൧. വിഭങ്ഗവാരോ

ഹേതുപച്ചയോ

൭൦. നോചിത്തോ ധമ്മോ നോചിത്തസ്സ ധമ്മസ്സ ഹേതുപച്ചയേന പച്ചയോ – നോചിത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

നോചിത്തോ ധമ്മോ ചിത്തസ്സ ധമ്മസ്സ ഹേതുപച്ചയേന പച്ചയോ – നോചിത്താ ഹേതൂ ചിത്തസ്സ ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ ഹേതുപച്ചയേന പച്ചയോ – നോചിത്താ ഹേതൂ സമ്പയുത്തകാനം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

ആരമ്മണപച്ചയോ

൭൧. ചിത്തോ ധമ്മോ ചിത്തസ്സ ധമ്മസ്സ ആരമ്മണപച്ചയേന പച്ചയോ – ചിത്തം ആരബ്ഭ ചിത്തം ഉപ്പജ്ജതി. (മൂലം കാതബ്ബം) ചിത്തം ആരബ്ഭ നോചിത്താ ഖന്ധാ ഉപ്പജ്ജന്തി. (മൂലം കാതബ്ബം) ചിത്തം ആരബ്ഭ ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. (൩)

൭൨. നോചിത്തോ ധമ്മോ നോചിത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോചിത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, ചക്ഖും…പേ… വത്ഥും നോചിത്തേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം…പേ… ആകിഞ്ചഞ്ഞായതനം…പേ… രൂപായതനം ചക്ഖുവിഞ്ഞാണസഹഗതാനം ഖന്ധാനം…പേ… ഫോട്ഠബ്ബായതനം കായവിഞ്ഞാണസഹഗതാനം ഖന്ധാനം…പേ… നോചിത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ…പേ… (പഠമഗമനസദിസം നിന്നാനാകരണം, ഇമം നാനം) രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോചിത്താ ഖന്ധാ ഇദ്ധിവിധഞാണസ്സ…പേ… ആവജ്ജനായ ആരമ്മണപച്ചയേന പച്ചയോ. (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ ആരമ്മണപച്ചയേന പച്ചയോ – ദാനം ദത്വാ…പേ… (പഠമഗമനസദിസം നിന്നാനാകരണം, ഇമം നാനം), രൂപായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… ഫോട്ഠബ്ബായതനം കായവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… നോചിത്താ ഖന്ധാ ഇദ്ധിവിധഞാണസ്സ…പേ… ആവജ്ജനായ ആരമ്മണപച്ചയേന പച്ചയോ. (൩)

ചിത്തോ ച നോചിത്തോ ച ധമ്മാ ചിത്തസ്സ ധമ്മസ്സ ആരമ്മണപച്ചയേന പച്ചയോ – ചിത്തഞ്ച സമ്പയുത്തകേ ച ഖന്ധേ ആരബ്ഭ ചിത്തം ഉപ്പജ്ജതി… തീണി.

അധിപതിപച്ചയോ

൭൩. ചിത്തോ ധമ്മോ ചിത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചിത്തം ഗരും കത്വാ ചിത്തം ഉപ്പജ്ജതി. (൧)

ചിത്തോ ധമ്മോ നോചിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ചിത്തം ഗരും കത്വാ നോചിത്താ ഖന്ധാ ഉപ്പജ്ജന്തി. സഹജാതാധിപതി – ചിത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

ചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചിത്തം ഗരും കത്വാ ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. (൩)

൭൪. നോചിത്തോ ധമ്മോ നോചിത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി. ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, അധിപതിപച്ചയേന പച്ചയോ; ചക്ഖും…പേ… വത്ഥും നോചിത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോചിത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ അധിപതിപച്ചയേന പച്ചയോ (ദ്വേപി ഗമനാ പഠമഗമനസദിസം നിന്നാനാകരണം. ആരമ്മണാധിപതി സഹജാതാധിപതി കാതബ്ബാ). (൨)

ചിത്തോ ച നോചിത്തോ ച ധമ്മാ ചിത്തസ്സ ധമ്മസ്സ അധിപതിപച്ചയേന പച്ചയോ… ആരമ്മണാധിപതി (തീണിപി ഗരുകാരമ്മണാ കാതബ്ബാ, ആരമ്മണാധിപതിയേവ).

