൧. വിഭങ്ഗവാരോ

നഹേതുപച്ചയോ

൩൨൩. അജ്ഝത്തികം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ ചിത്തം പടിച്ച അജ്ഝത്തികം കടത്താരൂപം. (൧)

അജ്ഝത്തികം ധമ്മം പടിച്ച ബാഹിരോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ ബാഹിരം കടത്താ ച രൂപം, വിചികിച്ഛാസഹഗതം ഉദ്ധച്ചസഹഗതം ചിത്തം പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

അജ്ഝത്തികം ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ അജ്ഝത്തികഞ്ച ബാഹിരഞ്ച കടത്താരൂപം. (൩)

൩൨൪. ബാഹിരം ധമ്മം പടിച്ച ബാഹിരോ ധമ്മോ ഉപ്പജ്ജതി നഹേതുപച്ചയാ – അഹേതുകം ബാഹിരം ഏകം ഖന്ധം പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ …പേ… (യാവ അസഞ്ഞസത്താ) വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ബാഹിരം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നഹേതുപച്ചയാ – അഹേതുകേ ബാഹിരേ ഖന്ധേ പടിച്ച ചിത്തം; അഹേതുകപടിസന്ധിക്ഖണേ ബാഹിരേ ഖന്ധേ പടിച്ച ചിത്തം അജ്ഝത്തികം കടത്താ ച രൂപം, അഹേതുകപടിസന്ധിക്ഖണേ വത്ഥും പടിച്ച ചിത്തം. (൨)

ബാഹിരം ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ബാഹിരം ഏകം ഖന്ധം പടിച്ച ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ …പേ… അഹേതുകപടിസന്ധിക്ഖണേ ബാഹിരം ഏകം ഖന്ധം പടിച്ച ദ്വേ ഖന്ധാ ചിത്തഞ്ച അജ്ഝത്തികഞ്ച ബാഹിരഞ്ച കടത്താരൂപം, അഹേതുകപടിസന്ധിക്ഖണേ വത്ഥും പടിച്ച ചിത്തം സമ്പയുത്തകാ ച ഖന്ധാ. (൩)

൩൨൫. അജ്ഝത്തികഞ്ച ബാഹിരഞ്ച ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ ചിത്തഞ്ച സമ്പയുത്തകേ ച ഖന്ധേ പടിച്ച അജ്ഝത്തികം കടത്താരൂപം. (൧)

അജ്ഝത്തികഞ്ച ബാഹിരഞ്ച ധമ്മം പടിച്ച ബാഹിരോ ധമ്മോ ഉപ്പജ്ജതി നഹേതുപച്ചയാ – അഹേതുകം ബാഹിരം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകം ചിത്തഞ്ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ബാഹിരം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ബാഹിരം കടത്താ ച രൂപം; അഹേതുകപടിസന്ധിക്ഖണേ ചിത്തഞ്ച മഹാഭൂതേ ച പടിച്ച ബാഹിരം കടത്താരൂപം, അഹേതുകപടിസന്ധിക്ഖണേ ചിത്തഞ്ച വത്ഥുഞ്ച പടിച്ച ബാഹിരാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച ചിത്തഞ്ച പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

അജ്ഝത്തികഞ്ച ബാഹിരഞ്ച ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ ബാഹിരം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ അജ്ഝത്തികഞ്ച ബാഹിരഞ്ച കടത്താരൂപം, ദ്വേ ഖന്ധേ ച…പേ…. (൩)

നആരമ്മണപച്ചയോ

൩൨൬. അജ്ഝത്തികം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ചിത്തം പടിച്ച അജ്ഝത്തികം കടത്താരൂപം. (൧)

അജ്ഝത്തികം ധമ്മം പടിച്ച ബാഹിരോ ധമ്മോ ഉപ്പജ്ജതി നആരമ്മണപച്ചയാ – ചിത്തം പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തം പടിച്ച ബാഹിരം കടത്താരൂപം. (൨)

