൧. വിഭങ്ഗവാരോ

ഹേതുപച്ചയോ

൪൪൫. ഉപാദിന്നോ ധമ്മോ ഉപാദിന്നസ്സ ധമ്മസ്സ ഹേതുപച്ചയേന പച്ചയോ – ഉപാദിന്നാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ ഉപാദിന്നാ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ ഹേതുപച്ചയേന പച്ചയോ – ഉപാദിന്നാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ ഹേതുപച്ചയേന പച്ചയോ – ഉപാദിന്നാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

അനുപാദിന്നോ ധമ്മോ അനുപാദിന്നസ്സ ധമ്മസ്സ ഹേതുപച്ചയേന പച്ചയോ – അനുപാദിന്നാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൧)

ആരമ്മണപച്ചയോ

൪൪൬. ഉപാദിന്നോ ധമ്മോ ഉപാദിന്നസ്സ ധമ്മസ്സ ആരമ്മണപച്ചയേന പച്ചയോ – ചക്ഖും…പേ… കായം ഉപാദിന്നേ രൂപേ… ഗന്ധേ… രസേ… ഫോട്ഠബ്ബേ… വത്ഥും ഉപാദിന്നേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, ഉപാദിന്നം രൂപായതനം ചക്ഖുവിഞ്ഞാണസ്സ…പേ… ഉപാദിന്നം ഗന്ധായതനം ഘാനവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ ആരമ്മണപച്ചയേന പച്ചയോ – ചക്ഖും…പേ… കായം ഉപാദിന്നേ രൂപേ… ഗന്ധേ… രസേ… ഫോട്ഠബ്ബേ… വത്ഥും ഉപാദിന്നേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ ഉപാദിന്നം രൂപം പസ്സതി. ചേതോപരിയഞാണേന ഉപാദിന്നചിത്തസമങ്ഗിസ്സ ചിത്തം ജാനാതി, ഉപാദിന്നാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൪൪൭. അനുപാദിന്നോ ധമ്മോ അനുപാദിന്നസ്സ ധമ്മസ്സ ആരമ്മണപച്ചയേന പച്ചയോ – ദാനം …പേ… സീലം…പേ… ഉപോസഥകമ്മം കത്വാ തം പച്ചവേക്ഖതി അസ്സാദേതി അഭിനന്ദതി, തം ആരബ്ഭ രാഗോ…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. അരിയാ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനുപാദിന്നേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ അനുപാദിന്നം രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന അനുപാദിന്നചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം…പേ… ആകിഞ്ചഞ്ഞായതനം…പേ… അനുപാദിന്നാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ ആരമ്മണപച്ചയേന പച്ചയോ – അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനുപാദിന്നേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, ആകാസാനഞ്ചായതനകുസലം വിഞ്ഞാണഞ്ചായതനവിപാകസ്സ…പേ… ആകിഞ്ചഞ്ഞായതനകുസലം…പേ… അനുപാദിന്നം രൂപായതനം ചക്ഖുവിഞ്ഞാണസ്സ…പേ… സദ്ദായതനം…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. (൨)

അധിപതിപച്ചയോ

൪൪൮. ഉപാദിന്നോ ധമ്മോ അനുപാദിന്നസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ചക്ഖും…പേ… കായം ഉപാദിന്നേ രൂപേ… ഗന്ധേ… രസേ… ഫോട്ഠബ്ബേ… വത്ഥും ഉപാദിന്നേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

അനുപാദിന്നോ ധമ്മോ അനുപാദിന്നസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം…പേ… നിബ്ബാനം ഗരും കത്വാ പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, അധിപതിപച്ചയേന പച്ചയോ; അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനുപാദിന്നേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനുപാദിന്നാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അനന്തരപച്ചയോ

൪൪൯. ഉപാദിന്നോ ധമ്മോ ഉപാദിന്നസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഉപാദിന്നാ ഖന്ധാ പച്ഛിമാനം പച്ഛിമാനം ഉപാദിന്നാനം ഖന്ധാനം അനന്തരപച്ചയേന പച്ചയോ. പഞ്ചവിഞ്ഞാണം വിപാകമനോധാതുയാ അനന്തരപച്ചയേന പച്ചയോ. വിപാകമനോധാതു വിപാകമനോവിഞ്ഞാണധാതുയാ അനന്തരപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ അനന്തരപച്ചയേന പച്ചയോ – ഭവങ്ഗം ആവജ്ജനായ, വിപാകമനോവിഞ്ഞാണധാതു കിരിയമനോവിഞ്ഞാണധാതുയാ അനന്തരപച്ചയേന പച്ചയോ. (൨)