അനന്തരപച്ചയാദി

൭൫. ചിത്തോ ധമ്മോ ചിത്തസ്സ ധമ്മസ്സ അനന്തരപച്ചയേന പച്ചയോ – പുരിമം പുരിമം ചിത്തം പച്ഛിമസ്സ പച്ഛിമസ്സ ചിത്തസ്സ അനന്തരപച്ചയേന പച്ചയോ. (൧)

ചിത്തോ ധമ്മോ നോചിത്തസ്സ ധമ്മസ്സ അനന്തരപച്ചയേന പച്ചയോ – പുരിമം പുരിമം ചിത്തം പച്ഛിമാനം പച്ഛിമാനം നോചിത്താനം ഖന്ധാനം അനന്തരപച്ചയേന പച്ചയോ; ചിത്തം വുട്ഠാനസ്സ അനന്തരപച്ചയേന പച്ചയോ. (൨)

ചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ അനന്തരപച്ചയേന പച്ചയോ – പുരിമം പുരിമം ചിത്തം പച്ഛിമസ്സ പച്ഛിമസ്സ ചിത്തസ്സ സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൭൬. നോചിത്തോ ധമ്മോ നോചിത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോചിത്താ ഖന്ധാ…പേ… ഫലസമാപത്തിയാ അനന്തരപച്ചയേന പച്ചയോ (ഇമേ ദ്വേ പൂരേതുകാമേന കാതബ്ബാ, പുരിമഗമനസദിസം).

ചിത്തോ ച നോചിത്തോ ച ധമ്മാ ചിത്തസ്സ ധമ്മസ്സ അനന്തരപച്ചയേന പച്ചയോ – പുരിമം പുരിമം ചിത്തഞ്ച സമ്പയുത്തകാ ച ഖന്ധാ പച്ഛിമസ്സ പച്ഛിമസ്സ ചിത്തസ്സ അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമം പുരിമം ചിത്തഞ്ച സമ്പയുത്തകാ ച ഖന്ധാ പച്ഛിമാനം പച്ഛിമാനം നോചിത്താനം ഖന്ധാനം അനന്തരപച്ചയേന പച്ചയോ – ചിത്തഞ്ച സമ്പയുത്തകാ ച ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം പുച്ഛിതബ്ബം) പുരിമം പുരിമം ചിത്തഞ്ച സമ്പയുത്തകാ ച ഖന്ധാ പച്ഛിമസ്സ പച്ഛിമസ്സ ചിത്തസ്സ സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ (പടിച്ചവാരസദിസാ)… നിസ്സയപച്ചയേന പച്ചയോ… പഞ്ച (പച്ചയവാരസദിസാ).

ഉപനിസ്സയപച്ചയോ

൭൭. ചിത്തോ ധമ്മോ ചിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ചിത്തം ചിത്തസ്സ ഉപനിസ്സയപച്ചയേന പച്ചയോ… തീണി.

നോചിത്തോ ധമ്മോ നോചിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ ദാനം ദേതി …പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ ഉപനിസ്സയപച്ചയേന പച്ചയോ (ഇമേ ദ്വേപി പൂരേതുകാമേന സബ്ബത്ഥ കാതബ്ബാ, പഠമഗമനസദിസം നിന്നാനാകരണം).

ചിത്തോ ച നോചിത്തോ ച ധമ്മാ ചിത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ചിത്തഞ്ച സമ്പയുത്തകാ ച ഖന്ധാ ചിത്തസ്സ ഉപനിസ്സയപച്ചയേന പച്ചയോ… തീണി.

പുരേജാതപച്ചയോ

൭൮. നോചിത്തോ ധമ്മോ നോചിത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസഹഗതാനം ഖന്ധാനം…പേ… ഫോട്ഠബ്ബായതനം കായവിഞ്ഞാണസഹഗതാനം ഖന്ധാനം പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസഹഗതാനം ഖന്ധാനം…പേ… കായായതനം…പേ… വത്ഥു നോചിത്താനം ഖന്ധാനം പുരേജാതപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ …പേ… കായായതനം കായവിഞ്ഞാണസ്സ…പേ… വത്ഥു ചിത്തസ്സ പുരേജാതപച്ചയേന പച്ചയോ. (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ ച സമ്പയുത്തകാനഞ്ച ഖന്ധാനം…പേ… ഫോട്ഠബ്ബായതനം…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ…പേ… കായായതനം കായവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… വത്ഥു ചിത്തസ്സ ച സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൭൯. ചിത്തോ ധമ്മോ നോചിത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

നോചിത്തോ ധമ്മോ നോചിത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

ചിത്തോ ച നോചിത്തോ ച ധമ്മാ നോചിത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

ചിത്തോ ധമ്മോ ചിത്തസ്സ ധമ്മസ്സ ആസേവനപച്ചയേന പച്ചയോ… നവ.

