൨. സങ്ഖ്യാവാരോ

സുദ്ധം

൧൭൯. ഹേതുയാ തീണി, ആരമ്മണേ ദ്വേ, അധിപതിയാ ചത്താരി, അനന്തരേ ഏകം, സമനന്തരേ ഏകം, സഹജാതേ സത്ത, അഞ്ഞമഞ്ഞേ ഛ, നിസ്സയേ സത്ത, ഉപനിസ്സയേ ദ്വേ, പുരേജാതേ ഏകം, പച്ഛാജാതേ ഏകം, ആസേവനേ ഏകം, കമ്മേ തീണി, വിപാകേ തീണി, ആഹാരേ ചത്താരി, ഇന്ദ്രിയേ ഛ, ഝാനേ തീണി, മഗ്ഗേ തീണി, സമ്പയുത്തേ ഏകം, വിപ്പയുത്തേ ദ്വേ, അത്ഥിയാ സത്ത, നത്ഥിയാ ഏകം, വിഗതേ ഏകം, അവിഗതേ സത്ത.

അനുലോമം.

പച്ചനീയുദ്ധാരോ

൧൮൦. ചിത്തസമ്പയുത്തോ ധമ്മോ ചിത്തസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

ചിത്തസമ്പയുത്തോ ധമ്മോ ചിത്തവിപ്പയുത്തസ്സ ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

ചിത്തസമ്പയുത്തോ ധമ്മോ ചിത്തസമ്പയുത്തസ്സ ച ചിത്തവിപ്പയുത്തസ്സ ച ധമ്മസ്സ സഹജാതപച്ചയേന പച്ചയോ… കമ്മപച്ചയേന പച്ചയോ. (൩)

൧൮൧. ചിത്തവിപ്പയുത്തോ ധമ്മോ ചിത്തവിപ്പയുത്തസ്സ ധമ്മസ്സ സഹജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

ചിത്തവിപ്പയുത്തോ ധമ്മോ ചിത്തസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

ചിത്തസമ്പയുത്തോ ച ചിത്തവിപ്പയുത്തോ ച ധമ്മാ ചിത്തസമ്പയുത്തസ്സ ധമ്മസ്സ സഹജാതം, പുരേജാതം. (൧)

ചിത്തസമ്പയുത്തോ ച ചിത്തവിപ്പയുത്തോ ച ധമ്മാ ചിത്തവിപ്പയുത്തസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)