൪൫൦. അനുപാദിന്നോ ധമ്മോ അനുപാദിന്നസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനുപാദിന്നാ ഖന്ധാ പച്ഛിമാനം പച്ഛിമാനം അനുപാദിന്നാനം ഖന്ധാനം അനന്തരപച്ചയേന പച്ചയോ, അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ പഞ്ചന്നം വിഞ്ഞാണാനം…പേ… അനുപാദിന്നാ ഖന്ധാ വുട്ഠാനസ്സ അനന്തരപച്ചയേന പച്ചയോ… സമനന്തരപച്ചയേന പച്ചയോ… സഹജാതപച്ചയേന പച്ചയോ… പഞ്ച (പടിച്ചസദിസാ)… അഞ്ഞമഞ്ഞപച്ചയേന പച്ചയോ… ദ്വേ (പടിച്ചസദിസാ)… നിസ്സയപച്ചയേന പച്ചയോ (പച്ചയവാരേ നിസ്സയസദിസാ) പഞ്ച.

ഉപനിസ്സയപച്ചയോ

൪൫൧. ഉപാദിന്നോ ധമ്മോ ഉപാദിന്നസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം കായികസ്സ സുഖസ്സ… കായികസ്സ ദുക്ഖസ്സ ഉപനിസ്സയപച്ചയേന പച്ചയോ; കായികം ദുക്ഖം… ഉപാദിന്നം ഉതു… ഭോജനം കായികസ്സ സുഖസ്സ… കായികസ്സ ദുക്ഖസ്സ ഉപനിസ്സയപച്ചയേന പച്ചയോ; കായികം സുഖം… കായികം ദുക്ഖം… ഉതു… ഭോജനം… കായികസ്സ സുഖസ്സ… കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ ദാനം ദേതി…പേ… സങ്ഘം ഭിന്ദതി; കായികം ദുക്ഖം… ഉപാദിന്നം ഉതും… ഭോജനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; പാണം ഹനതി…പേ… സങ്ഘം ഭിന്ദതി; കായികം സുഖം… കായികം ദുക്ഖം… ഉതു… ഭോജനം സദ്ധായ…പേ… പത്ഥനായ മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

൪൫൨. അനുപാദിന്നോ ധമ്മോ അനുപാദിന്നസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… പത്ഥനം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… പത്ഥനാ… ഉതു… ഭോജനം… സേനാസനം സദ്ധായ…പേ… പത്ഥനായ മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി; സീലം…പേ… പത്ഥനം… ഉതും… ഭോജനം… സേനാസനം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി; സദ്ധാ…പേ… സേനാസനം കായികസ്സ സുഖസ്സ… കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കുസലാകുസലം കമ്മം വിപാകസ്സ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൪൫൩. ഉപാദിന്നോ ധമ്മോ ഉപാദിന്നസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… കായം ഉപാദിന്നേ രൂപേ… ഗന്ധേ… രസേ… ഫോട്ഠബ്ബേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, ഉപാദിന്നം രൂപായതനം ചക്ഖുവിഞ്ഞാണസ്സ…പേ… ഗന്ധായതനം…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ഉപാദിന്നാനം ഖന്ധാനം പുരേജാതപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… കായം, ഉപാദിന്നേ രൂപേ… ഗന്ധേ… രസേ… ഫോട്ഠബ്ബേ വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ ഉപാദിന്നം രൂപം പസ്സതി. വത്ഥുപുരേജാതം – വത്ഥു അനുപാദിന്നാനം ഖന്ധാനം പുരേജാതപച്ചയേന പച്ചയോ. (൨)

൪൫൪. അനുപാദിന്നോ ധമ്മോ അനുപാദിന്നസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ അനുപാദിന്നം രൂപം പസ്സതി, ദിബ്ബായ സോതധാതുയാ സദ്ദം സുണാതി. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, അനുപാദിന്നം രൂപായതനം ചക്ഖുവിഞ്ഞാണസ്സ…പേ… സദ്ദായതനം…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. (൨)

ഉപാദിന്നോ ച അനുപാദിന്നോ ച ധമ്മാ ഉപാദിന്നസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. അനുപാദിന്നം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ…പേ… സദ്ദായതനഞ്ച സോതായതനഞ്ച…പേ… ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ പുരേജാതപച്ചയേന പച്ചയോ; അനുപാദിന്നം രൂപായതനഞ്ച വത്ഥു ച…പേ… ഫോട്ഠബ്ബായതനഞ്ച വത്ഥു ച ഉപാദിന്നാനം ഖന്ധാനം പുരേജാതപച്ചയേന പച്ചയോ. (൧)

