൧. വിഭങ്ഗവാരോ

ഹേതുപച്ചയോ

൨൧൦. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ഹേതുപച്ചയേന പച്ചയോ – ചിത്തസമുട്ഠാനാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ ഹേതുപച്ചയേന പച്ചയോ – ചിത്തസമുട്ഠാനാ ഹേതൂ ചിത്തസ്സ ഹേതുപച്ചയേന പച്ചയോ; പടിസന്ധിക്ഖണേ ചിത്തസമുട്ഠാനാ ഹേതൂ ചിത്തസ്സ കടത്താ ച രൂപാനം ഹേതുപച്ചയേന പച്ചയോ. (൨)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ ഹേതുപച്ചയേന പച്ചയോ – ചിത്തസമുട്ഠാനാ ഹേതൂ സമ്പയുത്തകാനം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

ആരമ്മണപച്ചയോ

൨൧൧. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ആരമ്മണപച്ചയേന പച്ചയോ – ചിത്തസമുട്ഠാനേ ഖന്ധേ ആരബ്ഭ ചിത്തസമുട്ഠാനാ ഖന്ധാ ഉപ്പജ്ജന്തി. (മൂലം കാതബ്ബം) ചിത്തസമുട്ഠാനേ ഖന്ധേ ആരബ്ഭ ചിത്തം ഉപ്പജ്ജതി. (മൂലം കാതബ്ബം) ചിത്തസമുട്ഠാനേ ഖന്ധേ ആരബ്ഭ ചിത്തസമുട്ഠാനാ ഖന്ധാ ച ചിത്തഞ്ച ഉപ്പജ്ജന്തി. (൩)

൨൧൨. നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും നോചിത്തസമുട്ഠാനേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ ചിത്തം ഉപ്പജ്ജതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോചിത്തസമുട്ഠാനചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം…പേ… ആകിഞ്ചഞ്ഞായതനം…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം…പേ… നോചിത്തസമുട്ഠാനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ…പേ… നിബ്ബാനം പച്ചവേക്ഖന്തി (പഠമഗമനസദിസം); ചക്ഖും…പേ… വത്ഥും നോചിത്തസമുട്ഠാനേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി…പേ… രൂപായതനം ചക്ഖുവിഞ്ഞാണസഹഗതാനം ഖന്ധാനം…പേ… ഫോട്ഠബ്ബായതനം…പേ… നോചിത്തസമുട്ഠാനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ…പേ… നിബ്ബാനം പച്ചവേക്ഖന്തി (പഠമഗമനസദിസം), നോചിത്തസമുട്ഠാനേ ഖന്ധേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… ഫോട്ഠബ്ബായതനം…പേ… നോചിത്തസമുട്ഠാനാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൩)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ ആരമ്മണപച്ചയേന പച്ചയോ… തീണി (ആരബ്ഭ കാതബ്ബാ).

അധിപതിപച്ചയോ

൨൧൩. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ചിത്തസമുട്ഠാനേ ഖന്ധേ ഗരും കത്വാ ചിത്തസമുട്ഠാനാ ഖന്ധാ ഉപ്പജ്ജന്തി. സഹജാതാധിപതി – ചിത്തസമുട്ഠാനാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ (തീണിപി ആരമ്മണാധിപതി, സഹജാതാധിപതിപി കാതബ്ബാ). (൩)

നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി – അരിയാ മഗ്ഗാ…പേ… നിബ്ബാനം ഗരും കത്വാ…പേ… നോചിത്തസമുട്ഠാനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ചിത്തം ഉപ്പജ്ജതി. (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ…പേ… നിബ്ബാനം ഗരും കത്വാ പച്ചവേക്ഖന്തി…പേ… നോചിത്തസമുട്ഠാനേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോചിത്തസമുട്ഠാനാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ മഗ്ഗാ…പേ… നിബ്ബാനം ഗരും കത്വാ പച്ചവേക്ഖന്തി…പേ… നോചിത്തസമുട്ഠാനേ ഖന്ധേ ഗരും കത്വാ…പേ… ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. (൩)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി (ആരമ്മണാധിപതിയേവ).

അനന്തര-സമനന്തരപച്ചയാ

൨൧൪. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ അനന്തരപച്ചയേന പച്ചയോ… തീണി (വുട്ഠാനം നത്ഥി).

നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ അനന്തരപച്ചയേന പച്ചയോ – പുരിമം പുരിമം ചിത്തം പച്ഛിമസ്സ പച്ഛിമസ്സ…പേ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ (ഇതരേ ദ്വേ ഗണനാ, ഇമസ്സ സദിസായേവ കാതബ്ബാ).

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ അനന്തരപച്ചയേന പച്ചയോ (തീണി കാതബ്ബാ, വുട്ഠാനം നത്ഥി)… സമനന്തരപച്ചയേന പച്ചയോ.

സഹജാതപച്ചയാദി

൨൧൫. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ സഹജാതപച്ചയേന പച്ചയോ (പടിച്ചവാരസദിസം)… അഞ്ഞമഞ്ഞപച്ചയേന പച്ചയോ (പടിച്ചവാരസദിസം)… നിസ്സയപച്ചയേന പച്ചയോ (പച്ചയവാരസദിസം).

ഉപനിസ്സയപച്ചയോ

൨൧൬. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – (തീണി പഞ്ഹാ കാതബ്ബാ). (൩)

നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉതും… ഭോജനം… സേനാസനം ചിത്തം ഉപനിസ്സായ ദാനം ദേതി…പേ… സങ്ഘം ഭിന്ദതി; ഉതു… ഭോജനം… സേനാസനം ചിത്തം ചിത്തസ്സ ഉപനിസ്സയപച്ചയേന പച്ചയോ. (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉതും… ഭോജനം… സേനാസനം ചിത്തം ഉപനിസ്സായ ദാനം ദേതി…പേ… സങ്ഘം ഭിന്ദതി; ഉതു… ഭോജനം… സേനാസനം ചിത്തം സദ്ധായ…പേ… മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഉതും… ഭോജനം… സേനാസനം ചിത്തം ഉപനിസ്സായ ദാനം ദേതി…പേ… സങ്ഘം ഭിന്ദതി; ഉതു… ഭോജനം… സേനാസനം ചിത്തം ചിത്തസമുട്ഠാനാനം ഖന്ധാനം ചിത്തസ്സ ച ഉപനിസ്സയപച്ചയേന പച്ചയോ. (൩)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ… തീണി.

പുരേജാതപച്ചയോ

൨൧൭. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – ചിത്തസമുട്ഠാനേ രൂപേ…പേ… ഫോട്ഠബ്ബേ അനിച്ചതോ…പേ… വിപസ്സതി…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസഹഗതാനം ഖന്ധാനം പുരേജാതപച്ചയേന പച്ചയോ…പേ… ഫോട്ഠബ്ബായതനം കായവിഞ്ഞാണസഹഗതാനം ഖന്ധാനം പുരേജാതപച്ചയേന പച്ചയോ. (൧)

ചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – ചിത്തസമുട്ഠാനേ രൂപേ…പേ… ഫോട്ഠബ്ബേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ ചിത്തം ഉപ്പജ്ജതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. (൨)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ പുരേജാതപച്ചയേന പച്ചയോ. ആരമ്മണപുരേജാതം – ചിത്തസമുട്ഠാനേ രൂപേ…പേ… ഫോട്ഠബ്ബേ അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ…പേ… ഫോട്ഠബ്ബായതനം…പേ…. (൩)

൨൧൮. നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… കായം, രൂപേ…പേ… ഫോട്ഠബ്ബേ വത്ഥും അനിച്ചതോ…പേ… തം ആരബ്ഭ ചിത്തം ഉപ്പജ്ജതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം …പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം…പേ… വത്ഥു ചിത്തസ്സ പുരേജാതപച്ചയേന പച്ചയോ. (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസഹഗതാനം ഖന്ധാനം…പേ… ഫോട്ഠബ്ബായതനം…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസഹഗതാനം ഖന്ധാനം…പേ… കായായതനം…പേ… വത്ഥു ചിത്തസമുട്ഠാനാനം ഖന്ധാനം പുരേജാതപച്ചയേന പച്ചയോ. (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… തം ആരബ്ഭ ചിത്തഞ്ച സമ്പയുത്തകാ ച ഖന്ധാ ഉപ്പജ്ജന്തി. ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… ഫോട്ഠബ്ബായതനം…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം…പേ… കായായതനം…പേ… വത്ഥു ചിത്തസ്സ സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

