമ്മം പടിച്ച അചേതസികോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ ചേതസികേ ഖന്ധേ ച വത്ഥുഞ്ച പടിച്ച ചിത്തം. (൨)

ചേതസികഞ്ച അചേതസികഞ്ച ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ആരമ്മണപച്ചയാ – പടിസന്ധിക്ഖണേ ചേതസികം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ ചിത്തഞ്ച, ദ്വേ ഖന്ധേ ച…പേ…. (൩)

അധിപതിപച്ചയോ

൯൭. ചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി അധിപതിപച്ചയാ (സംഖിത്തം).