൧-൪. പച്ചയാനുലോമാദി

൪൪൩. ഉപാദിന്നം ധമ്മം സംസട്ഠോ ഉപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ….

അനുപാദിന്നം ധമ്മം സംസട്ഠോ അനുപാദിന്നോ ധമ്മോ ഉപ്പജ്ജതി ഹേതുപച്ചയാ – അനുപാദിന്നം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ…. (൧)

ഹേതുയാ ദ്വേ, ആരമ്മണേ ദ്വേ, അധിപതിയാ ഏകം, അനന്തരേ ദ്വേ, സമനന്തരേ ദ്വേ, സഹജാതേ ദ്വേ, അഞ്ഞമഞ്ഞേ ദ്വേ, നിസ്സയേ ദ്വേ, ഉപനിസ്സയേ ദ്വേ, പുരേജാതേ ദ്വേ, ആസേവനേ ഏകം, കമ്മേ ദ്വേ, വിപാകേ ദ്വേ…പേ… അവിഗതേ ദ്വേ.

അനുലോമം.

൪൪൪. ഉപാദിന്നം ധമ്മം സംസട്ഠോ ഉപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൧)

അനുപാദിന്നം ധമ്മം സംസട്ഠോ അനുപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നഹേതുയാ ദ്വേ, നഅധിപതിയാ ദ്വേ, നപുരേജാതേ ദ്വേ, നപച്ഛാജാതേ ദ്വേ, നആസേവനേ ദ്വേ, നകമ്മേ ഏകം, നവിപാകേ ഏകം, നഝാനേ ഏകം, നമഗ്ഗേ ദ്വേ, നവിപ്പയുത്തേ ദ്വേ.

പച്ചനീയം.