അജ്ഝത്തികം ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നആരമ്മണപച്ചയാ; പടിസന്ധിക്ഖണേ ചിത്തം പടിച്ച അജ്ഝത്തികഞ്ച ബാഹിരഞ്ച കടത്താരൂപം. (൩)

ബാഹിരം ധമ്മം പടിച്ച ബാഹിരോ ധമ്മോ ഉപ്പജ്ജതി നആരമ്മണപച്ചയാ – ബാഹിരേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ ബാഹിരേ ഖന്ധേ പടിച്ച ബാഹിരം കടത്താരൂപം, ബാഹിരേ ഖന്ധേ പടിച്ച വത്ഥു, ഏകം മഹാഭൂതം…പേ… (യാവ അസഞ്ഞസത്താ). (൧)

ബാഹിരം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ബാഹിരേ ഖന്ധേ പടിച്ച അജ്ഝത്തികം കടത്താരൂപം. (൨)

ബാഹിരം ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നആരമ്മണപച്ചയാ – പടിസന്ധിക്ഖണേ ബാഹിരേ ഖന്ധേ പടിച്ച അജ്ഝത്തികഞ്ച ബാഹിരഞ്ച കടത്താരൂപം. (൩)

൩൨൭. അജ്ഝത്തികഞ്ച ബാഹിരഞ്ച ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ചിത്തഞ്ച സമ്പയുത്തകേ ച ഖന്ധേ പടിച്ച അജ്ഝത്തികം കടത്താരൂപം. (൧)

അജ്ഝത്തികഞ്ച ബാഹിരഞ്ച ധമ്മം പടിച്ച ബാഹിരോ ധമ്മോ ഉപ്പജ്ജതി നആരമ്മണപച്ചയാ – ബാഹിരേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, ചിത്തഞ്ച മഹാഭൂതേ ച പടിച്ച ചിത്തസമുട്ഠാനം രൂപം (പടിസന്ധിക്ഖണേ ദ്വേ കാതബ്ബാ).

അജ്ഝത്തികഞ്ച ബാഹിരഞ്ച ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നആരമ്മണപച്ചയാ – പടിസന്ധിക്ഖണേ ചിത്തഞ്ച സമ്പയുത്തകേ ച ഖന്ധേ പടിച്ച അജ്ഝത്തികഞ്ച ബാഹിരഞ്ച കടത്താരൂപം (സംഖിത്തം). (൩)

നഝാനപച്ചയോ

൩൨൮. അജ്ഝത്തികം ധമ്മം പടിച്ച ബാഹിരോ ധമ്മോ ഉപ്പജ്ജതി നഝാനപച്ചയാ – ചക്ഖുവിഞ്ഞാണം പടിച്ച സമ്പയുത്തകാ ഖന്ധാ…പേ… കായവിഞ്ഞാണം…പേ….

ബാഹിരം ധമ്മം പടിച്ച ബാഹിരോ ധമ്മോ ഉപ്പജ്ജതി നഝാനപച്ചയാ – ചക്ഖുവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… കായവിഞ്ഞാണസഹഗതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. ബാഹിരം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി നഝാനപച്ചയാ – ചക്ഖുവിഞ്ഞാണസഹഗതേ ഖന്ധേ പടിച്ച ചക്ഖുവിഞ്ഞാണം…പേ… കായവിഞ്ഞാണസഹഗതേ ഖന്ധേ പടിച്ച കായവിഞ്ഞാണം. ബാഹിരം ധമ്മം പടിച്ച അജ്ഝത്തികോ ച ബാഹിരോ ച ധമ്മാ ഉപ്പജ്ജന്തി നഝാനപച്ചയാ – ചക്ഖുവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ ചക്ഖുവിഞ്ഞാണഞ്ച, ദ്വേ ഖന്ധേ…പേ… കായവിഞ്ഞാണസഹഗതം ഏകം ഖന്ധം…പേ…. (൩)

അജ്ഝത്തികഞ്ച ബാഹിരഞ്ച ധമ്മം പടിച്ച ബാഹിരോ ധമ്മോ ഉപ്പജ്ജതി നഝാനപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖുവിഞ്ഞാണഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… കായവിഞ്ഞാണം (ചക്കം).