൧. വിഭങ്ഗവാരോ

നഹേതുപച്ചയോ

൩൭൫. ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ വത്ഥും പടിച്ച നോഉപാദാ ഖന്ധാ. (൧)

നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നഹേതുപച്ചയാ – അഹേതുകം നോഉപാദാ ഏകം ഖന്ധം പടിച്ച തയോ ഖന്ധാ നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നഹേതുപച്ചയാ – അഹേതുകേ നോഉപാദാ ഖന്ധേ പടിച്ച ഉപാദാ ചിത്തസമുട്ഠാനം രൂപം; അഹേതുകപടിസന്ധിക്ഖണേ…പേ… മഹാഭൂതേ പടിച്ച ഉപാദാ ചിത്തസമുട്ഠാനം രൂപം കടത്താരൂപം ഉപാദാരൂപം…പേ… (യാവ അസഞ്ഞസത്താ). (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം നോഉപാദാ ഏകം ഖന്ധം പടിച്ച തയോ ഖന്ധാ ഉപാദാ ച നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൩)

ഉപാദാ ച നോഉപാദാ ച ധമ്മം പടിച്ച നോഉപാദാ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ നോഉപാദാ ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)

നആരമ്മണപച്ചയാദി

൩൭൬. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നആരമ്മണപച്ചയാ – നോഉപാദാ ഖന്ധേ പടിച്ച നോഉപാദാ ചിത്തസമുട്ഠാനം രൂപം; പടിസന്ധിക്ഖണേ…പേ… ഏകം മഹാഭൂതം…പേ… (യാവ അസഞ്ഞസത്താ) ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നആരമ്മണപച്ചയാ – നോഉപാദാ ഖന്ധേ പടിച്ച ഉപാദാ ചിത്തസമുട്ഠാനം രൂപം; പടിസന്ധിക്ഖണേ…പേ… മഹാഭൂതേ പടിച്ച ഉപാദാ ചിത്തസമുട്ഠാനം രൂപം കടത്താരൂപം ഉപാദാരൂപം (യാവ അസഞ്ഞസത്താ). (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നആരമ്മണപച്ചയാ – നോഉപാദാ ഖന്ധേ പടിച്ച ഉപാദാ ച നോഉപാദാ ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൩)

നഅധിപതിപച്ചയാ പഞ്ച, നഅനന്തരപച്ചയാ തീണി…പേ… നഉപനിസ്സയപച്ചയാ പഞ്ച, നപുരേജാതപച്ചയാ പഞ്ച, നപച്ഛാജാതപച്ചയാ പഞ്ച, നആസേവനപച്ചയാ പഞ്ച.

നകമ്മപച്ചയോ

൩൭൭. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നകമ്മപച്ചയാ – നോഉപാദാ ഖന്ധേ പടിച്ച സമ്പയുത്തകാ ചേതനാ; ബാഹിരം ആഹാരസമുട്ഠാനം ഉതുസമുട്ഠാനം…പേ… ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നകമ്മപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ മഹാഭൂതേ പടിച്ച ഉപാദാരൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നകമ്മപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം ഏകം മഹാഭൂതം പടിച്ച തയോ മഹാഭൂതാ ഉപാദാ ച രൂപം…പേ… ദ്വേ മഹാഭൂതേ…പേ…. (൩)

നവിപാകപച്ചയോ

൩൭൮. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നവിപാകപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… ഏകം മഹാഭൂതം…പേ… (യാവ അസഞ്ഞസത്താ, ഏവം തീണി നോഉപാദാമൂലകേ).

നആഹാരപച്ചയോ

൩൭൯. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നആഹാരപച്ചയാ – ബാഹിരം ഉതുസമുട്ഠാനം അസഞ്ഞസത്താനം ഏകം മഹാഭൂതം…പേ… ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നആഹാരപച്ചയാ – ബാഹിരം ഉതുസമുട്ഠാനം അസഞ്ഞസത്താനം മഹാഭൂതേ പടിച്ച ഉപാദാരൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നആഹാരപച്ചയാ – ബാഹിരം ഉതുസമുട്ഠാനം അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ ഉപാദാ ച രൂപം…പേ… ദ്വേ മഹാഭൂതേ…പേ…. (൩)

നഇന്ദ്രിയപച്ചയോ

൩൮൦. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നഇന്ദ്രിയപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം ഏകം മഹാഭൂതം…പേ…. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നഇന്ദ്രിയപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ അസഞ്ഞസത്താനം മഹാഭൂതേ പടിച്ച രൂപജീവിതിന്ദ്രിയം.

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നഇന്ദ്രിയപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം ഏകം മഹാഭൂതം…പേ…. (൩)

നഝാനപച്ചയാദി

൩൮൧. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… ബാഹിരം ആഹാരസമുട്ഠാനം ഉതുസമുട്ഠാനം അസഞ്ഞസത്താനം…പേ… ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നഝാനപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ അസഞ്ഞസത്താനം മഹാഭൂതേ പടിച്ച ഉപാദാ കടത്താരൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നഝാനപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ…പേ… മഹാഭൂതേ പടിച്ച ഉപാദാ കടത്താരൂപം ഉപാദാരൂപം. (൩)

ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നമഗ്ഗപച്ചയാ പഞ്ച… നസമ്പയുത്തപച്ചയാ… തീണി.

നവിപ്പയുത്തപച്ചയാദി

൩൮൨. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ നോഉപാദാ ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… ബാഹിരം ആഹാരസമുട്ഠാനം ഉതുസമുട്ഠാനം അസഞ്ഞസത്താനം ഏകം മഹാഭൂതം…പേ…. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി നവിപ്പയുത്തപച്ചയാ – ബാഹിരേ ആഹാരസമുട്ഠാനേ ഉതുസമുട്ഠാനേ അസഞ്ഞസത്താനം മഹാഭൂതേ പടിച്ച ഉപാദാ കടത്താരൂപം, ഉപാദാരൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി നവിപ്പയുത്തപച്ചയാ – ബാഹിരം ആഹാരസമുട്ഠാനം ഉതുസമുട്ഠാനം ഏകം മഹാഭൂതം പടിച്ച തയോ മഹാഭൂതാ ഉപാദാ ച രൂപം…പേ… ദ്വേ മഹാഭൂതേ പടിച്ച ദ്വേ മഹാഭൂതാ ഉപാദാ ച രൂപം, അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ കടത്താ ച രൂപം ഉപാദാരൂപം…പേ… ദ്വേ മഹാഭൂതേ പടിച്ച ദ്വേ മഹാഭൂതാ കടത്താ ച രൂപം ഉപാദാരൂപം… നോനത്ഥിപച്ചയാ… നോവിഗതപച്ചയാ. (൩)