൧-൪. പച്ചയാനുലോമാദി

൩൩൯. അജ്ഝത്തികം ധമ്മം സംസട്ഠോ ബാഹിരോ ധമ്മോ ഉപ്പജ്ജതി ഹേതുപച്ചയാ – ചിത്തം സംസട്ഠാ സമ്പയുത്തകാ ഖന്ധാ; പടിസന്ധിക്ഖണേ ചിത്തം സംസട്ഠാ സമ്പയുത്തകാ ഖന്ധാ. (൧)

ബാഹിരം ധമ്മം സംസട്ഠോ ബാഹിരോ ധമ്മോ ഉപ്പജ്ജതി ഹേതുപച്ചയാ – ബാഹിരം ഏകം ഖന്ധം സംസട്ഠാ ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ…. ബാഹിരം ധമ്മം സംസട്ഠോ അജ്ഝത്തികോ ധമ്മോ ഉപ്പജ്ജതി ഹേതുപച്ചയാ – ബാഹിരേ ഖന്ധേ സംസട്ഠം ചിത്തം; പടിസന്ധിക്ഖണേ…പേ…. ബാഹിരം ധമ്മം സംസട്ഠോ അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി ഹേതുപച്ചയാ – ബാഹിരം ഏകം ഖന്ധം സംസട്ഠാ ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… പടിസന്ധിക്ഖണേ…പേ…. (൩)

അജ്ഝത്തികഞ്ച ബാഹിരഞ്ച ധമ്മം സംസട്ഠോ ബാഹിരോ ധമ്മോ ഉപ്പജ്ജതി ഹേതുപച്ചയാ – ബാഹിരം ഏകം ഖന്ധഞ്ച ചിത്തഞ്ച സംസട്ഠാ ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ… (സംഖിത്തം). ഹേതുയാ പഞ്ച, ആരമ്മണേ പഞ്ച, അധിപതിയാ പഞ്ച (സബ്ബത്ഥ പഞ്ച), അവിഗതേ പഞ്ച (അനുലോമം).

അജ്ഝത്തികം ധമ്മം സംസട്ഠോ ബാഹിരോ ധമ്മോ ഉപ്പജ്ജതി നഹേതുപച്ചയാ (ഏവം പഞ്ച കാതബ്ബാ, തീണിയേവ മോഹോ).

നഹേതുയാ പഞ്ച, നഅധിപതിയാ പഞ്ച, നപുരേജാതേ പഞ്ച, നപച്ഛാജാതേ പഞ്ച, നആസേവനേ പഞ്ച, നകമ്മേ തീണി, നവിപാകേ പഞ്ച, നഝാനേ പഞ്ച, നമഗ്ഗേ പഞ്ച, നവിപ്പയുത്തേ പഞ്ച (പച്ചനീയം).