൧. വിഭങ്ഗവാരോ

നഹേതുപച്ചയാദി

൩൮൯. ഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നഹേതുപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ നോഉപാദാ ഖന്ധാ; അഹേതുകപടിസന്ധിക്ഖണേ…പേ… വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നോഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നഹേതുപച്ചയാ – അഹേതുകം നോഉപാദാ ഏകം ഖന്ധം പച്ചയാ തയോ ഖന്ധാ നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഏകം മഹാഭൂതം…പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ (തീണിപി പടിച്ചസദിസാ, നിന്നാനാകരണാ). (൩)

ഉപാദാ ച നോഉപാദാ ച ധമ്മം പച്ചയാ നോഉപാദാ ധമ്മോ ഉപ്പജ്ജതി നഹേതുപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… കായവിഞ്ഞാണസഹഗതം…പേ… അഹേതുകം നോഉപാദാ ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ… പടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയാ തീണി, നആസേവനപച്ചയാ പഞ്ച.

നകമ്മപച്ചയാദി

൩൯൦. ഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ നോഉപാദാ ചേതനാ. (൧)

നോഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നകമ്മപച്ചയാ – നോഉപാദാ ഖന്ധേ പച്ചയാ സമ്പയുത്തകാ ചേതനാ; ബാഹിരം ആഹാരസമുട്ഠാനം ഉതുസമുട്ഠാനം…പേ… ദ്വേ മഹാഭൂതേ പച്ചയാ ദ്വേ മഹാഭൂതാ. (൧)

നോഉപാദാ ധമ്മം പച്ചയാ ഉപാദാ ധമ്മോ ഉപ്പജ്ജതി നകമ്മപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ മഹാഭൂതേ പച്ചയാ ഉപാദാരൂപം. (൨)

നോഉപാദാ ധമ്മം പച്ചയാ ഉപാദാ ച നോഉപാദാ ച ധമ്മാ ഉപ്പജ്ജന്തി നകമ്മപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം ഏകം മഹാഭൂതം പച്ചയാ തയോ മഹാഭൂതാ ഉപാദാ ച രൂപം…പേ… ദ്വേ മഹാഭൂതേ…പേ…. (൩)

ഉപാദാ ച നോഉപാദാ ച ധമ്മം പച്ചയാ നോഉപാദാ ധമ്മോ ഉപ്പജ്ജതി നകമ്മപച്ചയാ – നോഉപാദാ ഖന്ധേ ച വത്ഥുഞ്ച പച്ചയാ നോഉപാദാ ചേതനാ. (൧)

നവിപാകപച്ചയാ പഞ്ച, നആഹാരപച്ചയാ തീണി, നഇന്ദ്രിയപച്ചയാ തീണി.

നഝാനപച്ചയാദി

൩൯൧. ഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നഝാനപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. (൧)

നോഉപാദാ ധമ്മം പച്ചയാ നോഉപാദാ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… ബാഹിരം ആഹാരസമുട്ഠാനം ഉതുസമുട്ഠാനം അസഞ്ഞസത്താനം…പേ… ദ്വേ മഹാഭൂതേ പച്ചയാ ദ്വേ മഹാഭൂതാ. (൧)

നോഉപാദാ ധമ്മം പച്ചയാ ഉപാദാ ധമ്മോ ഉപ്പജ്ജതി നഝാനപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ അസഞ്ഞസത്താനം മഹാഭൂതേ പച്ചയാ ഉപാദാ കടത്താരൂപം. (൨)

നോഉപാദാ ധമ്മം പച്ചയാ ഉപാദാ ച നോഉപാദാ ച ധമ്മാ ഉപ്പജ്ജന്തി നഝാനപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം അസഞ്ഞസത്താനം ഏകം മഹാഭൂതം പച്ചയാ തയോ മഹാഭൂതാ ഉപാദാ ച കടത്താരൂപം…പേ… ദ്വേ…പേ…. (൩)

ഉപാദാ ച നോഉപാദാ ച ധമ്മം പച്ചയാ നോഉപാദാ ധമ്മോ ഉപ്പജ്ജതി നഝാനപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച…പേ…. (൧)

നമഗ്ഗപച്ചയാ പഞ്ച, നസമ്പയുത്തപച്ചയാ തീണി, നവിപ്പയുത്തപച്ചയാ തീണി, നോനത്ഥിപച്ചയാ തീണി, നോവിഗതപച്ചയാ തീണി.