ഉപാദിന്നോ ച അനുപാദിന്നോ ച ധമ്മാ അനുപാദിന്നസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. അനുപാദിന്നം രൂപായതനഞ്ച വത്ഥു ച…പേ… ഫോട്ഠബ്ബായതനഞ്ച വത്ഥു ച അനുപാദിന്നാനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതാസേവനപച്ചയാ

൪൫൫. ഉപാദിന്നോ ധമ്മോ ഉപാദിന്നസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ കായസ്സ പച്ഛാജാതപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഉപാദിന്നാ ഖന്ധാ പുരേജാതസ്സ ഇമസ്സ അനുപാദിന്നസ്സ കായസ്സ പച്ഛാജാതപച്ചയേന പച്ചയോ. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൩)

അനുപാദിന്നോ ധമ്മോ അനുപാദിന്നസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൨)

അനുപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൩)

൪൫൬. അനുപാദിന്നോ ധമ്മോ അനുപാദിന്നസ്സ ധമ്മസ്സ ആസേവനപച്ചയേന പച്ചയോ… ഏകം (സംഖിത്തം).

കമ്മപച്ചയോ

൪൫൭. ഉപാദിന്നോ ധമ്മോ ഉപാദിന്നസ്സ ധമ്മസ്സ കമ്മപച്ചയേന പച്ചയോ – ഉപാദിന്നാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ ഉപാദിന്നാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ കമ്മപച്ചയേന പച്ചയോ – ഉപാദിന്നാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ കമ്മപച്ചയേന പച്ചയോ – ഉപാദിന്നാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

അനുപാദിന്നോ ധമ്മോ അനുപാദിന്നസ്സ ധമ്മസ്സ കമ്മപച്ചയേന പച്ചയോ – അനുപാദിന്നാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അനുപാദിന്നാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

വിപാകപച്ചയോ

൪൫൮. ഉപാദിന്നോ ധമ്മോ ഉപാദിന്നസ്സ ധമ്മസ്സ വിപാകപച്ചയേന പച്ചയോ – ഉപാദിന്നോ ഏകോ ഖന്ധോ (സംഖിത്തം. ഉപാദിന്നമൂലകേ തീണി. ).

അനുപാദിന്നോ ധമ്മോ അനുപാദിന്നസ്സ ധമ്മസ്സ വിപാകപച്ചയേന പച്ചയോ – വിപാകോ അനുപാദിന്നോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… ദ്വേ ഖന്ധാ…പേ…. (൧)

ആഹാരപച്ചയോ

൪൫൯. ഉപാദിന്നോ ധമ്മോ ഉപാദിന്നസ്സ ധമ്മസ്സ ആഹാരപച്ചയേന പച്ചയോ – ഉപാദിന്നാ ആഹാരാ സമ്പയുത്തകാനം ഖന്ധാനം ആഹാരപച്ചയേന പച്ചയോ; പടിസന്ധിക്ഖണേ…പേ… ഉപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ കായസ്സ ആഹാരപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ ആഹാരപച്ചയേന പച്ചയോ – ഉപാദിന്നാ ആഹാരാ ചിത്തസമുട്ഠാനാനം രൂപാനം ആഹാരപച്ചയേന പച്ചയോ; ഉപാദിന്നോ കബളീകാരോ ആഹാരോ ഇമസ്സ അനുപാദിന്നസ്സ കായസ്സ ആഹാരപച്ചയേന പച്ചയോ. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ ആഹാരപച്ചയേന പച്ചയോ – ഉപാദിന്നാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; ഉപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ ആഹാരപച്ചയേന പച്ചയോ. (൩)

൪൬൦. അനുപാദിന്നോ ധമ്മോ അനുപാദിന്നസ്സ ധമ്മസ്സ ആഹാരപച്ചയേന പച്ചയോ – അനുപാദിന്നാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; അനുപാദിന്നോ കബളീകാരോ ആഹാരോ ഇമസ്സ അനുപാദിന്നസ്സ കായസ്സ ആഹാരപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ ആഹാരപച്ചയേന പച്ചയോ – അനുപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ കായസ്സ ആഹാരപച്ചയേന പച്ചയോ. (൨)

അനുപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ ആഹാരപച്ചയേന പച്ചയോ – അനുപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ ആഹാരപച്ചയേന പച്ചയോ. (൩)

