൧. വിഭങ്ഗവാരോ

ഹേതുപച്ചയോ

൪൩൪. ഉപാദിന്നം ധമ്മം പച്ചയാ ഉപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ ഉപാദിന്നം ഏകം ഖന്ധം പച്ചയാ തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഏകം മഹാഭൂതം…പേ… മഹാഭൂതേ പച്ചയാ കടത്താരൂപം ഉപാദാരൂപം, വത്ഥും പച്ചയാ ഉപാദിന്നാ ഖന്ധാ. (൧)

ഉപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നേ ഖന്ധേ പച്ചയാ ചിത്തസമുട്ഠാനം രൂപം, വത്ഥും പച്ചയാ അനുപാദിന്നാ ഖന്ധാ. (൨)

ഉപാദിന്നം ധമ്മം പച്ചയാ ഉപാദിന്നോ ച അനുപാദിന്നോ ച ധമ്മാ ഉപ്പജ്ജന്തി ഹേതുപച്ചയാ – ഉപാദിന്നം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

അനുപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ഹേതുപച്ചയാ – അനുപാദിന്നം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം…പേ… മഹാഭൂതേ പച്ചയാ ചിത്തസമുട്ഠാനം രൂപം ഉപാദാരൂപം. (൧)

ഉപാദിന്നഞ്ച അനുപാദിന്നഞ്ച ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, അനുപാദിന്നം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

ആരമ്മണപച്ചയോ

൪൩൫. ഉപാദിന്നം ധമ്മം പച്ചയാ ഉപാദിന്നോ ധമ്മോ ഉപ്പജ്ജതി ആരമ്മണപച്ചയാ – ഉപാദിന്നം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം…പേ… വത്ഥും പച്ചയാ ഉപാദിന്നാ ഖന്ധാ. (൧)

ഉപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അനുപാദിന്നാ ഖന്ധാ. (൨)

അനുപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

ഉപാദിന്നഞ്ച അനുപാദിന്നഞ്ച ധമ്മം പച്ചയാ അനുപാദിന്നോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

അധിപതിപച്ചയോ

൪൩൬. ഉപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ അനുപാദിന്നാ ഖന്ധാ. (൧)

അനുപാദിന്നം ധമ്മം പച്ചയാ അനുപാദിന്നോ ധമ്മോ ഉപ്പജ്ജതി അധിപതിപച്ചയാ – അനുപാദിന്നം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം…പേ… മഹാഭൂതേ പച്ചയാ ചിത്തസമുട്ഠാനം രൂപം ഉപാദാരൂപം. (൧)

ഉപാദിന്നഞ്ച അനുപാദിന്നഞ്ച ധമ്മം പച്ചയാ അനുപാദിന്നോ ധമ്മോ ഉപ്പജ്ജതി അധിപതിപച്ചയാ – അനുപാദിന്നം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧) (സംഖിത്തം.)