൧. വിഭങ്ഗവാരോ

ഹേതുപച്ചയോ

൬൯. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ ഹേതുപച്ചയേന പച്ചയോ – ദസ്സനേന പഹാതബ്ബാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൭൦. ഭാവനായ പഹാതബ്ബോ ധമ്മോ…പേ… ധമ്മസ്സ ഹേതുപച്ചയേന പച്ചയോ – ഭാവനായ പഹാതബ്ബാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ…പേ… ഭാവനായ പഹാതബ്ബാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ…പേ… ഭാവനായ പഹാതബ്ബാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ…പേ… നേവദസ്സനേന നഭാവനായ പഹാതബ്ബാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. പടിസന്ധിക്ഖണേ നേവദസ്സനേന നഭാവനായ പഹാതബ്ബാ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

ആരമ്മണപച്ചയോ

൭൧. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദസ്സനേന പഹാതബ്ബം രാഗം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. ദസ്സനേന പഹാതബ്ബം ദോമനസ്സം ഉപ്പജ്ജതി, ദിട്ഠിം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. ദസ്സനേന പഹാതബ്ബം ദോമനസ്സം ഉപ്പജ്ജതി, വിചികിച്ഛം ആരബ്ഭ വിചികിച്ഛാ ഉപ്പജ്ജതി, ദിട്ഠി ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി. ദസ്സനേന പഹാതബ്ബം ദോമനസ്സം ആരബ്ഭ ദസ്സനേന പഹാതബ്ബം ദോമനസ്സം ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – അരിയാ ദസ്സനേന പഹാതബ്ബേ പഹീനേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ദസ്സനേന പഹാതബ്ബേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി. ചേതോപരിയഞാണേന ദസ്സനേന പഹാതബ്ബചിത്തസമങ്ഗിസ്സ ചിത്തം ജാനന്തി. ദസ്സനേന പഹാതബ്ബാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൭൨. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബം രാഗം അസ്സാദേതി അഭിനന്ദതി, തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി. ഭാവനായ പഹാതബ്ബം ദോമനസ്സം ഉപ്പജ്ജതി, ഉദ്ധച്ചം ആരബ്ഭ ഉദ്ധച്ചം ഉപ്പജ്ജതി. ഭാവനായ പഹാതബ്ബം ദോമനസ്സം ഉപ്പജ്ജതി, ഭാവനായ പഹാതബ്ബം ദോമനസ്സം ആരബ്ഭ ഭാവനായ പഹാതബ്ബം ദോമനസ്സം ഉപ്പജ്ജതി, ഉദ്ധച്ചം ഉപ്പജ്ജതി. (൧)

ഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ഭാവനായ പഹാതബ്ബം രാഗം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി. ഉദ്ധച്ചം ആരബ്ഭ ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി. ഭാവനായ പഹാതബ്ബം ദോമനസ്സം ആരബ്ഭ ദസ്സനേന പഹാതബ്ബം ദോമനസ്സം ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി. (൨)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – അരിയാ ഭാവനായ പഹാതബ്ബേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ഭാവനായ പഹാതബ്ബേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, ചേതോപരിയഞാണേന ഭാവനായ പഹാതബ്ബചിത്തസമങ്ഗിസ്സ ചിത്തം ജാനന്തി. ഭാവനായ പഹാതബ്ബാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൩)

൭൩. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി. അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ. ചക്ഖും അനിച്ചതോ ദുക്ഖതോ അനത്തതോ വിപസ്സതി; സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും… നേവദസ്സനേന നഭാവനായ പഹാതബ്ബേ ഖന്ധേ അനിച്ചതോ ദുക്ഖതോ അനത്തതോ വിപസ്സതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നേവദസ്സനേന നഭാവനായ പഹാതബ്ബചിത്തസമങ്ഗിസ്സ ചിത്തം ജാനന്തി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ ആരമ്മണപച്ചയേന പച്ചയോ…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ…പേ… നേവദസ്സനേന നഭാവനായ പഹാതബ്ബാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി. പുബ്ബേ സുചിണ്ണാനി അസ്സാദേതി അഭിനന്ദതി…പേ… ഝാനാ വുട്ഠഹിത്വാ ഝാനം അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ…പേ… ദിട്ഠി…പേ… വിചികിച്ഛാ…പേ… ഝാനേ പരിഹീനേ വിപ്പടിസാരിസ്സ ദസ്സനേന പഹാതബ്ബം ദോമനസ്സം ഉപ്പജ്ജതി. ചക്ഖും അസ്സാദേതി അഭിനന്ദതി…പേ… സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും… നേവദസ്സനേന നഭാവനായ പഹാതബ്ബേ ഖന്ധേ അസ്സാദേതി അഭിനന്ദതി, തം ആരബ്ഭ ദസ്സനേന പഹാതബ്ബോ രാഗോ…പേ… ദിട്ഠി…പേ… വിചികിച്ഛാ…പേ… ദസ്സനേന പഹാതബ്ബം ദോമനസ്സം ഉപ്പജ്ജതി. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി. പുബ്ബേ സുചിണ്ണാനി…പേ… ഝാനാ വുട്ഠഹിത്വാ…പേ… ചക്ഖും…പേ… വത്ഥും… നേവദസ്സനേന നഭാവനായ പഹാതബ്ബേ ഖന്ധേ അസ്സാദേതി…പേ… തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി. (൩)

