൧. വിഭങ്ഗവാരോ

ഹേതുപച്ചയോ

൬൧. ചിത്തം ധമ്മം പച്ചയാ നോചിത്തോ ധമ്മോ ഉപ്പജ്ജതി ഹേതുപച്ചയാ – ചിത്തം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ…പേ…. (൧)

നോചിത്തം ധമ്മം പച്ചയാ നോചിത്തോ ധമ്മോ ഉപ്പജ്ജതി ഹേതുപച്ചയാ – നോചിത്തം ഏകം ഖന്ധം പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… പടിസന്ധിക്ഖണേ…പേ… (യാവ മഹാഭൂതാ), വത്ഥും പച്ചയാ നോചിത്താ ഖന്ധാ. (൧)

നോചിത്തം ധമ്മം പച്ചയാ ചിത്തോ ധമ്മോ ഉപ്പജ്ജതി ഹേതുപച്ചയാ – നോചിത്തേ ഖന്ധേ പച്ചയാ ചിത്തം, വത്ഥും പച്ചയാ ചിത്തം; പടിസന്ധിക്ഖണേ നോചിത്തേ ഖന്ധേ പച്ചയാ ചിത്തം, പടിസന്ധിക്ഖണേ വത്ഥും പച്ചയാ ചിത്തം. (൨)

നോചിത്തം ധമ്മം പച്ചയാ ചിത്തോ ച നോചിത്തോ ച ധമ്മാ ഉപ്പജ്ജന്തി ഹേതുപച്ചയാ – നോചിത്തം ഏകം ഖന്ധം പച്ചയാ ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… വത്ഥും പച്ചയാ ചിത്തഞ്ച സമ്പയുത്തകാ ച ഖന്ധാ; പടിസന്ധിക്ഖണേ നോചിത്തം ഏകം ഖന്ധം പച്ചയാ ദ്വേ ഖന്ധാ ചിത്തഞ്ച കടത്താ ച രൂപം, ദ്വേ ഖന്ധേ…പേ… പടിസന്ധിക്ഖണേ വത്ഥും പച്ചയാ ചിത്തഞ്ച സമ്പയുത്തകാ ച ഖന്ധാ. (൩)

ചിത്തഞ്ച നോചിത്തഞ്ച ധമ്മം പച്ചയാ നോചിത്തോ ധമ്മോ ഉപ്പജ്ജതി ഹേതുപച്ചയാ – നോചിത്തം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ ച…പേ… ചിത്തഞ്ച മഹാഭൂതേ ച പച്ചയാ ചിത്തസമുട്ഠാനം രൂപം, ചിത്തഞ്ച വത്ഥുഞ്ച പച്ചയാ നോചിത്താ ഖന്ധാ, പടിസന്ധിക്ഖണേ നോചിത്തം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ കടത്താ ച രൂപം, ദ്വേ ഖന്ധേ ച…പേ… പടിസന്ധിക്ഖണേ ചിത്തഞ്ച മഹാഭൂതേ ച പച്ചയാ കടത്താരൂപം; പടിസന്ധിക്ഖണേ ചിത്തഞ്ച വത്ഥുഞ്ച പച്ചയാ നോചിത്താ ഖന്ധാ. (൧)

ആരമ്മണപച്ചയോ

൬൨. ചിത്തം ധമ്മം പച്ചയാ നോചിത്തോ ധമ്മോ ഉപ്പജ്ജതി ആരമ്മണപച്ചയാ… ഏകം (പടിച്ചവാരസദിസം).

നോചിത്തം ധമ്മം പച്ചയാ നോചിത്തോ ധമ്മോ ഉപ്പജ്ജതി ആരമ്മണപച്ചയാ – നോചിത്തം ഏകം ഖന്ധം പച്ചയാ ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ… പടിസന്ധിക്ഖണേ വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണസഹഗതാ ഖന്ധാ…പേ… കായായതനം പച്ചയാ കായവിഞ്ഞാണസഹഗതാ ഖന്ധാ, വത്ഥും പച്ചയാ നോചിത്താ ഖന്ധാ. (൧)

നോചിത്തം ധമ്മം പച്ചയാ ചിത്തോ ധമ്മോ ഉപ്പജ്ജതി ആരമ്മണപച്ചയാ – നോചിത്തേ ഖന്ധേ പച്ചയാ ചിത്തം, വത്ഥും പച്ചയാ ചിത്തം; പടിസന്ധിക്ഖണേ നോചിത്തേ ഖന്ധേ പച്ചയാ ചിത്തം, പടിസന്ധിക്ഖണേ വത്ഥും പച്ചയാ ചിത്തം, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. (൨)

നോചിത്തം ധമ്മം പച്ചയാ ചിത്തോ ച നോചിത്തോ ച ധമ്മാ ഉപ്പജ്ജന്തി ആരമ്മണപച്ചയാ – നോചിത്തം ഏകം ഖന്ധം പച്ചയാ ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… വത്ഥും പച്ചയാ ചിത്തഞ്ച സമ്പയുത്തകാ ച ഖന്ധാ; പടിസന്ധിക്ഖണേ…പേ… പടിസന്ധിക്ഖണേ വത്ഥും പച്ചയാ ചിത്തഞ്ച സമ്പയുത്തകാ ച ഖന്ധാ, ചക്ഖായതനം പച്ചയാ ചക്ഖുവിഞ്ഞാണം സമ്പയുത്തകാ ച ഖന്ധാ…പേ… കായായതനം പച്ചയാ കായവിഞ്ഞാണം സമ്പയുത്തകാ ച ഖന്ധാ. (൩)

ചിത്തഞ്ച നോചിത്തഞ്ച ധമ്മം പച്ചയാ നോചിത്തോ ധമ്മോ ഉപ്പജ്ജതി ആരമ്മണപച്ചയാ – നോചിത്തം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ, ദ്വേ ഖന്ധേ ച…പേ… ചിത്തഞ്ച വത്ഥുഞ്ച പച്ചയാ നോചിത്താ ഖന്ധാ, പടിസന്ധിക്ഖണേ…പേ… പടിസന്ധിക്ഖണേ ചിത്തഞ്ച വത്ഥുഞ്ച പച്ചയാ നോചിത്താ ഖന്ധാ, ചക്ഖായതനഞ്ച ചക്ഖുവിഞ്ഞാണഞ്ച പച്ചയാ ചക്ഖുവിഞ്ഞാണസഹഗതാ ഖന്ധാ…പേ… കായായതനം ച…പേ… (സംഖിത്തം). (൧)