൧. വിഭങ്ഗവാരോ

നഹേതുപച്ചയോ

൨൮൨. ചിത്തസംസട്ഠസമുട്ഠാനം ധമ്മം പടിച്ച ചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തസംസട്ഠസമുട്ഠാനം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ചിത്തസംസട്ഠസമുട്ഠാനം ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകേ ചിത്തസംസട്ഠസമുട്ഠാനേ ഖന്ധേ പടിച്ച ചിത്തം ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ…പേ…. (൨)

ചിത്തസംസട്ഠസമുട്ഠാനം ധമ്മം പടിച്ച ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ചിത്തസംസട്ഠസമുട്ഠാനം ഏകം ഖന്ധം പടിച്ച ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൩)

൨൮൩. നോചിത്തസംസട്ഠസമുട്ഠാനം ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തം പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ചിത്തം പടിച്ച കടത്താരൂപം, ചിത്തം പടിച്ച വത്ഥു, വത്ഥും പടിച്ച ചിത്തം, ഏകം മഹാഭൂതം…പേ… (യാവ അസഞ്ഞസത്താ). (൧)

നോചിത്തസംസട്ഠസമുട്ഠാനം ധമ്മം പടിച്ച ചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തം പടിച്ച സമ്പയുത്തകാ ഖന്ധാ; അഹേതുകപടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ, അഹേതുകപടിസന്ധിക്ഖണേ വത്ഥും പടിച്ച ചിത്തസംസട്ഠസമുട്ഠാനാ ഖന്ധാ, വിചികിച്ഛാസഹഗതം ഉദ്ധച്ചസഹഗതം ചിത്തം പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

നോചിത്തസംസട്ഠസമുട്ഠാനം ധമ്മം പടിച്ച ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ചിത്തം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ കടത്താ ച രൂപം, അഹേതുകപടിസന്ധിക്ഖണേ വത്ഥും പടിച്ച ചിത്തം സമ്പയുത്തകാ ച ഖന്ധാ. (൩)

൨൮൪. ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പടിച്ച ചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തസംസട്ഠസമുട്ഠാനം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ ചിത്തസംസട്ഠസമുട്ഠാനം ഏകം ഖന്ധഞ്ച ചിതഞ്ച…പേ… അഹേതുകപടിസന്ധിക്ഖണേ ചിത്തസംസട്ഠസമുട്ഠാനം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച ചിത്തഞ്ച പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകേ ചിത്തസംസട്ഠസമുട്ഠാനേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, അഹേതുകേ ചിത്തസംസട്ഠസമുട്ഠാനേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ ചിത്തസംസട്ഠസമുട്ഠാനേ ഖന്ധേ ച ചിത്തഞ്ച പടിച്ച കടത്താരൂപം, അഹേതുകപടിസന്ധിക്ഖണേ ചിത്തസംസട്ഠസമുട്ഠാനേ ഖന്ധേ ച മഹാഭൂതേ ച പടിച്ച കടത്താരൂപം, അഹേതുകപടിസന്ധിക്ഖണേ ചിത്തസംസട്ഠസമുട്ഠാനേ ഖന്ധേ ച വത്ഥുഞ്ച പടിച്ച ചിത്തം. (൨)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പടിച്ച ചിത്തസംസട്ഠസമുട്ഠാനോ ച നോചിത്തസംസട്ഠസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ചിത്തസംസട്ഠസമുട്ഠാനം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… (അഹേതുകപടിസന്ധിക്ഖണേ ദ്വേപി കാതബ്ബാ). (൩)

നആരമ്മണപച്ചയോ

൨൮൫. ചിത്തസംസട്ഠസമുട്ഠാനം ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തസംസട്ഠസമുട്ഠാനേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)

നോചിത്തസംസട്ഠസമുട്ഠാനം ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തം പടിച്ച ചിത്തസമുട്ഠാനം രൂപം; പടിസന്ധിക്ഖണേ ചിത്തം പടിച്ച കടത്താരൂപം, ചിത്തം പടിച്ച വത്ഥു, ഏകം മഹാഭൂതം…പേ… (യാവ അസഞ്ഞസത്താ). (൧)

ചിത്തസംസട്ഠസമുട്ഠാനഞ്ച നോചിത്തസംസട്ഠസമുട്ഠാനഞ്ച ധമ്മം പടിച്ച നോചിത്തസംസട്ഠസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തസംസട്ഠസമുട്ഠാനേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, ചിത്തസംസട്ഠസമുട്ഠാനേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം (പടിസന്ധിക്ഖണേ ദ്വേ, സംഖിത്തം). (൧)