൧൦. മഹന്തരദുകം
൫൫. സാരമ്മണദുകം
൧. പടിച്ചവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൧. സാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)
സാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)
സാരമ്മണം ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി ഹേതുപച്ചയാ – സാരമ്മണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)
൨. അനാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി ഹേതുപച്ചയാ – ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)
അനാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച സാരമ്മണാ ഖന്ധാ. (൨)
അനാരമ്മണം ധമ്മം പടിച്ച സാരമ്മണോ ച അനാരമ്മണോ ച ധമ്മോ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച സാരമ്മണാ ഖന്ധാ, മഹാഭൂതേ പടിച്ച കടത്താരൂപം. (൩)
൩. സാരമ്മണഞ്ച അനാരമ്മണഞ്ച ധമ്മം പടിച്ച സാരമ്മണോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ സാരമ്മണം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)
സാരമ്മണഞ്ച അനാരമ്മണഞ്ച ധമ്മം പടിച്ച അനാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)
സാരമ്മണഞ്ച അനാരമ്മണഞ്ച ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ സാരമ്മണം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… സാരമ്മണേ ഖന്ധേ ച മഹാഭൂതേ ച പടിച്ച കടത്താരൂപം. (൩)
ആരമ്മണപച്ചയോ
൪. സാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി ആരമ്മണപച്ചയാ – സാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ….
അനാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച സാരമ്മണാ ഖന്ധാ.
സാരമ്മണഞ്ച അനാരമ്മണഞ്ച ധമ്മം പടിച്ച സാരമ്മണോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ സാരമ്മണം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… (സംഖിത്തം).
൧. പച്ചയാനുലോമം
൨. സങ്ഖ്യാവാരോ
സുദ്ധം
൫. ഹേതുയാ നവ, ആരമ്മണേ തീണി, അധിപതിയാ പഞ്ച, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ തീണി, പുരേജാതേ ഏകം, ആസേവനേ ഏകം, കമ്മേ നവ, വിപാകേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ.
൨. പച്ചയപച്ചനീയം
൧. വിഭങ്ഗവാരോ
നഹേതുപച്ചയോ
൬. സാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം സാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)
സാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകേ സാരമ്മണേ ഖന്ധേ പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ…പേ…. (൨)
സാരമ്മണം ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം സാരമ്മണം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൩)
൭. അനാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി നഹേതുപച്ചയാ – ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം…പേ…. (൧)
അനാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ വത്ഥും പടിച്ച സാരമ്മണാ ഖന്ധാ. (൨)
അനാരമ്മണം ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ വത്ഥും പടിച്ച സാരമ്മണാ ഖന്ധാ, മഹാഭൂതേ പടിച്ച കടത്താരൂപം. (൩)
൮. സാരമ്മണഞ്ച അനാരമ്മണഞ്ച ധമ്മം പടിച്ച സാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ സാരമ്മണം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)
സാരമ്മണഞ്ച അനാരമ്മണഞ്ച ധമ്മം പടിച്ച അനാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകേ സാരമ്മണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ…പേ…. (൨)
സാരമ്മണഞ്ച അനാരമ്മണഞ്ച ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ സാരമ്മണം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… സാരമ്മണേ ഖന്ധേ ച മഹാഭൂതേ ച പടിച്ച കടത്താരൂപം. (൩)
നആരമ്മണപച്ചയോ
൯. സാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി നആരമ്മണപച്ചയാ – സാരമ്മണേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)
അനാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി നആരമ്മണപച്ചയാ (യാവ അസഞ്ഞസത്താ). (൧)
സാരമ്മണഞ്ച അനാരമ്മണഞ്ച ധമ്മം പടിച്ച അനാരമ്മണോ ധമ്മോ ഉപ്പജ്ജതി നആരമ്മണപച്ചയാ – സാരമ്മണേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (സംഖിത്തം). (൧)
൨. പച്ചയപച്ചനീയം
൨. സങ്ഖ്യാവാരോ
സുദ്ധം
൧൦. നഹേതുയാ നവ, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ ദ്വേ, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ ദ്വേ, നമഗ്ഗേ നവ, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി.