അധിപതിപച്ചയോ

൭൪. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദസ്സനേന പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി; ദിട്ഠിം ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – ദസ്സനേന പഹാതബ്ബാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – ദസ്സനേന പഹാതബ്ബാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ദസ്സനേന പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൭൫. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ഭാവനായ പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ ഭാവനായ പഹാതബ്ബോ രാഗോ ഉപ്പജ്ജതി. സഹജാതാധിപതി – ഭാവനായ പഹാതബ്ബാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ഭാവനായ പഹാതബ്ബം രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – ഭാവനായ പഹാതബ്ബാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൩)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ഭാവനായ പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൪)

൭൬. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. സഹജാതാധിപതി – നേവദസ്സനേന നഭാവനായ പഹാതബ്ബാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. പുബ്ബേ സുചിണ്ണാനി ഗരും കത്വാ…പേ… ഝാനാ വുട്ഠഹിത്വാ ഝാനം ഗരും കത്വാ…പേ… ചക്ഖും…പേ… വത്ഥും… നേവദസ്സനേന നഭാവനായ പഹാതബ്ബേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ ഭാവനായ പഹാതബ്ബോ രാഗോ ഉപ്പജ്ജതി. പുബ്ബേ…പേ… നേവദസ്സനേന നഭാവനായ പഹാതബ്ബേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ഭാവനായ പഹാതബ്ബോ രാഗോ ഉപ്പജ്ജതി. (൩)

അനന്തരപച്ചയോ

൭൭. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദസ്സനേന പഹാതബ്ബാ ഖന്ധാ പച്ഛിമാനം പച്ഛിമാനം ദസ്സനേന പഹാതബ്ബാനം ഖന്ധാനം അനന്തരപച്ചയേന പച്ചയോ.

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ – ദസ്സനേന പഹാതബ്ബാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ഭാവനായ പഹാതബ്ബാ ഖന്ധാ പച്ഛിമാനം പച്ഛിമാനം ഭാവനായ പഹാതബ്ബാനം ഖന്ധാനം അനന്തരപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ – ഭാവനായ പഹാതബ്ബാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നേവദസ്സനേന നഭാവനായ പഹാതബ്ബാ ഖന്ധാ പച്ഛിമാനം പച്ഛിമാനം നേവദസ്സനേന നഭാവനായ പഹാതബ്ബാനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ… മഗ്ഗോ ഫലസ്സ… ഫലം ഫലസ്സ… അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ…പേ… ആവജ്ജനാ ദസ്സനേന പഹാതബ്ബാനം ഖന്ധാനം അനന്തരപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ ഭാവനായ പഹാതബ്ബാനം ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയോ

൭൮. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ സമനന്തരപച്ചയേന പച്ചയോ (അനന്തരസദിസം).

സഹജാതപച്ചയോ

൭൯. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ സഹജാതപച്ചയേന പച്ചയോ… തീണി.

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ… തീണി.

