൧. വിഭങ്ഗവാരോ

നഹേതുപച്ചയോ

൪൩൮. ഉപാദിന്നം ധമ്മം പച്ചയാ ഉപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഏകം മഹാഭൂതം…പേ… മഹാഭൂതേ പച്ചയാ കടത്താരൂപം ഉപാദാരൂപം, അസഞ്ഞസത്താനം ഏകം മഹാഭൂതം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം…പേ… വത്ഥും പച്ചയാ അഹേതുകാ ഉപാദിന്നാ ഖന്ധാ. (൧)

ഉപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നേ ഖന്ധേ പച്ചയാ ചിത്തസമുട്ഠാനം രൂപം, വത്ഥും പച്ചയാ അഹേതുകാ അനുപാദിന്നാ ഖന്ധാ, വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

ഉപാദിന്നം ധമ്മം പച്ചയാ ഉപാദിന്നോ ച അനുപാദിന്നോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപാദിന്നം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൩൯. അനുപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ഉപാദിന്നഞ്ച അനുപാദിന്നഞ്ച ധമ്മം പച്ചയാ അനുപാദിന്നോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, അഹേതുകം അനുപാദിന്നം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧) (സംഖിത്തം.)