൧. വിഭങ്ഗവാരോ

നഹേതുപച്ചയോ

൧൯൩. ചിത്തസമുട്ഠാനം ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തസമുട്ഠാനം ഏകം ഖന്ധം പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ ചിത്തസമുട്ഠാനം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ…പേ… ചിത്തസമുട്ഠാനം ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ചിത്തസമുട്ഠാനം ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ – അഹേതുകേ ചിത്തസമുട്ഠാനേ ഖന്ധേ പടിച്ച ചിത്തം; അഹേതുകപടിസന്ധിക്ഖണേ ചിത്തസമുട്ഠാനേ ഖന്ധേ പടിച്ച ചിത്തം കടത്താ ച രൂപം. (൨)

ചിത്തസമുട്ഠാനം ധമ്മം പടിച്ച ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ചിത്തസമുട്ഠാനം ഏകം ഖന്ധം പടിച്ച ദ്വേ ഖന്ധാ ചിത്തഞ്ച ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ…പേ…. (൩)

൧൯൪. നോചിത്തസമുട്ഠാനം ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ ചിത്തം പടിച്ച കടത്താരൂപം, ചിത്തം പടിച്ച വത്ഥു, വത്ഥും പടിച്ച ചിത്തം, ഏകം മഹാഭൂതം…പേ… (യാവ അസഞ്ഞസത്താ കാതബ്ബാ). (൧)

നോചിത്തസമുട്ഠാനം ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ ചിത്തം…പേ… അഹേതുകപടിസന്ധിക്ഖണേ വത്ഥും പടിച്ച ചിത്തസമുട്ഠാനാ ഖന്ധാ, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

നോചിത്തസമുട്ഠാനം ധമ്മം പടിച്ച ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ ചിത്തം പടിച്ച സമ്പയുത്തകാ ഖന്ധാ കടത്താ ച രൂപം; അഹേതുകപടിസന്ധിക്ഖണേ വത്ഥും പടിച്ച ചിത്തം സമ്പയുത്തകാ ഖന്ധാ ച. (൩)

൧൯൫. ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകം ചിത്തസമുട്ഠാനം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ ചിത്തസമുട്ഠാനം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… അഹേതുകപടിസന്ധിക്ഖണേ ചിത്തസമുട്ഠാനം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ, ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച ചിത്തഞ്ച പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ ചിത്തസമുട്ഠാനേ ഖന്ധേ ച ചിത്തഞ്ച പടിച്ച കടത്താരൂപം; അഹേതുകപടിസന്ധിക്ഖണേ ചിത്തസമുട്ഠാനേ ഖന്ധേ ച മഹാഭൂതേ ച പടിച്ച കടത്താരൂപം, അഹേതുകപടിസന്ധിക്ഖണേ ചിത്തസമുട്ഠാനേ ഖന്ധേ ച വത്ഥുഞ്ച പടിച്ച ചിത്തം. (൨)

ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം പടിച്ച ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ ചിത്തസമുട്ഠാനം ഏകം ഖന്ധഞ്ച ചിത്തഞ്ച പടിച്ച ദ്വേ ഖന്ധാ കടത്താ ച രൂപം, ദ്വേ ഖന്ധേ…പേ… അഹേതുകപടിസന്ധിക്ഖണേ ചിത്തസമുട്ഠാനം ഏകം ഖന്ധഞ്ച വത്ഥുഞ്ച പടിച്ച ദ്വേ ഖന്ധാ ചിത്തഞ്ച, ദ്വേ ഖന്ധേ…പേ…. (൩)

നആരമ്മണപച്ചയോ

൧൯൬. ചിത്തസമുട്ഠാനം ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തസമുട്ഠാനേ ഖന്ധേ പടിച്ച ചിത്തസമുട്ഠാനം രൂപം, ചിത്തസമുട്ഠാനം ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം, ഉപാദാരൂപം. (൧)

ചിത്തസമുട്ഠാനം ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ചിത്തസമുട്ഠാനേ ഖന്ധേ പടിച്ച കടത്താരൂപം. (൨)

൧൯൭. നോചിത്തസമുട്ഠാനം ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ചിത്തം പടിച്ച കടത്താരൂപം, ചിത്തം പടിച്ച വത്ഥു, ഏകം മഹാഭൂതം…പേ… (യാവ അസഞ്ഞസത്താ). (൧)

നോചിത്തസമുട്ഠാനം ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തം പടിച്ച ചിത്തസമുട്ഠാനം രൂപം. (൨)

ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – ചിത്തസമുട്ഠാനേ ഖന്ധേ ച ചിത്തഞ്ച പടിച്ച ചിത്തസമുട്ഠാനം രൂപം, ചിത്തഞ്ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ചിത്തസമുട്ഠാനഞ്ച നോചിത്തസമുട്ഠാനഞ്ച ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി നആരമ്മണപച്ചയാ – പടിസന്ധിക്ഖണേ ചിത്തസമുട്ഠാനേ ഖന്ധേ ച ചിത്തഞ്ച പടിച്ച കടത്താരൂപം; പടിസന്ധിക്ഖണേ ചിത്തസമുട്ഠാനേ ഖന്ധേ ച മഹാഭൂതേ ച പടിച്ച കടത്താരൂപം (സംഖിത്തം). (൨)