൨. സങ്ഖ്യാവാരോ

സുദ്ധം

൨൭൦. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ നവ, ആഹാരേ നവ, ഇന്ദ്രിയേ നവ, ഝാനേ തീണി, മഗ്ഗേ തീണി, സമ്പയുത്തേ പഞ്ച, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

അനുലോമം.

പച്ചനീയുദ്ധാരോ

൨൭൧. ചിത്തസഹഭൂ ധമ്മോ ചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

ചിത്തസഹഭൂ ധമ്മോ നോചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

ചിത്തസഹഭൂ ധമ്മോ ചിത്തസഹഭുസ്സ ച നോചിത്തസഹഭുസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൨൭൨. നോചിത്തസഹഭൂ ധമ്മോ നോചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നോചിത്തസഹഭൂ ധമ്മോ ചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോചിത്തസഹഭൂ ധമ്മോ ചിത്തസഹഭുസ്സ ച നോചിത്തസഹഭുസ്സ ച ധമ്മസ്സ ആരമ്മണപച്ചയേന പച്ചയോ … സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൨൭൩. ചിത്തസഹഭൂ ച നോചിത്തസഹഭൂ ച ധമ്മാ ചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ചിത്തസഹഭൂ ച നോചിത്തസഹഭൂ ച ധമ്മാ നോചിത്തസഹഭുസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

ചിത്തസഹഭൂ ച നോചിത്തസഹഭൂ ച ധമ്മാ ചിത്തസഹഭുസ്സ ച നോചിത്തസഹഭുസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)