ഉപാദിന്നോ ച അനുപാദിന്നോ ച ധമ്മാ ഉപാദിന്നസ്സ ധമ്മസ്സ ആഹാരപച്ചയേന പച്ചയോ – ഉപാദിന്നോ ച അനുപാദിന്നോ ച കബളീകാരോ ആഹാരോ ഇമസ്സ ഉപാദിന്നസ്സ കായസ്സ ആഹാരപച്ചയേന പച്ചയോ. (൧)

ഉപാദിന്നോ ച അനുപാദിന്നോ ച ധമ്മാ അനുപാദിന്നസ്സ ധമ്മസ്സ ആഹാരപച്ചയേന പച്ചയോ – ഉപാദിന്നോ ച അനുപാദിന്നോ ച കബളീകാരോ ആഹാരോ ഇമസ്സ അനുപാദിന്നസ്സ കായസ്സ ആഹാരപച്ചയേന പച്ചയോ. (൨)

ഉപാദിന്നോ ച അനുപാദിന്നോ ച ധമ്മാ ഉപാദിന്നസ്സ ച അനുപാദിന്നസ്സ ച ധമ്മസ്സ ആഹാരപച്ചയേന പച്ചയോ – ഉപാദിന്നോ ച അനുപാദിന്നോ ച കബളീകാരോ ആഹാരോ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ ആഹാരപച്ചയേന പച്ചയോ. (൩)

ഇന്ദ്രിയപച്ചയാദി

൪൬൧. ഉപാദിന്നോ ധമ്മോ ഉപാദിന്നസ്സ ധമ്മസ്സ ഇന്ദ്രിയപച്ചയേന പച്ചയോ – ഉപാദിന്നാ ഇന്ദ്രിയാ സമ്പയുത്തകാനം ഖന്ധാനം ഇന്ദ്രിയപച്ചയേന പച്ചയോ. (൧)

പടിസന്ധിക്ഖണേ ഉപാദിന്നാ ഇന്ദ്രിയാ സമ്പയുത്തകാനം ഖന്ധാനം കടത്താ ച രൂപാനം ഇന്ദ്രിയപച്ചയേന പച്ചയോ; ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (൨)

ഉപാദിന്നോ ധമ്മോ അനുപാദിന്നസ്സ ധമ്മസ്സ…പേ… (ഉപാദിന്നമൂലകേ തീണി, പഠമസ്സേവ രൂപജീവിതിന്ദ്രിയം, ഇതരേസു നത്ഥി). (൩)

അനുപാദിന്നോ ധമ്മോ അനുപാദിന്നസ്സ ധമ്മസ്സ ഇന്ദ്രിയപച്ചയേന പച്ചയോ – അനുപാദിന്നാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ. (൧)

ഉപാദിന്നോ ധമ്മോ ഉപാദിന്നസ്സ ധമ്മസ്സ ഝാനപച്ചയേന പച്ചയോ… ചത്താരി, മഗ്ഗപച്ചയേന പച്ചയോ… ചത്താരി, സമ്പയുത്തപച്ചയേന പച്ചയോ… ദ്വേ.

വിപ്പയുത്തപച്ചയോ

൪൬൨. ഉപാദിന്നോ ധമ്മോ ഉപാദിന്നസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതം – പടിസന്ധിക്ഖണേ ഉപാദിന്നാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ, ഖന്ധാ വത്ഥുസ്സ വിപ്പയുത്തപച്ചയേന പച്ചയോ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ഉപാദിന്നാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ കായസ്സ വിപ്പയുത്തപച്ചയേന പച്ചയോ. (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – ഉപാദിന്നാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പുരേജാതം – വത്ഥു അനുപാദിന്നാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നാ ഖന്ധാ പുരേജാതസ്സ ഇമസ്സ അനുപാദിന്നസ്സ കായസ്സ വിപ്പയുത്തപച്ചയേന പച്ചയോ. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – ഉപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ വിപ്പയുത്തപച്ചയേന പച്ചയോ. (൩)

൪൬൩. അനുപാദിന്നോ ധമ്മോ അനുപാദിന്നസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അനുപാദിന്നാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നാ ഖന്ധാ പുരേജാതസ്സ ഇമസ്സ അനുപാദിന്നസ്സ കായസ്സ വിപ്പയുത്തപച്ചയേന പച്ചയോ. (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ കായസ്സ വിപ്പയുത്തപച്ചയേന പച്ചയോ. (൨)

അനുപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ വിപ്പയുത്തപച്ചയേന പച്ചയോ. പച്ഛാജാതാ – അനുപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ വിപ്പയുത്തപച്ചയേന പച്ചയോ. (൩)

