൮. ദസ്സനേനപഹാതബ്ബത്തികം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൨)

ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨. ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൨)

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – ഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൩. നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം, ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

൪. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ആരമ്മണപച്ചയോ

൫. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. വത്ഥും പടിച്ച ഖന്ധാ. (൧)

അധിപതിപച്ചയോ

൬. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി അധിപതിപച്ചയാ… തീണി.

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി അധിപതിപച്ചയാ… തീണി.

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി അധിപതിപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

൭. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി അധിപതിപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി അധിപതിപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തര-സമനന്തരപച്ചയാ

൮. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ (ആരമ്മണസദിസം).

സഹജാതപച്ചയോ

൯. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി സഹജാതപച്ചയാ… തീണി.

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ… തീണി.

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ…പേ… ഏകം മഹാഭൂതം പടിച്ച…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

൧൦. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം.

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അഞ്ഞമഞ്ഞപച്ചയോ

൧൧. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി അഞ്ഞമഞ്ഞപച്ചയാ… ഏകം.

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ… ഏകം.

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി അഞ്ഞമഞ്ഞപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ വത്ഥു ച…പേ… ദ്വേ ഖന്ധേ പടിച്ച ദ്വേ ഖന്ധാ വത്ഥു ച, ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… ദ്വേ മഹാഭൂതേ പടിച്ച ദ്വേ മഹാഭൂതാ.

നിസ്സയപച്ചയാദി

൧൨. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നിസ്സയപച്ചയാ… (ഹേതുപച്ചയസദിസം) ഉപനിസ്സയപച്ചയാ… തീണി… പുരേജാതപച്ചയാ… തീണി (പടിസന്ധി നത്ഥി)… ആസേവനപച്ചയാ… (വിപാകപടിസന്ധി നത്ഥി) കമ്മപച്ചയാ (പരിപുണ്ണം. അജ്ഝത്തികാ ച അസഞ്ഞസത്താനഞ്ച മഹാഭൂതാ).

വിപാകപച്ചയോ

൧൩. നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി വിപാകപച്ചയാ – വിപാകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

ആഹാരപച്ചയാദി

൧൪. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി ആഹാരപച്ചയാ (പരിപുണ്ണം, അജ്ഝത്തികാ മഹാഭൂതാ ച ആഹാരസമുട്ഠാനഞ്ച)… ഇന്ദ്രിയപച്ചയാ (കമ്മപച്ചയസദിസം)… ഝാനപച്ചയാ… മഗ്ഗപച്ചയാ (ഹേതുപച്ചയസദിസം)… സമ്പയുത്തപച്ചയാ (ആരമ്മണപച്ചയസദിസം)… വിപ്പയുത്തപച്ചയാ (കുസലത്തികേ വിപ്പയുത്തപച്ചയസദിസം)… അത്ഥിപച്ചയാ (സഹജാതപച്ചയസദിസം)… നത്ഥിപച്ചയാ… വിഗതപച്ചയാ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൧൫. ഹേതുയാ നവ, ആരമ്മണേ തീണി, അധിപതിയാ നവ, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ തീണി, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ നവ, വിപാകേ ഏകം, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ (ഇമാനി പദാനി അനുമജ്ജന്തേന അനുലോമം ഗണേതബ്ബം).

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൧൬. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ പടിച്ച വിചികിച്ഛാസഹഗതോ മോഹോ. (൧)

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ പടിച്ച ഉദ്ധച്ചസഹഗതോ മോഹോ. (൧)

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – അഹേതുകം നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച…പേ… അഹേതുകപടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച കടത്താരൂപം ഉപാദാരൂപം. (൧)

നആരമ്മണപച്ചയോ

൧൭. ദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൧)

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – നേവദസ്സനേന നഭാവനായ പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

൧൮. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയാദി

൧൯. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നഅധിപതിപച്ചയാ… (പരിപുണ്ണം ഹേതുപച്ചയസദിസം) നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

നപുരേജാതപച്ചയോ

൨൦. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – അരൂപേ ദസ്സനേന പഹാതബ്ബം ഏകം ഖന്ധം പടിച്ച തയോ ഖന്ധാ…പേ…. (൧)

ദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ദസ്സനേന പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൨)

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ…പേ… അരൂപേ ഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

ഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ…പേ… ഭാവനായ പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. (൨)

൨൧. നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – അരൂപേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ, നേവദസ്സനേന നഭാവനായ പഹാതബ്ബേ ഖന്ധേ പടിച്ച ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം, ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ…പേ… ദസ്സനേന പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നപച്ഛാജാതപച്ചയാദി

൨൨. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ.

