൧. വിഭങ്ഗവാരോ

നഹേതുപച്ചയോ

൫൩. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ ചിത്തം…പേ… വിചികിച്ഛാസഹഗതം ഉദ്ധച്ചസഹഗതം ചിത്തം പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നോചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം നോചിത്തം ഏകം ഖന്ധം പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ …പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നോചിത്തം ധമ്മം പടിച്ച ചിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകേ നോചിത്തേ ഖന്ധേ പടിച്ച ചിത്തം; അഹേതുകപടിസന്ധിക്ഖണേ നോചിത്തേ ഖന്ധേ പടിച്ച ചിത്തം; അഹേതുകപടിസന്ധിക്ഖണേ വത്ഥും പടിച്ച ചിത്തം. (൨)

നോചിത്തം ധമ്മം പടിച്ച ചിത്തോ ച നോചിത്തോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം നോചിത്തം ഏകം ഖന്ധം പടിച്ച ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… അഹേതുകപടിസന്ധിക്ഖണേ വത്ഥും പടിച്ച ചിത്തഞ്ച സമ്പയുത്തകാ ച ഖന്ധാ. (൩)

ചിത്തഞ്ച നോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം നോചിത്തം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ ച…പേ… അഹേതുകപടിസന്ധിക്ഖണേ നോചിത്തം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ കടത്താ ച രൂപം, ദ്വേ ഖന്ധേ ച…പേ… അഹേതുകപടിസന്ധിക്ഖണേ ചിത്തഞ്ച വത്ഥുഞ്ച പടിച്ച നോചിത്താ ഖന്ധാ, വിചികിച്ഛാസഹഗതം ഉദ്ധച്ചസഹഗതം ചിത്തഞ്ച സമ്പയുത്തകേ ച ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൫൪. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നആരമ്മണപച്ചയാ – ചിത്തം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)

നോചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നആരമ്മണപച്ചയാ – നോചിത്തേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അസഞ്ഞസത്താ). (൨)

ചിത്തഞ്ച നോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി നആരമ്മണപച്ചയാ – ചിത്തഞ്ച സമ്പയുത്തകേ ച ഖന്ധേ പടിച്ച ചിത്തസമുട്ഠാനം രൂപം, ചിത്തഞ്ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തഞ്ച സമ്പയുത്തകേ ച ഖന്ധേ പടിച്ച കടത്താരൂപം, ചിത്തഞ്ച മഹാഭൂതേ ച പടിച്ച കടത്താരൂപം. (൧)

നഅധിപതിപച്ചയാദി

൫൫. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നഅധിപതിപച്ചയാ … പഞ്ച… നഅനന്തരപച്ചയാ…പേ… നഉപനിസ്സയപച്ചയാ… തീണി.

നപുരേജാതപച്ചയാദി

൫൬. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ ചിത്തം പടിച്ച സമ്പയുത്തകാ ഖന്ധാ, ചിത്തം പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ കടത്താ ച രൂപം. (൧)

നോചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ നോചിത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… നോചിത്തേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അസഞ്ഞസത്താ). (൧)

നോചിത്തം ധമ്മം പടിച്ച ചിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ നോചിത്തേ ഖന്ധേ പടിച്ച ചിത്തം; പടിസന്ധിക്ഖണേ… വത്ഥും പടിച്ച ചിത്തം. (൨)

നോചിത്തം ധമ്മം പടിച്ച ചിത്തോ ച നോചിത്തോ ച ധമ്മാ ഉപ്പജ്ജന്തി നപുരേജാതപച്ചയാ – അരൂപേ നോചിത്തം ഏകം ഖന്ധം പടിച്ച ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… പടിസന്ധിക്ഖണേ വത്ഥും പടിച്ച ചിത്തഞ്ച സമ്പയുത്തകാ ച ഖന്ധാ. (൩)

ചിത്തഞ്ച നോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ നോചിത്തം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ ച…പേ… നോചിത്തേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, ചിത്തഞ്ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തഞ്ച വത്ഥുഞ്ച പടിച്ച നോചിത്താ ഖന്ധാ; പടിസന്ധിക്ഖണേ ചിത്തഞ്ച സമ്പയുത്തകേ ച ഖന്ധേ പടിച്ച കടത്താരൂപം, ചിത്തഞ്ച മഹാഭൂതേ ച പടിച്ച കടത്താരൂപം. (൧)

നപച്ഛാജാതപച്ചയാ… നആസേവനപച്ചയാ….

നകമ്മപച്ചയോ

൫൭. ചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നകമ്മപച്ചയാ – ചിത്തം പടിച്ച സമ്പയുത്തകാ ചേതനാ. (൧)

നോചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി നകമ്മപച്ചയാ – നോചിത്തേ ഖന്ധേ പടിച്ച സമ്പയുത്തകാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം…പേ…. (൧)

ചിത്തഞ്ച നോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി നകമ്മപച്ചയാ – നോചിത്തേ ഖന്ധേ ച ചിത്തഞ്ച പടിച്ച സമ്പയുത്തകാ ചേതനാ (സംഖിത്തം). (൧)