൧. വിഭങ്ഗവാരോ

ഹേതുപച്ചയോ

൪൧൬. ഉപാദിന്നം ധമ്മം പടിച്ച ഉപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ ഉപാദിന്നം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച കടത്താരൂപം ഉപാദാരൂപം. (൧)

ഉപാദിന്നം ധമ്മം പടിച്ച അനുപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നേ ഖന്ധേ പടിച്ച ചിത്തസമുട്ഠാനം രൂപം. (൨)

ഉപാദിന്നം ധമ്മം പടിച്ച ഉപാദിന്നോ ച അനുപാദിന്നോ ച ധമ്മാ ഉപ്പജ്ജന്തി ഹേതുപച്ചയാ – ഉപാദിന്നം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

അനുപാദിന്നം ധമ്മം പടിച്ച അനുപാദിന്നോ ധമ്മോ ഉപ്പജ്ജതി ഹേതുപച്ചയാ – അനുപാദിന്നം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം പടിച്ച…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

ഉപാദിന്നഞ്ച അനുപാദിന്നഞ്ച ധമ്മം പടിച്ച അനുപാദിന്നോ ധമ്മോ ഉപ്പജ്ജതി ഹേതുപച്ചയാ – ഉപാദിന്നേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ആരമ്മണപച്ചയോ

൪൧൭. ഉപാദിന്നം ധമ്മം പടിച്ച ഉപാദിന്നോ ധമ്മോ ഉപ്പജ്ജതി ആരമ്മണപച്ചയാ – ഉപാദിന്നം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧)

അനുപാദിന്നം ധമ്മം പടിച്ച അനുപാദിന്നോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൪൧൮. അനുപാദിന്നം ധമ്മം പടിച്ച അനുപാദിന്നോ ധമ്മോ ഉപ്പജ്ജതി അധിപതിപച്ചയാ – അനുപാദിന്നം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ഏകം മഹാഭൂതം പടിച്ച…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം (സംഖിത്തം).