അത്ഥിപച്ചയാദി

൪൬൪. ഉപാദിന്നോ ധമ്മോ ഉപാദിന്നസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം. യഥാ നിക്ഖിത്തപദാനി വിഭജിതബ്ബാനി പരിപുണ്ണാനി). (൧)

ഉപാദിന്നോ ധമ്മോ അനുപാദിന്നസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം (സംഖിത്തം, യഥാ നിക്ഖിത്തപദാനി വിത്ഥാരേതബ്ബാനി. (൨)

ഉപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം (സംഖിത്തം, യഥാ നിക്ഖിത്തപദാനി വിത്ഥാരേതബ്ബാനി). (൩)

അനുപാദിന്നോ ധമ്മോ അനുപാദിന്നസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം (സംഖിത്തം, യഥാ നിക്ഖിത്തപദാനി വിഭജിതബ്ബാനി). (൧)

അനുപാദിന്നോ ധമ്മോ ഉപാദിന്നസ്സ ധമ്മസ്സ അത്ഥിപച്ചയേന പച്ചയോ – പുരേജാതം, പച്ഛാജാതം, ആഹാരം. പുരേജാതം – അനുപാദിന്നേ രൂപേ… സദ്ദേ… ഗന്ധേ… രസേ… ഫോട്ഠബ്ബേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി, അനുപാദിന്നം രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. പച്ഛാജാതാ – അനുപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ കായസ്സ അത്ഥിപച്ചയേന പച്ചയോ; അനുപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ കായസ്സ അത്ഥിപച്ചയേന പച്ചയോ. (൨)

അനുപാദിന്നോ ധമ്മോ ഉപാദിന്നസ്സ ച അനുപാദിന്നസ്സ ച ധമ്മസ്സ അത്ഥിപച്ചയേന പച്ചയോ – പച്ഛാജാതം, ആഹാരം. പച്ഛാജാതാ – അനുപാദിന്നാ ഖന്ധാ പുരേജാതസ്സ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ അത്ഥിപച്ചയേന പച്ചയോ; അനുപാദിന്നോ കബളീകാരോ ആഹാരോ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ അത്ഥിപച്ചയേന പച്ചയോ. (൩)

൪൬൫. ഉപാദിന്നോ ച അനുപാദിന്നോ ച ധമ്മാ ഉപാദിന്നസ്സ ധമ്മസ്സ അത്ഥിപച്ചയേന പച്ചയോ – പുരേജാതം, പച്ഛാജാതം, ആഹാരം, ഇന്ദ്രിയം. പുരേജാതം – അനുപാദിന്നം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ…പേ… അനുപാദിന്നം ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ അത്ഥിപച്ചയേന പച്ചയോ; അനുപാദിന്നം രൂപായതനഞ്ച വത്ഥു ച…പേ… ഫോട്ഠബ്ബായതനഞ്ച വത്ഥു ച ഉപാദിന്നാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നാ ഖന്ധാ ച അനുപാദിന്നോ കബളീകാരോ ആഹാരോ ച ഇമസ്സ ഉപാദിന്നസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അനുപാദിന്നാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

ഉപാദിന്നോ ച അനുപാദിന്നോ ച ധമ്മാ അനുപാദിന്നസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം. സഹജാതാ – ഉപാദിന്നാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. സഹജാതോ – അനുപാദിന്നോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. പുരേജാതം – അനുപാദിന്നം രൂപായതനഞ്ച വത്ഥു ച അനുപാദിന്നാനം ഖന്ധാനം അത്ഥിപച്ചയേന പച്ചയോ…പേ… ഫോട്ഠബ്ബായതനഞ്ച വത്ഥു ച അനുപാദിന്നാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ഉപാദിന്നാ ഖന്ധാ ച അനുപാദിന്നോ കബളീകാരോ ആഹാരോ ച ഇമസ്സ അനുപാദിന്നസ്സ കായസ്സ അത്ഥിപച്ചയേന പച്ചയോ. (൨)

ഉപാദിന്നോ ച അനുപാദിന്നോ ച ധമ്മാ ഉപാദിന്നസ്സ ച അനുപാദിന്നസ്സ ച ധമ്മസ്സ അത്ഥിപച്ചയേന പച്ചയോ. ആഹാരം – ഉപാദിന്നോ ച അനുപാദിന്നോ ച കബളീകാരോ ആഹാരോ ഇമസ്സ ഉപാദിന്നസ്സ ച അനുപാദിന്നസ്സ ച കായസ്സ അത്ഥിപച്ചയേന പച്ചയോ. (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.