൩. പച്ചയാനുലോമപച്ചനീയം
൧൧. ഹേതുപച്ചയാ നആരമ്മണേ തീണി, നഅധിപതിയാ നവ…പേ… നകമ്മേ ഏകം…പേ… നവിപ്പയുത്തേ ഏകം (സംഖിത്തം).
൪. പച്ചയപച്ചനീയാനുലോമം
൧൨. നഹേതുപച്ചയാ ആരമ്മണേ തീണി…പേ… സഹജാതേ നവ…പേ… മഗ്ഗേ ഏകം…പേ… അവിഗതേ നവ.
൨. സഹജാതവാരോ
(സഹജാതവാരോപി പടിച്ചവാരസദിസോ.)
൩. പച്ചയവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൧൩. സാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചസദിസാ).
൧൪. അനാരമ്മണം ധമ്മം പച്ചയാ അനാരമ്മണോ ധമ്മോ ഉപ്പജ്ജതി ഹേതുപച്ചയാ – ഏകം മഹാഭൂതം…പേ… മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം. (൧)
അനാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ സാരമ്മണാ ഖന്ധാ; പടിസന്ധിക്ഖണേ വത്ഥും പച്ചയാ സാരമ്മണാ ഖന്ധാ. (൨)
അനാരമ്മണം ധമ്മം പച്ചയാ സാരമ്മണോ ച അനാരമ്മണോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ സാരമ്മണാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ …പേ…. (൩)
൧൫. സാരമ്മണഞ്ച അനാരമ്മണഞ്ച ധമ്മം പച്ചയാ സാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ…. (൧)
സാരമ്മണഞ്ച അനാരമ്മണഞ്ച ധമ്മം പച്ചയാ അനാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)
സാരമ്മണഞ്ച അനാരമ്മണഞ്ച ധമ്മം പച്ചയാ സാരമ്മണോ ച അനാരമ്മണോ ച ധമ്മാ ഉപ്പജ്ജന്തി ഹേതുപച്ചയാ – സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… സാരമ്മണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)
ആരമ്മണപച്ചയോ
൧൬. സാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി ആരമ്മണപച്ചയാ – സാരമ്മണം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)
അനാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി ആരമ്മണപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ സാരമ്മണാ ഖന്ധാ; പടിസന്ധിക്ഖണേ…പേ…. (൧)
സാരമ്മണഞ്ച അനാരമ്മണഞ്ച ധമ്മം പച്ചയാ സാരമ്മണോ ധമ്മോ ഉപ്പജ്ജതി ആരമ്മണപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… കായവിഞ്ഞാണസഹഗതം…പേ… സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ… (സംഖിത്തം). (൧)
൧. പച്ചയാനുലോമം
൨. സങ്ഖ്യാവാരോ
സുദ്ധം
൧൭. ഹേതുയാ നവ, ആരമ്മണേ തീണി, അധിപതിയാ നവ, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ നവ, വിപാകേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ.
൨. പച്ചയപച്ചനീയം
൧. വിഭങ്ഗവാരോ
നഹേതുപച്ചയോ
൧൮. സാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി നഹേതുപച്ചയാ… തീണി (പടിച്ചവാരസദിസം).
അനാരമ്മണം ധമ്മം പച്ചയാ അനാരമ്മണോ ധമ്മോ ഉപ്പജ്ജതി നഹേതുപച്ചയാ – ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം…പേ…. (൧)
അനാരമ്മണം ധമ്മം പച്ചയാ സാരമ്മണോ ധമ്മോ ഉപ്പജ്ജതി നഹേതുപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ സാരമ്മണാ ഖന്ധാ; പടിസന്ധിക്ഖണേ…പേ… വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)
അനാരമ്മണം ധമ്മം പച്ചയാ സാരമ്മണോ ച അനാരമ്മണോ ച ധമ്മാ ഉപ്പജ്ജന്തി നഹേതുപച്ചയാ – വത്ഥും പച്ചയാ അഹേതുകാ സാരമ്മണാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)
൧൯. സാരമ്മണഞ്ച അനാരമ്മണഞ്ച ധമ്മം പച്ചയാ സാരമ്മണോ ധമ്മോ ഉപ്പജ്ജതി നഹേതുപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… കായവിഞ്ഞാണസഹഗതം…പേ… അഹേതുകം സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)
സാരമ്മണഞ്ച അനാരമ്മണഞ്ച ധമ്മം പച്ചയാ അനാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകേ സാരമ്മണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)
സാരമ്മണഞ്ച അനാരമ്മണഞ്ച ധമ്മം പച്ചയാ സാരമ്മണോ ച അനാരമ്മണോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… അഹേതുകേ സാരമ്മണേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അഹേതുകപടിസന്ധിക്ഖണേ അഹേതുകം സാരമ്മണം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… അഹേതുകേ സാരമ്മണേ ഖന്ധേ ച മഹാഭൂതേ ച പച്ചയാ കടത്താരൂപം…പേ… (സംഖിത്തം). (൩)
൨. പച്ചയപച്ചനീയം
൨. സങ്ഖ്യാവാരോ
സുദ്ധം
൨൦. നഹേതുയാ നവ, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ചത്താരി, നമഗ്ഗേ നവ, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി.