നകമ്മപച്ചയോ

൨൩. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബേ ഖന്ധേ പടിച്ച ദസ്സനേന പഹാതബ്ബാ ചേതനാ. (൧)

ഭാവനായ പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി നകമ്മപച്ചയാ – ഭാവനായ പഹാതബ്ബേ ഖന്ധേ പടിച്ച ഭാവനായ പഹാതബ്ബാ ചേതനാ. (൧)

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നകമ്മപച്ചയാ – നേവദസ്സനേന നഭാവനായ പഹാതബ്ബേ ഖന്ധേ പടിച്ച നേവദസ്സനേന നഭാവനായ പഹാതബ്ബാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

നവിപാകപച്ചയോ

൨൪. ദസ്സനേന പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി നവിപാകപച്ചയാ (നഅധിപതിപച്ചയസദിസം, പടിസന്ധി നത്ഥി).

നആഹാരപച്ചയോ

൨൫. നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ….

നഇന്ദ്രിയപച്ചയോ

൨൬. നേവദസ്സനേന നഭാവനായ പഹാതബ്ബം…പേ… നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാന… ഏകം മഹാഭൂതം…പേ… അസഞ്ഞസത്താനം മഹാഭൂതേ പടിച്ച രൂപജീവിതിന്ദ്രിയം.

നഝാനപച്ചയോ

൨൭. നേവദസ്സനേന നഭാവനായ പഹാതബ്ബം ധമ്മം…പേ… നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. ഉതുസമുട്ഠാനം, അസഞ്ഞസത്താനം ഏകം മഹാഭൂതം…പേ….

നമഗ്ഗപച്ചയോ

൨൮. നേവദസ്സനേന നഭാവനായ പഹാതബ്ബം…പേ… നമഗ്ഗപച്ചയാ – അഹേതുകം നേവദസ്സനേന നഭാവനായ പഹാതബ്ബം…പേ… അഹേതുകപടിസന്ധിക്ഖണേ…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ….

നസമ്പയുത്തപച്ചയോ

൨൯. ദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നസമ്പയുത്തപച്ചയാ (നആരമ്മണസദിസം).

നവിപ്പയുത്തപച്ചയോ

൩൦. ദസ്സനേന പഹാതബ്ബം…പേ… നവിപ്പയുത്തപച്ചയാ – അരൂപേ ദസ്സനേന പഹാതബ്ബം ഏകം ഖന്ധം പടിച്ച…പേ…. (൧)

ഭാവനായ പഹാതബ്ബം…പേ… നവിപ്പയുത്തപച്ചയാ – അരൂപേ ഭാവനായ പഹാതബ്ബം ഏകം ഖന്ധം…പേ…. (൧)

നേവദസ്സനേന നഭാവനായ പഹാതബ്ബം…പേ… നവിപ്പയുത്തപച്ചയാ – അരൂപേ നേവദസ്സനേന നഭാവനായ പഹാതബ്ബം ഏകം ഖന്ധം പടിച്ച…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

നോനത്ഥി-നോവിഗതപച്ചയാ

൩൧. ദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ…പേ… നോനത്ഥിപച്ചയാ… നോവിഗതപച്ചയാ (നആരമ്മണസദിസം).

൨. പച്ചയപച്ചനീയം

൨. സങ്ഖ്യാവാരോ

൩൨. നഹേതുയാ തീണി, നആരമ്മണേ പഞ്ച, നഅധിപതിയാ നവ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച.

(ഞത്വാ ഗണേതബ്ബം.)

പച്ചനീയം.

൩. പച്ചയാനുലോമപച്ചനീയം

ഹേതുദുകം

൩൩. ഹേതുപച്ചയാ നആരമ്മണേ പഞ്ച, നഅധിപതിയാ നവ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച.

(ഏവം അനുമജ്ജന്തേന ഗണേതബ്ബം.)

അനുലോമപച്ചനീയം.

൪. പച്ചയപച്ചനീയാനുലോമം

നഹേതുദുകം

൩൪. നഹേതുപച്ചയാ ആരമ്മണേ തീണി, അനന്തരേ തീണി, സമനന്തരേ തീണി, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ ദ്വേ, സമ്പയുത്തേ തീണി, വിപ്പയുത്തേ തീണി, അത്ഥിയാ തീണി, നത്ഥിയാ തീണി, വിഗതേ തീണി, അവിഗതേ തീണി.

