൨. സങ്ഖ്യാവാരോ

സുദ്ധം

൩൧. ഹേതുയാ സത്ത, ആരമ്മണേ ഛ, അധിപതിയാ അട്ഠ, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ അട്ഠ, പുരേജാതേ തീണി, പച്ഛാജാതേ തീണി, ആസേവനേ തീണി, കമ്മേ സത്ത, വിപാകേ ചത്താരി, ആഹാരേ സത്ത, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ സത്ത, വിഗതേ സത്ത, അവിഗതേ തേരസ.

ഹേതുസഭാഗം

ഹേതുപച്ചയാ അധിപതിയാ ചത്താരി, സഹജാതേ സത്ത, അഞ്ഞമഞ്ഞേ തീണി, നിസ്സയേ സത്ത, വിപാകേ ചത്താരി, ഇന്ദ്രിയേ ചത്താരി, മഗ്ഗേ ചത്താരി, സമ്പയുത്തേ തീണി, വിപ്പയുത്തേ തീണി, അത്ഥിയാ സത്ത, അവിഗതേ സത്ത.

ഹേതുസാമഞ്ഞഘടനാ (൯)

൩൨. ഹേതു-സഹജാത-നിസ്സയ-അത്ഥി-അവിഗതന്തി സത്ത. ഹേതു-സഹജാത-അഞ്ഞമഞ്ഞ-നിസ്സയഅത്ഥി-അവിഗതന്തി തീണി. ഹേതു-സഹജാത-അഞ്ഞമഞ്ഞ-നിസ്സയ-സമ്പയുത്ത-അത്ഥി-അവിഗതന്തി തീണി. ഹേതു-സഹജാത-നിസ്സയ-വിപ്പയുത്ത-അത്ഥി-അവിഗതന്തി തീണി. (അവിപാകം – ൪)

ഹേതു-സഹജാത-നിസ്സയ-വിപാക-അത്ഥി-അവിഗതന്തി ചത്താരി. ഹേതു-സഹജാത-അഞ്ഞമഞ്ഞനിസ്സയ-വിപാക-അത്ഥി-അവിഗതന്തി ദ്വേ. ഹേതു-സഹജാത-അഞ്ഞമഞ്ഞ-നിസ്സയ-വിപാകസമ്പയുത്ത-അത്ഥി-അവിഗതന്തി ദ്വേ. ഹേതു-സഹജാത-നിസ്സയ-വിപാക-വിപ്പയുത്ത-അത്ഥി-അവിഗതന്തി ദ്വേ. ഹേതു-സഹജാത-അഞ്ഞമഞ്ഞ-നിസ്സയ-വിപാക-വിപ്പയുത്ത-അത്ഥി-അവിഗതന്തി ഏകം. (സവിപാകം – ൫) (സംഖിത്തം.)

(യഥാ കുസലത്തികേ, ഏവം വിത്ഥാരേതബ്ബം).

അനുലോമം.

പച്ചനീയുദ്ധാരോ

൩൩. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ. (൩)

സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ച അസംകിലിട്ഠസംകിലേസികസ്സ ച ധമ്മസ്സ സഹജാതപച്ചയേന പച്ചയോ. (൪)

൩൪. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ സഹജാതപച്ചയേന പച്ചയോ. (൩)

അസംകിലിട്ഠസംകിലേസികോ ച അസംകിലിട്ഠഅസംകിലേസികോ ച ധമ്മാ അസംകിലിട്ഠസംകിലേസികസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൧)

അസംകിലിട്ഠസംകിലേസികോ ച അസംകിലിട്ഠഅസംകിലേസികോ ച ധമ്മാ അസംകിലിട്ഠഅസംകിലേസികസ്സ ധമ്മസ്സ സഹജാതം, പുരേജാതം. (൨)

സംകിലിട്ഠസംകിലേസികോ ച അസംകിലിട്ഠസംകിലേസികോ ച ധമ്മാ സംകിലിട്ഠസംകിലേസികസ്സ ധമ്മസ്സ സഹജാതം, പുരേജാതം. (൧)

സംകിലിട്ഠസംകിലേസികോ ച അസംകിലിട്ഠസംകിലേസികോ ച ധമ്മാ അസംകിലിട്ഠസംകിലേസികസ്സ ധമ്മസ്സ സഹജാതം, പച്ഛാജാതം, ആഹാരം, ഇന്ദ്രിയം. (൨)