൩. പച്ചയാനുലോമപച്ചനീയം
൨൧. ഹേതുപച്ചയാ നആരമ്മണേ തീണി, നഅധിപതിയാ നവ…പേ… നകമ്മേ ഏകം…പേ… നവിപ്പയുത്തേ ഏകം (സംഖിത്തം).
൪. പച്ചയപച്ചനീയാനുലോമം
൨൨. നഹേതുപച്ചയാ ആരമ്മണേ തീണി, അനന്തരേ തീണി, സമനന്തരേ തീണി, സഹജാതേ നവ…പേ… മഗ്ഗേ തീണി…പേ… അവിഗതേ നവ.
൪. നിസ്സയവാരോ
(നിസ്സയവാരോ പച്ചയവാരസദിസോ.)
൫. സംസട്ഠവാരോ
൧-൪. പച്ചയാനുലോമാദി
൨൩. സാരമ്മണം ധമ്മം സംസട്ഠോ സാരമ്മണോ ധമ്മോ ഉപ്പജ്ജതി ഹേതുപച്ചയാ – സാരമ്മണം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ ദ്വേ ഖന്ധാ; പടിസന്ധിക്ഖണേ…പേ….
൨൪. ഹേതുയാ ഏകം, ആരമ്മണേ ഏകം, അധിപതിയാ ഏകം (സബ്ബത്ഥ ഏകം), അവിഗതേ ഏകം.
അനുലോമം.
൨൫. സാരമ്മണം ധമ്മം സംസട്ഠോ സാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം സാരമ്മണം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ (സംഖിത്തം).
൨൬. നഹേതുയാ ഏകം, നഅധിപതിയാ ഏകം, നപുരേജാതേ ഏകം, നപച്ഛാജാതേ ഏകം, നആസേവനേ ഏകം, നകമ്മേ ഏകം, നവിപാകേ ഏകം, നഝാനേ ഏകം, നമഗ്ഗേ ഏകം, നവിപ്പയുത്തേ ഏകം.
പച്ചനീയം.
൬. സമ്പയുത്തവാരോ
(ഏവം ഇതരേ ദ്വേ ഗണനാപി സമ്പയുത്തവാരാപി കാതബ്ബാ.)
