൧. പച്ചയാനുലോമം

൨. സങ്ഖ്യാവാരോ

൯൭. ഹേതുയാ സത്ത, ആരമ്മണേ അട്ഠ, അധിപതിയാ ദസ, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ അട്ഠ, പുരേജാതേ തീണി, പച്ഛാജാതേ തീണി, ആസേവനേ തീണി, കമ്മേ സത്ത, വിപാകേ ഏകം, ആഹാരേ സത്ത, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ സത്ത, വിഗതേ സത്ത, അവിഗതേ തേരസ (ഏവം ഗണേതബ്ബം).

അനുലോമം.

പച്ചനീയുദ്ധാരോ

൯൮. ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ദസ്സനേന പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

ദസ്സനേന പഹാതബ്ബോ ധമ്മോ ദസ്സനേന പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ സഹജാതപച്ചയേന പച്ചയോ. (൩)

൯൯. ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൨)

ഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൩)

ഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ച നേവദസ്സനേന നഭാവനായ പഹാതബ്ബസ്സ ച ധമ്മസ്സ സഹജാതപച്ചയേന പച്ചയോ. (൪)

൧൦൦. നേവദസ്സനേന നഭാവനായ പഹാതബ്ബോ ധമ്മോ നേവദസ്സനേന നഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

നേവദസ്സനേന നഭാവനായ പഹാതബ്ബോ ധമ്മോ ദസ്സനേന പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നേവദസ്സനേന നഭാവനായ പഹാതബ്ബോ ധമ്മോ ഭാവനായ പഹാതബ്ബസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൧൦൧. ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ദസ്സനേന പഹാതബ്ബസ്സ ധമ്മസ്സ സഹജാതം, പുരേജാതം. (൧)

ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഭാവനായ പഹാതബ്ബസ്സ ധമ്മസ്സ സഹജാതം, പുരേജാതം. (൧)

ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ നേവദസ്സനേന നഭാവനായ പഹാതബ്ബസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)