൨൧൯. ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ചിത്തസമുട്ഠാനം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസഹഗതാനം ഖന്ധാനം …പേ… ചിത്തസമുട്ഠാനം ഫോട്ഠബ്ബായതനഞ്ച കായായതനഞ്ച കായവിഞ്ഞാണസഹഗതാനം ഖന്ധാനം പുരേജാതപച്ചയേന പച്ചയോ; ചിത്തസമുട്ഠാനം രൂപായതനഞ്ച വത്ഥു ച ചിത്തസമുട്ഠാനാനം ഖന്ധാനം പുരേജാതപച്ചയേന പച്ചയോ…പേ… ചിത്തസമുട്ഠാനം ഫോട്ഠബ്ബായതനഞ്ച വത്ഥു ച…പേ…. (൧)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ നോചിത്തസമുട്ഠാനസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ചിത്തസമുട്ഠാനം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ…പേ… ചിത്തസമുട്ഠാനം ഫോട്ഠബ്ബായതനഞ്ച കായായതനഞ്ച കായവിഞ്ഞാണസ്സ പുരേജാതപച്ചയേന പച്ചയോ; ചിത്തസമുട്ഠാനം രൂപായതനഞ്ച വത്ഥു ച ചിത്തസ്സ പുരേജാതപച്ചയേന പച്ചയോ…പേ… ചിത്തസമുട്ഠാനം ഫോട്ഠബ്ബായതനഞ്ച വത്ഥു ച…പേ…. (൨)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ചിത്തസമുട്ഠാനം രൂപായതനഞ്ച ചക്ഖായതനഞ്ച ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ…പേ… ചിത്തസമുട്ഠാനം ഫോട്ഠബ്ബായതനം ച…പേ… ചിത്തസമുട്ഠാനം രൂപായതനഞ്ച വത്ഥു ച ചിത്തസ്സ സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ…പേ… ചിത്തസമുട്ഠാനം ഫോട്ഠബ്ബായതനഞ്ച വത്ഥു ച…പേ…. (൩)

പച്ഛാജാതാസേവനപച്ചയാ

൨൨൦. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ചിത്തസമുട്ഠാനാ ഖന്ധാ പുരേജാതസ്സ ഇമസ്സ ചിത്തസമുട്ഠാനസ്സ കായസ്സ പച്ഛാജാതപച്ചയേന പച്ചയോ (ഇമിനാകാരേനേവ പച്ഛാജാതോ വിത്ഥാരേതബ്ബോ)… ആസേവനപച്ചയേന പച്ചയോ… നവ.

കമ്മ-വിപാകപച്ചയാ

൨൨൧. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ചിത്തസമുട്ഠാനാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – ചിത്തസമുട്ഠാനാ ചേതനാ വിപാകാനം ഖന്ധാനം കമ്മപച്ചയേന പച്ചയോ. (൧)

ചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ചിത്തസമുട്ഠാനാ ചേതനാ ചിത്തസ്സ കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – ചിത്തസമുട്ഠാനാ ചേതനാ വിപാകസ്സ ചിത്തസ്സ കടത്താ ച രൂപാനം കമ്മപച്ചയേന പച്ചയോ. (൨)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ചിത്തസമുട്ഠാനാ ചേതനാ സമ്പയുത്തകാനം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – ചിത്തസമുട്ഠാനാ ചേതനാ വിപാകാനം ഖന്ധാനം ചിത്തസ്സ ച കടത്താ ച രൂപാനം കമ്മപച്ചയേന പച്ചയോ. (൩)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ വിപാകപച്ചയേന പച്ചയോ… നവ.

ആഹാരപച്ചയോ

൨൨൨. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ആഹാരപച്ചയേന പച്ചയോ – ചിത്തസമുട്ഠാനാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം) ചിത്തസമുട്ഠാനാ ആഹാരാ ചിത്തസ്സ ആഹാരപച്ചയേന പച്ചയോ; പടിസന്ധിക്ഖണേ…പേ… ചിത്തസമുട്ഠാനോ കബളീകാരോ ആഹാരോ ഇമസ്സ നോചിത്തസമുട്ഠാനസ്സ കായസ്സ ആഹാരപച്ചയേന പച്ചയോ. (മൂലം കാതബ്ബം) ചിത്തസമുട്ഠാനാ ആഹാരാ സമ്പയുത്തകാനം ഖന്ധാനം ചിത്തസ്സ ച ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ…. (൩)