൭. പഞ്ഹാവാരോ
൧. പച്ചയാനുലോമം
൧. വിഭങ്ഗവാരോ
ഹേതുപച്ചയോ
൨൭. സാരമ്മണോ ധമ്മോ സാരമ്മണസ്സ ധമ്മസ്സ ഹേതുപച്ചയേന പച്ചയോ – സാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)
സാരമ്മണോ ധമ്മോ അനാരമ്മണസ്സ ധമ്മസ്സ ഹേതുപച്ചയേന പച്ചയോ – സാരമ്മണാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)
സാരമ്മണോ ധമ്മോ സാരമ്മണസ്സ ച അനാരമ്മണസ്സ ച ധമ്മസ്സ ഹേതുപച്ചയേന പച്ചയോ – സാരമ്മണാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)
ആരമ്മണപച്ചയോ
൨൮. സാരമ്മണോ ധമ്മോ സാരമ്മണസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ കിലേസേ ജാനന്തി, സാരമ്മണേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ചേതോപരിയഞാണേന സാരമ്മണചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… സാരമ്മണാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)
൨൯. അനാരമ്മണോ ധമ്മോ സാരമ്മണസ്സ ധമ്മസ്സ ആരമ്മണപച്ചയേന പച്ചയോ – അരിയാ നിബ്ബാനം പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… അനാരമ്മണാ ഖന്ധാ ഇദ്ധിവിധഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)
അധിപതിപച്ചയോ
൩൦. സാരമ്മണോ ധമ്മോ സാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും…പേ… ഫലം ഗരും…പേ… സാരമ്മണേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സാരമ്മണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)
സാരമ്മണോ ധമ്മോ അനാരമ്മണസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സാരമ്മണാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)
സാരമ്മണോ ധമ്മോ സാരമ്മണസ്സ ച അനാരമ്മണസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സാരമ്മണാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)
൩൧. അനാരമ്മണോ ധമ്മോ സാരമ്മണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, അധിപതിപച്ചയേന പച്ചയോ; ചക്ഖും…പേ… വത്ഥും ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)
അനന്തരപച്ചയാദി
൩൨. സാരമ്മണോ ധമ്മോ സാരമ്മണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സാരമ്മണാ…പേ… ഫലസമാപത്തിയാ അനന്തരപച്ചയേന പച്ചയോ… സമനന്തരപച്ചയേന പച്ചയോ… ഏകം… സഹജാതപച്ചയേന പച്ചയോ… സത്ത (പടിച്ചവാരേ സഹജാതസദിസാ)… അഞ്ഞമഞ്ഞപച്ചയേന പച്ചയോ… ഛ (പടിച്ചവാരേ അഞ്ഞമഞ്ഞസദിസം)… നിസ്സയപച്ചയേന പച്ചയോ… സത്ത (പച്ചയവാരേ നിസ്സയസദിസോ).
ഉപനിസ്സയപച്ചയോ
൩൩. സാരമ്മണോ ധമ്മോ സാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… മാനം ജപ്പേതി, ദിട്ഠിം ഗണ്ഹാതി. സീലം…പേ… പഞ്ഞം, രാഗം…പേ… പത്ഥനം, കായികം സുഖം… കായികം ദുക്ഖം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി. സദ്ധാ…പേ… പഞ്ഞാ, രാഗോ…പേ… പത്ഥനാ, കായികം സുഖം… കായികം ദുക്ഖം സദ്ധായ…പേ… പഞ്ഞായ, രാഗസ്സ…പേ… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)
അനാരമ്മണോ ധമ്മോ സാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉതും, ഭോജനം, സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി. ഉതു… ഭോജനം… സേനാസനം സദ്ധായ…പേ… പത്ഥനായ, കായികസ്സ സുഖസ്സ, കായികസ്സ ദുക്ഖസ്സ, മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)
പുരേജാതപച്ചയോ
൩൪. അനാരമ്മണോ ധമ്മോ സാരമ്മണസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു സാരമ്മണാനം ഖന്ധാനം പുരേജാതപച്ചയേന പച്ചയോ. (൧)
പച്ഛാജാതാസേവനപച്ചയാ
൩൫. സാരമ്മണോ ധമ്മോ അനാരമ്മണസ്സ ധമ്മസ്സ പച്ഛാജാതപച്ചയേന പച്ചയോ… ഏകം.
സാരമ്മണോ ധമ്മോ സാരമ്മണസ്സ ധമ്മസ്സ ആസേവനപച്ചയേന പച്ചയോ… ഏകം.
കമ്മപച്ചയോ
൩൬. സാരമ്മണോ ധമ്മോ സാരമ്മണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സാരമ്മണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സാരമ്മണാ ചേതനാ വിപാകാനം ഖന്ധാനം കമ്മപച്ചയേന പച്ചയോ. (൧)
സാരമ്മണോ ധമ്മോ അനാരമ്മണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സാരമ്മണാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സാരമ്മണാ ചേതനാ കടത്താരൂപാനം കമ്മപച്ചയേന പച്ചയോ. (൨)
സാരമ്മണോ ധമ്മോ സാരമ്മണസ്സ ച അനാരമ്മണസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സാരമ്മണാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സാരമ്മണാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൩)
വിപാക-ആഹാരപച്ചയാ
൩൭. സാരമ്മണോ ധമ്മോ സാരമ്മണസ്സ ധമ്മസ്സ വിപാകപച്ചയേന പച്ചയോ… തീണി.
