൫. സംസട്ഠവാരോ

൧-൪. പച്ചയാനുലോമാദി

൨൦൮. ചിത്തസമുട്ഠാനം ധമ്മം സംസട്ഠോ ചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസമുട്ഠാനം ഏകം ഖന്ധം സംസട്ഠാ ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ…. (൧)

ചിത്തസമുട്ഠാനം ധമ്മം സംസട്ഠോ നോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസമുട്ഠാനേ ഖന്ധേ സംസട്ഠം ചിത്തം; പടിസന്ധിക്ഖണേ…പേ…. (൨)

ചിത്തസമുട്ഠാനം ധമ്മം സംസട്ഠോ ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ഉപ്പജ്ജന്തി ഹേതുപച്ചയാ – ചിത്തസമുട്ഠാനം ഏകം ഖന്ധം സംസട്ഠാ ദ്വേ ഖന്ധാ ചിത്തഞ്ച, ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൨൦൯. നോചിത്തസമുട്ഠാനം ധമ്മം സംസട്ഠോ ചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസംസട്ഠാ സമ്പയുത്തകാ ഖന്ധാ; പടിസന്ധിക്ഖണേ…പേ…. (൧)

ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം സംസട്ഠോ ചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ – ചിത്തസമുട്ഠാനം ഏകം ഖന്ധഞ്ച ചിത്തഞ്ച സംസട്ഠാ ദ്വേ ഖന്ധാ, ദ്വേ ഖന്ധേ…പേ… പടിസന്ധിക്ഖണേ…പേ… (സംഖിത്തം). (൧)

ഹേതുയാ പഞ്ച, ആരമ്മണേ പഞ്ച (സബ്ബത്ഥ പഞ്ച), അവിഗതേ പഞ്ച.

ചിത്തസമുട്ഠാനം ധമ്മം സംസട്ഠോ ചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ (പഞ്ച പഞ്ഹാ കാതബ്ബാ. തീണി. മോഹോ).

നഹേതുയാ പഞ്ച, നഅധിപതിയാ പഞ്ച, നപുരേജാതേ പഞ്ച, നപച്ഛാജാതേ പഞ്ച, നആസേവനേ പഞ്ച, നകമ്മേ തീണി, നവിപാകേ പഞ്ച, നഝാനേ പഞ്ച, നമഗ്ഗേ പഞ്ച, നവിപ്പയുത്തേ പഞ്ച.