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ സഹജാതപച്ചയേന പച്ചയോ – നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം സഹജാതപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ സഹജാതപച്ചയേന പച്ചയോ. വത്ഥു ഖന്ധാനം…പേ… ഏകം മഹാഭൂതം തിണ്ണന്നം മഹാഭൂതാനം…പേ… മഹാഭൂതാ ചിത്തസമുട്ഠാനാനം രൂപാനം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ സഹജാതപച്ചയേന പച്ചയോ – ദസ്സനേന പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ സഹജാതപച്ചയേന പച്ചയോ – ഭാവനായ പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം സഹജാതപച്ചയേന പച്ചയോ. (൧)

അഞ്ഞമഞ്ഞപച്ചയോ

൮൦. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അഞ്ഞമഞ്ഞപച്ചയേന പച്ചയോ – ദസ്സനേന പഹാതബ്ബോ ഏകോ ഖന്ധോ തിണ്ണന്നം ഖന്ധാനം…പേ…. (൧)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ…പേ… ഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം…പേ…. (൧)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ…പേ… നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം അഞ്ഞമഞ്ഞപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം വത്ഥുസ്സ ച അഞ്ഞമഞ്ഞപച്ചയേന പച്ചയോ…പേ… ദ്വേ ഖന്ധാ…പേ… ഖന്ധാ വത്ഥുസ്സ…പേ… വത്ഥു ഖന്ധാനം…പേ… ഏകം മഹാഭൂതം തിണ്ണന്നം മഹാഭൂതാനം അഞ്ഞമഞ്ഞപച്ചയേന പച്ചയോ…പേ… അസഞ്ഞസത്താനം…പേ…. (൧)

നിസ്സയപച്ചയോ

൮൧. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ നിസ്സയപച്ചയേന പച്ചയോ… തീണി.

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ… തീണി.

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ…പേ… വത്ഥു ഖന്ധാനം…പേ… ഏകം മഹാഭൂതം…പേ… അസഞ്ഞസത്താനം…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു…പേ…. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – വത്ഥു ദസ്സനേന പഹാതബ്ബാനം ഖന്ധാനം നിസ്സയപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – വത്ഥു ഭാവനായ പഹാതബ്ബാനം ഖന്ധാനം നിസ്സയപച്ചയേന പച്ചയോ. (൩)

൮൨. ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ദസ്സനേന പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – ദസ്സനേന പഹാതബ്ബോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ…. (൧)

ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – ദസ്സനേന പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൨)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഭാവനായ പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – ഭാവനായ പഹാതബ്ബോ ഏകോ ഖന്ധോ ച വത്ഥു ച തിണ്ണന്നം ഖന്ധാനം നിസ്സയപച്ചയേന പച്ചയോ…പേ… ദ്വേ ഖന്ധാ…പേ…. (൧)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ നിസ്സയപച്ചയേന പച്ചയോ – ഭാവനായ പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം നിസ്സയപച്ചയേന പച്ചയോ. (൨)

ഉപനിസ്സയപച്ചയോ

൮൩. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബം രാഗം ഉപനിസ്സായ പാണം ഹനതി, അദിന്നം ആദിയതി…പേ… സങ്ഘം ഭിന്ദതി. ദസ്സനേന പഹാതബ്ബം ദോസം… മോഹം… ദിട്ഠിം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി. ദസ്സനേന പഹാതബ്ബോ രാഗോ… ദോസോ… മോഹോ… ദിട്ഠി… പത്ഥനാ ദസ്സനേന പഹാതബ്ബസ്സ രാഗസ്സ.. ദോസസ്സ… മോഹസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദസ്സനേന പഹാതബ്ബം രാഗം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി…പേ… സമാപത്തിം ഉപ്പാദേതി. ദസ്സനേന പഹാതബ്ബം ദോസം…പേ… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ദസ്സനേന പഹാതബ്ബോ രാഗോ… ദോസോ… മോഹോ… ദിട്ഠി… പത്ഥനാ സദ്ധായ…പേ… പഞ്ഞായ കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

൮൪. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബോ രാഗോ… ദോസോ… മോഹോ… മാനോ… പത്ഥനാ ഭാവനായ പഹാതബ്ബസ്സ രാഗസ്സ… ദോസസ്സ… മോഹസ്സ… മാനസ്സ… പത്ഥനായ ഉപനിസ്സയപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബം രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി. ഭാവനായ പഹാതബ്ബം ദോസം… മോഹം… മാനം… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി. ഭാവനായ പഹാതബ്ബോ രാഗോ… ദോസോ… മോഹോ… മാനോ… പത്ഥനാ ദസ്സനേന പഹാതബ്ബസ്സ രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. സകഭണ്ഡേ ഛന്ദരാഗോ പരഭണ്ഡേ ഛന്ദരാഗസ്സ ഉപനിസ്സയപച്ചയേന പച്ചയോ. സകപരിഗ്ഗഹേ ഛന്ദരാഗോ പരപരിഗ്ഗഹേ ഛന്ദരാഗസ്സ ഉപനിസ്സയപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ഭാവനായ പഹാതബ്ബം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ഭാവനായ പഹാതബ്ബം ദോസം… മോഹം… മാനം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. ഭാവനായ പഹാതബ്ബോ രാഗോ… ദോസോ… മോഹോ… മാനോ… പത്ഥനാ സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൩)