(ഏവം അനുമജ്ജന്തേന ഗണേതബ്ബം.)

പച്ചനീയാനുലോമം.

പടിച്ചവാരോ.

൨. സഹജാതവാരോ

൧-൪. പച്ചയാനുലോമാദി

൩൫. ദസ്സനേന പഹാതബ്ബം ധമ്മം സഹജാതോ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബം ഏകം ഖന്ധം സഹജാതാ തയോ ഖന്ധാ…പേ… ദ്വേ ഖന്ധേ സഹജാതാ…പേ….

(സഹജാതവാരോ പടിച്ചവാരസദിസോ.)

൩. പച്ചയവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൩൬. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

ഭാവനായ പഹാതബ്ബം ധമ്മം പച്ചയാ ഭാവനായ… തീണി.

൩൭. നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ കടത്താ ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ. ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം. വത്ഥും പച്ചയാ നേവദസ്സനേന നഭാവനായ പഹാതബ്ബാ ഖന്ധാ. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബാ ഖന്ധാ. (൨)

നേവദസ്സനേന നഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ ഭാവനായ പഹാതബ്ബാ ഖന്ധാ. (൩)

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ദസ്സനേന പഹാതബ്ബാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം. (൪)

നേവദസ്സനേന നഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ ഭാവനായ പഹാതബ്ബാ ഖന്ധാ; മഹാഭൂതേ പച്ചയാ ചിത്തസമുട്ഠാനം രൂപം. (൫)

൩൮. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – ദസ്സനേന പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

൩൯. ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച…പേ…. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ – ഭാവനായ പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച…പേ… ഭാവനായ പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

ആരമ്മണപച്ചയോ

൪൦. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

ഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ…. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ…. പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ നേവദസ്സനേന നഭാവനായ പഹാതബ്ബാ ഖന്ധാ. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ ദസ്സനേന പഹാതബ്ബാ ഖന്ധാ. (൨)

നേവദസ്സനേന നഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ ഭാവനായ പഹാതബ്ബാ ഖന്ധാ. (൩)

൪൧. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ദസ്സനേന പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ…പേ…. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ – ഭാവനായ പഹാതബ്ബം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

അധിപതിപച്ചയാദി

൪൨. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി അധിപതിപച്ചയാ… (പരിപുണ്ണം, പടിസന്ധി നത്ഥി) അനന്തരപച്ചയാ… സമനന്തരപച്ചയാ (ആരമ്മണസദിസം).

സഹജാതപച്ചയോ

ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി സഹജാതപച്ചയാ – ദസ്സനേന പഹാതബ്ബം ഏകം ഖന്ധം… തീണി.

ഭാവനായ പഹാതബ്ബം ധമ്മം പച്ചയാ… തീണി.

൪൩. നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി സഹജാതപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ നേവദസ്സനേന നഭാവനായ പഹാതബ്ബാ ഖന്ധാ.

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി സഹജാതപച്ചയാ (അവസേസാ ഹേതുപച്ചയസദിസാ).

അഞ്ഞമഞ്ഞപച്ചയാദി

൪൪. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ (പടിസന്ധി നത്ഥി)… ആസേവനപച്ചയാ… (പടിസന്ധി നത്ഥി, വിപാകഞ്ച) കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

൪൫. ഹേതുയാ സത്തരസ, ആരമ്മണേ സത്ത, അധിപതിയാ സത്തരസ, അനന്തരേ സത്ത, സമനന്തരേ സത്ത, സഹജാതേ സത്തരസ, അഞ്ഞമഞ്ഞേ സത്ത, നിസ്സയേ സത്തരസ, ഉപനിസ്സയേ സത്ത, പുരേജാതേ സത്ത, ആസേവനേ സത്ത, കമ്മേ സത്തരസ, വിപാകേ ഏകം, ആഹാരേ സത്തരസ, ഇന്ദ്രിയേ സത്തരസ, ഝാനേ സത്തരസ, മഗ്ഗേ സത്തരസ, സമ്പയുത്തേ സത്ത, വിപ്പയുത്തേ സത്തരസ, അത്ഥിയാ സത്തരസ, നത്ഥിയാ സത്ത, വിഗതേ സത്ത, അവിഗതേ സത്തരസ (ഏവം ഗണേതബ്ബം).