കമ്മപച്ചയോ

൮൦. നോചിത്തോ ധമ്മോ നോചിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോചിത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോചിത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോചിത്താ ചേതനാ ചിത്തസ്സ കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോചിത്താ ചേതനാ വിപാകസ്സ ചിത്തസ്സ കമ്മപച്ചയേന പച്ചയോ. (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോചിത്താ ചേതനാ സമ്പയുത്തകാനം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോചിത്താ ചേതനാ വിപാകാനം ഖന്ധാനം ചിത്തസ്സ ച കടത്താ ച രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൮൧. ചിത്തോ ധമ്മോ നോചിത്തസ്സ ധമ്മസ്സ വിപാകപച്ചയേന പച്ചയോ… പഞ്ച… ആഹാരപച്ചയേന പച്ചയോ… പഞ്ച… ഇന്ദ്രിയപച്ചയേന പച്ചയോ… പഞ്ച. നോചിത്തോ ധമ്മോ നോചിത്തസ്സ ധമ്മസ്സ ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… തീണി… സമ്പയുത്തപച്ചയേന പച്ചയോ… പഞ്ച.

വിപ്പയുത്തപച്ചയോ

൮൨. ചിത്തോ ധമ്മോ നോചിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നോചിത്തോ ധമ്മോ നോചിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നോചിത്താ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ നോചിത്താ ഖന്ധാ കടത്താരൂപാനം…പേ… നോചിത്താ ഖന്ധാ വത്ഥുസ്സ വിപ്പയുത്തപച്ചയേന പച്ചയോ; വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസഹഗതാനം ഖന്ധാനം…പേ… കായായതനം കായവിഞ്ഞാണസഹഗതാനം ഖന്ധാനം…പേ… വത്ഥു നോചിത്താനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നോചിത്താ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നോചിത്തോ ധമ്മോ ചിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു ചിത്തസ്സ വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ചിത്തസ്സ വിപ്പയുത്തപച്ചയേന പച്ചയോ. (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു ചിത്തസ്സ സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ…പേ… കായായതനം കായവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… വത്ഥു ചിത്തസ്സ ച സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

ചിത്തോ ച നോചിത്തോ ച ധമ്മാ നോചിത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അത്ഥിപച്ചയോ

൮൩. ചിത്തോ ധമ്മോ നോചിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നോചിത്തോ ധമ്മോ നോചിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോചിത്തോ ധമ്മോ ചിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – നോചിത്താ ഖന്ധാ ചിത്തസ്സ അത്ഥിപച്ചയേന പച്ചയോ; പടിസന്ധിക്ഖണേ…പേ… പടിസന്ധിക്ഖണേ വത്ഥു ചിത്തസ്സ അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അനിച്ചതോ…പേ… (പുരേജാതസദിസം, സംഖിത്തം). (൨)

നോചിത്തോ ധമ്മോ ചിത്തസ്സ ച നോചിത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോചിത്തോ ഏകോ ഖന്ധോ ദ്വിന്നം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; പടിസന്ധിക്ഖണേ നോചിത്തോ ഏകോ ഖന്ധോ…പേ… പടിസന്ധിക്ഖണേ വത്ഥു ചിത്തസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും…പേ… (പുരേജാതസദിസം, സംഖിത്തം). (൩)

൮൪. ചിത്തോ ച നോചിത്തോ ച ധമ്മാ നോചിത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോചിത്തോ ഏകോ ഖന്ധോ ച ചിത്തഞ്ച ദ്വിന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; ദ്വേ ഖന്ധാ ച…പേ…. സഹജാതം – ചിത്തഞ്ച വത്ഥുഞ്ച നോചിത്താനം ഖന്ധാനം അത്ഥിപച്ചയേന പച്ചയോ (പടിസന്ധിക്ഖണേപി ദ്വേ). സഹജാതം – ചിത്തഞ്ച സമ്പയുത്തകാ ച ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതം – ചിത്തഞ്ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ (പടിസന്ധിക്ഖണേപി ദ്വേ). പച്ഛാജാതം – ചിത്തഞ്ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതം – ചിത്തഞ്ച സമ്പയുത്തകാ ച ഖന്ധാ കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതം – ചിത്തഞ്ച സമ്പയുത്തകാ ച ഖന്ധാ രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)