൧. വിഭങ്ഗവാരോ

ഹേതുപച്ചയോ

൨൮൯. ചിത്തസംസട്ഠസമുട്ഠാനം ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ (സംഖിത്തം) തീണി (പടിച്ചവാരസദിസാ).

നോചിത്തസംസട്ഠസമുട്ഠാനം ധമ്മം പച്ചയാ നോചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തം പച്ചയാ ചിത്തസമുട്ഠാനം രൂപം, വത്ഥും പച്ചയാ ചിത്തം; പടിസന്ധിക്ഖണേ…പേ… (യാവ മഹാഭൂതാ). (൧)

നോചിത്തസംസട്ഠസമുട്ഠാനം ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തം പച്ചയാ സമ്പയുത്തകാ ഖന്ധാ, വത്ഥും പച്ചയാ ചിത്തസംസട്ഠസമുട്ഠാനാ ഖന്ധാ (പടിസന്ധിക്ഖണേ ദ്വേപി കാതബ്ബാ) തീണി. (൩)

൨൯൦. ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസംസട്ഠസമുട്ഠാനം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ, ദ്വേ ഖന്ധേ ച…പേ… ചിത്തസംസട്ഠസമുട്ഠാനം ഏകം ഖന്ധഞ്ച വത്ഥുഞ്ച പച്ചയാ ദ്വേ ഖന്ധാ, ദ്വേ ഖന്ധേ ച…പേ… (പടിസന്ധിക്ഖണേ ദ്വേപി കാതബ്ബാ). (൧)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ നോചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസംസട്ഠസമുട്ഠാനേ ഖന്ധേ ച ചിത്തഞ്ച പച്ചയാ നോചിത്തസംസട്ഠസമുട്ഠാനം രൂപം, ചിത്തസംസട്ഠസമുട്ഠാനേ ഖന്ധേ ച മഹാഭൂതേ ച പച്ചയാ നോചിത്തസംസട്ഠസമുട്ഠാനം രൂപം, ചിത്തസംസട്ഠസമുട്ഠാനേ ഖന്ധേ ച വത്ഥുഞ്ച പച്ചയാ ചിത്തം (പടിസന്ധിക്ഖണേ തീണിപി കാതബ്ബാ). (൨)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി ഹേതുപച്ചയാ – ചിത്തസംസട്ഠസമുട്ഠാനം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ ചിത്തസംസട്ഠസമുട്ഠാനഞ്ച രൂപം, ദ്വേ ഖന്ധേ…പേ… ചിത്തസംസട്ഠസമുട്ഠാനം ഏകം ഖന്ധഞ്ച വത്ഥുഞ്ച പച്ചയാ ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… (പടിസന്ധിക്ഖണേ ദ്വേപി കാതബ്ബാ). (൩)

ആരമ്മണപച്ചയോ

൨൯൧. ചിത്തസംസട്ഠസമുട്ഠാനം ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ആരമ്മണപച്ചയാ… തീണി (പടിച്ചസദിസാ).

നോചിത്തസംസട്ഠസമുട്ഠാനം ധമ്മം പച്ചയാ നോചിത്തസംസട്ഠസമുട്ഠാനോ ധമ്മോ ഉപ്പജ്ജതി ആരമ്മണപച്ചയാ – ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം…പേ… വത്ഥും പച്ചയാ ചിത്തം; പടിസന്ധിക്ഖണേ…പേ…. (൧)

നോചിത്തസംസട്ഠസമുട്ഠാനം ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ആരമ്മണപച്ചയാ – ചക്ഖായതനം പച്ചയാ ചക്ഖുവിഞ്ഞാണസഹഗതാ ഖന്ധാ…പേ… കായായതനം…പേ… ചിത്തം പച്ചയാ സമ്പയുത്തകാ ഖന്ധാ, വത്ഥും പച്ചയാ ചിത്തസംസട്ഠസമുട്ഠാനാ ഖന്ധാ (പടിസന്ധിക്ഖണേ ദ്വേപി കാതബ്ബാ). (൨)

നോചിത്തസംസട്ഠസമുട്ഠാനം ധമ്മം പച്ചയാ ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി ആരമ്മണപച്ചയാ – ചക്ഖായതനം പച്ചയാ ചക്ഖുവിഞ്ഞാണം സമ്പയുത്തകാ ച ഖന്ധാ…പേ… കായായതനം…പേ… വത്ഥും പച്ചയാ ചിത്തം സമ്പയുത്തകാ ച ഖന്ധാ (പടിസന്ധിക്ഖണേ ഏകം കാതബ്ബം). (൩)

൨൯൨. ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ ചിത്തസംസട്ഠസമുട്ഠാനോ ധമ്മോ ഉപ്പജ്ജതി ആരമ്മണപച്ചയാ – ചക്ഖുവിഞ്ഞാണസഹഗതം ഏകം ഖന്ധഞ്ച ചക്ഖായതനഞ്ച ചക്ഖുവിഞ്ഞാണഞ്ച പച്ചയാ ദ്വേ ഖന്ധാ, ദ്വേ ഖന്ധേ…പേ… കായവിഞ്ഞാണസഹഗതം…പേ… ചിത്തസംസട്ഠസമുട്ഠാനം ഏകം ഖന്ധഞ്ച ചിത്തഞ്ച പച്ചയാ ദ്വേ ഖന്ധാ, ദ്വേ ഖന്ധേ…പേ… ചിത്തസംസട്ഠസമുട്ഠാനം ഏകം ഖന്ധഞ്ച വത്ഥുഞ്ച പച്ചയാ ദ്വേ ഖന്ധാ, ദ്വേ ഖന്ധേ…പേ… (പടിസന്ധിക്ഖണേ ദ്വേ കാതബ്ബാ). (൧)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ നോചിത്തസംസട്ഠസമുട്ഠാനോ ധമ്മോ ഉപ്പജ്ജതി ആരമ്മണപച്ചയാ – ചക്ഖുവിഞ്ഞാണസഹഗതേ ഖന്ധേ ച ചക്ഖായതനഞ്ച പച്ചയാ ചക്ഖുവിഞ്ഞാണം …പേ… കായവിഞ്ഞാണസഹഗതേ…പേ… ചിത്തസംസട്ഠസമുട്ഠാനേ ഖന്ധേ ച വത്ഥുഞ്ച പച്ചയാ ചിത്തം (പടിസന്ധിക്ഖണേ ഏകം കാതബ്ബം). (൨)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പച്ചയാ ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി ആരമ്മണപച്ചയാ – ചിത്തസംസട്ഠസമുട്ഠാനം ഏകം ഖന്ധഞ്ച വത്ഥുഞ്ച പച്ചയാ ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… (പടിസന്ധിക്ഖണേ ഏകം കാതബ്ബം, സംഖിത്തം). (൩)