൨൨൩. നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ ആഹാരപച്ചയേന പച്ചയോ – പടിസന്ധിക്ഖണേ നോചിത്തസമുട്ഠാനാ ആഹാരാ കടത്താരൂപാനം ആഹാരപച്ചയേന പച്ചയോ; നോചിത്തസമുട്ഠാനോ കബളീകാരോ ആഹാരോ ഇമസ്സ നോചിത്തസമുട്ഠാനസ്സ കായസ്സ ആഹാരപച്ചയേന പച്ചയോ. (മൂലം കാതബ്ബം) നോചിത്തസമുട്ഠാനാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം) പടിസന്ധിക്ഖണേ നോചിത്തസമുട്ഠാനാ ആഹാരാ സമ്പയുത്തകാനം ഖന്ധാനം കടത്താ ച രൂപാനം ആഹാരപച്ചയേന പച്ചയോ. (൩)

൨൨൪. ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ ആഹാരപച്ചയേന പച്ചയോ – ചിത്തസമുട്ഠാനാ ച നോചിത്തസമുട്ഠാനാ ച ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ…. (മൂലം കാതബ്ബം) പടിസന്ധിക്ഖണേ ചിത്തസമുട്ഠാനാ ച നോചിത്തസമുട്ഠാനാ ച ആഹാരാ കടത്താരൂപാനം ആഹാരപച്ചയേന പച്ചയോ; ചിത്തസമുട്ഠാനോ ച നോചിത്തസമുട്ഠാനോ ച കബളീകാരോ ആഹാരോ ഇമസ്സ നോചിത്തസമുട്ഠാനസ്സ കായസ്സ ആഹാരപച്ചയേന പച്ചയോ. (മൂലം കാതബ്ബം) പടിസന്ധിക്ഖണേ ചിത്തസമുട്ഠാനാ ച നോചിത്തസമുട്ഠാനാ ച ആഹാരാ സമ്പയുത്തകാനം ഖന്ധാനം കടത്താ ച രൂപാനം ആഹാരപച്ചയേന പച്ചയോ. (൩)

ഇന്ദ്രിയപച്ചയാദി

൨൨൫. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.

നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ ഇന്ദ്രിയപച്ചയേന പച്ചയോ – പടിസന്ധിക്ഖണേ നോചിത്തസമുട്ഠാനാ ഇന്ദ്രിയാ കടത്താരൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (മൂലം കാതബ്ബം) നോചിത്തസമുട്ഠാനാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസഹഗതാനം ഖന്ധാനം…പേ… കായിന്ദ്രിയം…പേ…. (മൂലം കാതബ്ബം) പടിസന്ധിക്ഖണേ നോചിത്തസമുട്ഠാനാ ഇന്ദ്രിയാ സമ്പയുത്തകാനം ഖന്ധാനം കടത്താ ച രൂപാനം ഇന്ദ്രിയപച്ചയേന പച്ചയോ; ചക്ഖുന്ദ്രിയം ചക്ഖുവിഞ്ഞാണസ്സ ചക്ഖുവിഞ്ഞാണസഹഗതാനഞ്ച ഖന്ധാനം…പേ… കായിന്ദ്രിയം…പേ…. (൩)

൨൨൬. ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ ഇന്ദ്രിയപച്ചയേന പച്ചയോ – ചിത്തസമുട്ഠാനാ ച നോചിത്തസമുട്ഠാനാ ച ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… ചക്ഖുന്ദ്രിയഞ്ച ഉപേക്ഖിന്ദ്രിയഞ്ച ചക്ഖുവിഞ്ഞാണസഹഗതാനം ഖന്ധാനം…പേ… കായിന്ദ്രിയഞ്ച സുഖിന്ദ്രിയഞ്ച…പേ… കായിന്ദ്രിയഞ്ച ദുക്ഖിന്ദ്രിയഞ്ച കായവിഞ്ഞാണസഹഗതാനം ഖന്ധാനം ഇന്ദ്രിയപച്ചയേന പച്ചയോ. (മൂലം കാതബ്ബം) പടിസന്ധിക്ഖണേ ചിത്തസമുട്ഠാനാ ച നോചിത്തസമുട്ഠാനാ ച ഇന്ദ്രിയാ കടത്താരൂപാനം ഇന്ദ്രിയപച്ചയേന പച്ചയോ; ചക്ഖുന്ദ്രിയഞ്ച ഉപേക്ഖിന്ദ്രിയഞ്ച ചക്ഖുവിഞ്ഞാണസ്സ …പേ… കായിന്ദ്രിയഞ്ച…പേ…. (മൂലം കാതബ്ബം) പടിസന്ധിക്ഖണേ ചിത്തസമുട്ഠാനാ ച നോചിത്തസമുട്ഠാനാ ച ഇന്ദ്രിയാ സമ്പയുത്തകാനം ഖന്ധാനം കടത്താ ച രൂപാനം ഇന്ദ്രിയപച്ചയേന പച്ചയോ; ചക്ഖുന്ദ്രിയഞ്ച ഉപേക്ഖിന്ദ്രിയഞ്ച ചക്ഖുവിഞ്ഞാണസ്സ സമ്പയുത്തകാനഞ്ച ഖന്ധാനം ഇന്ദ്രിയപച്ചയേന പച്ചയോ; കായിന്ദ്രിയം ച…പേ…. (൩)

ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… തീണി… സമ്പയുത്തപച്ചയേന പച്ചയോ… പഞ്ച…പേ….

വിപ്പയുത്തപച്ചയോ

൨൨൭. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

ചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതം – പടിസന്ധിക്ഖണേ (സംഖിത്തം). (൨)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ വിപ്പയുത്തപച്ചയേന പച്ചയോ… പച്ഛാജാതം (സംഖിത്തം). (൩)

൨൨൮. നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതം – പടിസന്ധിക്ഖണേ ചിത്തം കടത്താ രൂപാനം വിപ്പയുത്തപച്ചയേന പച്ചയോ, ചിത്തം വത്ഥുസ്സ വിപ്പയുത്തപച്ചയേന പച്ചയോ, വത്ഥു ചിത്തസ്സ വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ചിത്തസ്സ വിപ്പയുത്തപച്ചയേന പച്ചയോ. പച്ഛാജാതാ – നോചിത്തസമുട്ഠാനാ ഖന്ധാ പുരേജാതസ്സ ഇമസ്സ നോചിത്തസമുട്ഠാനസ്സ കായസ്സ വിപ്പയുത്തപച്ചയേന പച്ചയോ. (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൩)

൨൨൯. ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ നോചിത്തസമുട്ഠാനസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൨)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ വിപ്പയുത്തപച്ചയേന പച്ചയോ… പച്ഛാജാതം (സംഖിത്തം). (൩)

അത്ഥിപച്ചയാദി

൨൩൦. ചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

ചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം (സംഖിത്തം). (൨)

ചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൩)

നോചിത്തസമുട്ഠാനോ ധമ്മോ നോചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൨)

നോചിത്തസമുട്ഠാനോ ധമ്മോ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം (സംഖിത്തം). (൩)

൨൩൧. ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതോ – ചക്ഖുവിഞ്ഞാണസഹഗതോ ഏകോ ഖന്ധോ…പേ… (സംഖിത്തം). (൧)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ നോചിത്തസമുട്ഠാനസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – ചക്ഖുവിഞ്ഞാണസഹഗതാ ഖന്ധാ ച ചക്ഖായതനഞ്ച ചക്ഖുവിഞ്ഞാണസ്സ അത്ഥിപച്ചയേന പച്ചയോ…പേ… കായവിഞ്ഞാണസഹഗതാ…പേ…. സഹജാതാ – ചിത്തസമുട്ഠാനാ…പേ… (പച്ചയവാരസദിസം പടിസന്ധിപി പവത്തിപി കാതബ്ബാ സബ്ബേസമ്പി പഞ്ഹാനം.) പച്ഛാജാതാ – ചിത്തസമുട്ഠാനാ ഖന്ധാ ച ചിത്തഞ്ച പുരേജാതസ്സ ഇമസ്സ നോചിത്തസമുട്ഠാനസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ചിത്തസമുട്ഠാനാ ഖന്ധാ ച ചിത്തഞ്ച കബളീകാരോ ആഹാരോ ച ഇമസ്സ നോചിത്തസമുട്ഠാനസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ചിത്തസമുട്ഠാനാ ഖന്ധാ ച ചിത്തഞ്ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ചിത്തസമുട്ഠാനസ്സ ച നോചിത്തസമുട്ഠാനസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതോ – ചക്ഖുവിഞ്ഞാണസഹഗതോ…പേ… (സംഖിത്തം). (൩)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.