൮൫. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. സീലം… സുതം… ചാഗം… പഞ്ഞം… കായികം… സുഖം… കായികം ദുക്ഖം… ഉതും… ഭോജനം… സേനാസനം… ഉപനിസ്സായ ദാനം ദേതി…പേ… സമാപത്തിം ഉപ്പാദേതി. സദ്ധാ… സീലം… സുതം… ചാഗോ … പഞ്ഞാ… കായികം സുഖം… കായികം ദുക്ഖം… ഉതു… ഭോജനം… സേനാസനം… സദ്ധായ…പേ… പഞ്ഞായ കായികസ്സ സുഖസ്സ, കായികസ്സ ദുക്ഖസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി. സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി. സദ്ധാ…പേ… സേനാസനം ദസ്സനേന പഹാതബ്ബസ്സ രാഗസ്സ… ദോസസ്സ… മോഹസ്സ… ദിട്ഠിയാ… പത്ഥനായ ഉപനിസ്സയപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി. സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം… ഉപനിസ്സായ മാനം ജപ്പേതി. സദ്ധാ…പേ… പഞ്ഞാ… കായികം സുഖം… കായികം ദുക്ഖം… ഉതു… ഭോജനം… സേനാസനം ഭാവനായ പഹാതബ്ബസ്സ രാഗസ്സ… ദോസസ്സ… മോഹസ്സ… മാനസ്സ… പത്ഥനായ ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൮൬. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി, സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും…പേ… ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവദസ്സനേന നഭാവനായ പഹാതബ്ബാനം ഖന്ധാനം പുരേജാതപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി…പേ… വത്ഥും അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ദസ്സനേന പഹാതബ്ബാനം ഖന്ധാനം പുരേജാതപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അസ്സാദേതി അഭിനന്ദതി; തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി… ഉദ്ധച്ചം ഉപ്പജ്ജതി… ഭാവനായ പഹാതബ്ബം ദോമനസ്സം ഉപ്പജ്ജതി, സോതം…പേ… കായം… രൂപേ…പേ… ഫോട്ഠബ്ബേ… വത്ഥും അസ്സാദേതി അഭിനന്ദതി; തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി. വത്ഥുപുരേജാതം – വത്ഥു ഭാവനായ പഹാതബ്ബാനം ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൮൭. ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ദസ്സനേന പഹാതബ്ബാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ഭാവനായ പഹാതബ്ബാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നേവദസ്സനേന നഭാവനായ പഹാതബ്ബാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൮൮. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ ദസ്സനേന പഹാതബ്ബാ ഖന്ധാ പച്ഛിമാനം പച്ഛിമാനം…പേ… ആസേവനപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ ഭാവനായ പഹാതബ്ബാ ഖന്ധാ പച്ഛിമാനം പച്ഛിമാനം…പേ… ആസേവനപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ നേവദസ്സനേന നഭാവനായ പഹാതബ്ബാ ഖന്ധാ പച്ഛിമാനം പച്ഛിമാനം…പേ… ആസേവനപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

കമ്മപച്ചയോ

൮൯. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ദസ്സനേന പഹാതബ്ബാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – ദസ്സനേന പഹാതബ്ബാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ കമ്മപച്ചയേന പച്ചയോ – ദസ്സനേന പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ കമ്മപച്ചയേന പച്ചയോ – ഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നേവദസ്സനേന നഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ നേവദസ്സനേന നഭാവനായ പഹാതബ്ബാ ചേതനാ സമ്പയുത്തകാനം ഖന്ധാനം കടത്താ ച രൂപാനം…പേ…. നാനാക്ഖണികാ – നേവദസ്സനേന നഭാവനായ പഹാതബ്ബാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൯൦. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ വിപാകപച്ചയേന പച്ചയോ – വിപാകോ നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… പടിസന്ധിക്ഖണേ…പേ… ഖന്ധാ വത്ഥുസ്സ വിപാകപച്ചയേന പച്ചയോ.

