൧. വിഭങ്ഗവാരോ

നഹേതുപച്ചയോ

൨൪൩. ചിത്തസഹഭും ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തസഹഭും ഏകം ഖന്ധം പടിച്ച ദ്വേ ഖന്ധാ ചിത്തസഹഭു ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (ഏവം നവപി പഞ്ഹാ കാതബ്ബാ. ‘‘അഹേതുക’’ന്തി നിയാമേതബ്ബം. യഥാ അനുലോമേ ലബ്ഭതി ഏവം കാതബ്ബം. തീണി മോഹോ യഥാ ചിത്തസമുട്ഠാനദുകേ ഏവമേവ കാതബ്ബാ.)

നകമ്മപച്ചയോ

൨൪൪. ചിത്തസഹഭും ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി നകമ്മപച്ചയാ – ചിത്തസഹഭൂ ഖന്ധേ പടിച്ച ചിത്തസഹഭൂ ചേതനാ.

നോചിത്തസഹഭും ധമ്മം പടിച്ച നോചിത്തസഹഭൂ ധമ്മോ ഉപ്പജ്ജതി നകമ്മപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം…പേ….

നോചിത്തസഹഭും ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി നകമ്മപച്ചയാ – ചിത്തം പടിച്ച സമ്പയുത്തകാ ചേതനാ.

ചിത്തസഹഭുഞ്ച നോചിത്തസഹഭുഞ്ച ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി നകമ്മപച്ചയാ – ചിത്തസഹഭൂ ഖന്ധേ ച ചിത്തഞ്ച പടിച്ച സമ്പയുത്തകാ ചേതനാ.

നഝാനപച്ചയോ

൨൪൫. ചിത്തസഹഭും ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം…പേ….