സാരമ്മണോ ധമ്മോ സാരമ്മണസ്സ ധമ്മസ്സ ആഹാരപച്ചയേന പച്ചയോ… തീണി.
അനാരമ്മണോ ധമ്മോ അനാരമ്മണസ്സ ധമ്മസ്സ ആഹാരപച്ചയേന പച്ചയോ – കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)
ഇന്ദ്രിയപച്ചയോ
൩൮. സാരമ്മണോ ധമ്മോ സാരമ്മണസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.
അനാരമ്മണോ ധമ്മോ അനാരമ്മണസ്സ ധമ്മസ്സ ഇന്ദ്രിയപച്ചയേന പച്ചയോ – രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (൧)
അനാരമ്മണോ ധമ്മോ സാരമ്മണസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ ഇന്ദ്രിയപച്ചയേന പച്ചയോ. (൧)
സാരമ്മണോ ച അനാരമ്മണോ ച ധമ്മാ സാരമ്മണസ്സ ധമ്മസ്സ ഇന്ദ്രിയപച്ചയേന പച്ചയോ – ചക്ഖുന്ദ്രിയഞ്ച ചക്ഖുവിഞ്ഞാണഞ്ച ചക്ഖുവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ…പേ… കായിന്ദ്രിയഞ്ച കായവിഞ്ഞാണഞ്ച കായവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ. (൧)
ഝാനപച്ചയാദി
൩൯. സാരമ്മണോ ധമ്മോ സാരമ്മണസ്സ ധമ്മസ്സ ഝാനപച്ചയേന പച്ചയോ… തീണി, മഗ്ഗപച്ചയേന പച്ചയോ… തീണി, സമ്പയുത്തപച്ചയേന പച്ചയോ… ഏകം.
വിപ്പയുത്തപച്ചയോ
൪൦. സാരമ്മണോ ധമ്മോ അനാരമ്മണസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)
അനാരമ്മണോ ധമ്മോ സാരമ്മണസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു സാരമ്മണാനം ഖന്ധാനം വിപ്പയുത്തപച്ചയേന പച്ചയോ. പുരേജാതം ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ; വത്ഥു സാരമ്മണാനം ഖന്ധാനം വിപ്പയുത്തപച്ചയേന പച്ചയോ. (൧)
അത്ഥിപച്ചയോ
൪൧. സാരമ്മണോ ധമ്മോ സാരമ്മണസ്സ ധമ്മസ്സ അത്ഥിപച്ചയേന പച്ചയോ – സാരമ്മണോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)
സാരമ്മണോ ധമ്മോ അനാരമ്മണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). (൨)
സാരമ്മണോ ധമ്മോ സാരമ്മണസ്സ ച അനാരമ്മണസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)
൪൨. അനാരമ്മണോ ധമ്മോ അനാരമ്മണസ്സ ധമ്മസ്സ അത്ഥിപച്ചയേന പച്ചയോ – സഹജാതം, ആഹാരം, ഇന്ദ്രിയം. സഹജാതം – ഏകം മഹാഭൂതം…പേ… (യാവ അസഞ്ഞസത്താ). (൧)
അനാരമ്മണോ ധമ്മോ സാരമ്മണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു സാരമ്മണാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു സാരമ്മണാനം ഖന്ധാനം അത്ഥിപച്ചയേന പച്ചയോ. (൨)
൪൩. സാരമ്മണോ ച അനാരമ്മണോ ച ധമ്മാ സാരമ്മണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ചക്ഖുവിഞ്ഞാണസഹഗതോ ഏകോ ഖന്ധോ ച ചക്ഖായതനഞ്ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… കായവിഞ്ഞാണസഹഗതോ ഏകോ ഖന്ധോ ച കായായതനഞ്ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… സാരമ്മണോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… പടിസന്ധിക്ഖണേ…പേ…. (൧)
സാരമ്മണോ ച അനാരമ്മണോ ച ധമ്മാ അനാരമ്മണസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – സാരമ്മണാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – സാരമ്മണാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സാരമ്മണാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)