ആഹാരപച്ചയാദി

൯൧. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആഹാരപച്ചയേന പച്ചയോ (സംഖിത്തം) കബളീകാരോ… സത്ത പഞ്ഹാ… ഇന്ദ്രിയപച്ചയേന പച്ചയോ… ചക്ഖുന്ദ്രിയഞ്ച…പേ… രൂപജീവിതിന്ദ്രിയഞ്ച …പേ… സത്ത പഞ്ഹാ ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ.

വിപ്പയുത്തപച്ചയോ

൯൨. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ദസ്സനേന പഹാതബ്ബാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (ഇദമ്പി ദസ്സനേന സദിസം).

നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നേവദസ്സനേന നഭാവനായ പഹാതബ്ബാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പടിസന്ധിക്ഖണേ നേവദസ്സനേന നഭാവനായ പഹാതബ്ബാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ, ഖന്ധാ വത്ഥുസ്സ വിപ്പയുത്തപച്ചയേന പച്ചയോ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവദസ്സനേന നഭാവനായ പഹാതബ്ബാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നേവദസ്സനേന നഭാവനായ പഹാതബ്ബാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – പുരേജാതം വത്ഥു ദസ്സനേന പഹാതബ്ബാനം ഖന്ധാനം വിപ്പയുത്തപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ വിപ്പയുത്തപച്ചയേന പച്ചയോ – പുരേജാതം വത്ഥു ഭാവനായ പഹാതബ്ബാനം ഖന്ധാനം വിപ്പയുത്തപച്ചയേന പച്ചയോ. (൩)

അത്ഥിപച്ചയോ

൯൩. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – ദസ്സനേന പഹാതബ്ബോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ദസ്സനേന പഹാതബ്ബാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ അത്ഥിപച്ചയേന പച്ചയോ – ദസ്സനേന പഹാതബ്ബോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം…പേ… ദ്വേ ഖന്ധാ…പേ…. (൩)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ… തീണി (ദസ്സനേന സദിസം കാതബ്ബം).

൯൪. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നേവദസ്സനേന നഭാവനായ പഹാതബ്ബോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… പടിസന്ധിക്ഖണേ…പേ… ഖന്ധാ വത്ഥുസ്സ…പേ… വത്ഥു ഖന്ധാനം അത്ഥിപച്ചയേന പച്ചയോ; ഏകം മഹാഭൂതം…പേ… അസഞ്ഞസത്താനം ഏകം മഹാഭൂതം…പേ…. പുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി, സോതം…പേ… കായം… രൂപേ…പേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നേവദസ്സനേന നഭാവനായ പഹാതബ്ബാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – നേവദസ്സനേന നഭാവനായ പഹാതബ്ബാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ…പേ… രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – പുരേജാതം ചക്ഖും അസ്സാദേതി അഭിനന്ദതി; തം ആരബ്ഭ ദസ്സനേന പഹാതബ്ബോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ദസ്സനേന പഹാതബ്ബം ദോമനസ്സം ഉപ്പജ്ജതി, സോതം…പേ… വത്ഥും അസ്സാദേതി…പേ… വത്ഥു ദസ്സനേന പഹാതബ്ബാനം ഖന്ധാനം അത്ഥിപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – പുരേജാതം ചക്ഖും അസ്സാദേതി അഭിനന്ദതി; തം ആരബ്ഭ ഭാവനായ പഹാതബ്ബോ രാഗോ ഉപ്പജ്ജതി, ഉദ്ധച്ചം ഉപ്പജ്ജതി, ഭാവനായ പഹാതബ്ബം ദോമനസ്സം ഉപ്പജ്ജതി, സോതം…പേ… വത്ഥും അസ്സാദേതി അഭിനന്ദതി…പേ… വത്ഥു ഭാവനായ പഹാതബ്ബാനം ഖന്ധാനം അത്ഥിപച്ചയേന പച്ചയോ. (൩)

൯൫. ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ദസ്സനേന പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദസ്സനേന പഹാതബ്ബോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച വത്ഥു ച…പേ…. (൧)

ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – ദസ്സനേന പഹാതബ്ബാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ദസ്സനേന പഹാതബ്ബാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഭാവനായ പഹാതബ്ബസ്സ…പേ… (ദ്വേ പഞ്ഹാ കാതബ്ബാ).

നത്ഥിവിഗതാവിഗതപച്ചയാ

൯൬. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.