൧. വിഭങ്ഗവാരോ

ഹേതുപച്ചയോ

൩൭൦. ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച നോഉപാദാ ഖന്ധാ. (൧)

നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി ഹേതുപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… പടിസന്ധിക്ഖണേ നോഉപാദാ ഏകം ഖന്ധം പടിച്ച തയോ ഖന്ധാ നോഉപാദാ ച കടത്താരൂപം…പേ… ദ്വേ ഖന്ധേ…പേ… ഏകം മഹാഭൂതം…പേ… ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി ഹേതുപച്ചയാ – നോഉപാദാ ഖന്ധേ പടിച്ച ഉപാദാ ചിത്തസമുട്ഠാനം രൂപം; പടിസന്ധിക്ഖണേ…പേ… മഹാഭൂതേ പടിച്ച ഉപാദാ ചിത്തസമുട്ഠാനം രൂപം കടത്താരൂപം ഉപാദാരൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി ഹേതുപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ ഉപാദാ ച നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

ഉപാദാ ച നോഉപാദാ ച ധമ്മം പടിച്ച നോഉപാദാ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ നോഉപാദാ ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ, ദ്വേ ഖന്ധേ ച…പേ…. (൧)

ആരമ്മണപച്ചയോ

൩൭൧. ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച നോഉപാദാ ഖന്ധാ. (൧)

നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി ആരമ്മണപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

ഉപാദാ ച നോഉപാദാ ച ധമ്മം പടിച്ച നോഉപാദാ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ നോഉപാദാ ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ…. (൧)

അധിപതിപച്ചയാദി

൩൭൨. നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി അധിപതിപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ…. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി അധിപതിപച്ചയാ – നോഉപാദാ ഖന്ധേ പടിച്ച ഉപാദാ ചിത്തസമുട്ഠാനം രൂപം, മഹാഭൂതേ പടിച്ച ഉപാദാ ചിത്തസമുട്ഠാനം രൂപം. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി അധിപതിപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ ഉപാദാ ച നോഉപാദാ ച ചിത്തസമുട്ഠാനം രൂപം…പേ… ദ്വേ ഖന്ധേ…പേ…. (൩)

അനന്തരപച്ചയാ തീണി, സമനന്തരപച്ചയാ തീണി, സഹജാതപച്ചയാ പഞ്ച.

അഞ്ഞമഞ്ഞപച്ചയോ

൩൭൩. ഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ വത്ഥും പടിച്ച നോഉപാദാ ഖന്ധാ. (൧)

നോഉപാദാ ധമ്മം പടിച്ച നോഉപാദാ ധമ്മോ ഉപ്പജ്ജതി അഞ്ഞമഞ്ഞപച്ചയാ – നോഉപാദാ ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം പടിച്ച…പേ… ദ്വേ മഹാഭൂതേ പടിച്ച ദ്വേ മഹാഭൂതാ. (൧)

നോഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ നോഉപാദാ ഖന്ധേ പടിച്ച വത്ഥു. (൨)

നോഉപാദാ ധമ്മം പടിച്ച ഉപാദാ ച നോഉപാദാ ച ധമ്മാ ഉപ്പജ്ജന്തി അഞ്ഞമഞ്ഞപച്ചയാ – പടിസന്ധിക്ഖണേ നോഉപാദാ ഏകം ഖന്ധം പടിച്ച തയോ ഖന്ധാ വത്ഥു ച…പേ… ദ്വേ ഖന്ധേ…പേ…. (൩)

ഉപാദാ ച നോഉപാദാ ച ധമ്മം പടിച്ച നോഉപാദാ ധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ നോഉപാദാ ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച…പേ… (സംഖിത്തം). (൧)