൫. സംകിലിട്ഠത്തികം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. സംകിലിട്ഠസംകിലേസികം ധമ്മം പടിച്ച സംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – സംകിലിട്ഠസംകിലേസികം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

സംകിലിട്ഠസംകിലേസികം ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – സംകിലിട്ഠസംകിലേസികേ ഖന്ധേ പടിച്ച ചിത്തസമുട്ഠാനം രൂപം. (൨)

സംകിലിട്ഠസംകിലേസികം ധമ്മം പടിച്ച സംകിലിട്ഠസംകിലേസികോ ച അസംകിലിട്ഠസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ – സംകിലിട്ഠസംകിലേസികം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

അസംകിലിട്ഠസംകിലേസികം ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – അസംകിലിട്ഠസംകിലേസികം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ അസംകിലിട്ഠസംകിലേസികം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം; ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

൨. അസംകിലിട്ഠഅസംകിലേസികം ധമ്മം പടിച്ച അസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ – അസംകിലിട്ഠഅസംകിലേസികം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

അസംകിലിട്ഠഅസംകിലേസികം ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – അസംകിലിട്ഠഅസംകിലേസികേ ഖന്ധേ പടിച്ച ചിത്തസമുട്ഠാനം രൂപം. (൨)

അസംകിലിട്ഠഅസംകിലേസികം ധമ്മം പടിച്ച അസംകിലിട്ഠസംകിലേസികോ ച അസംകിലിട്ഠഅസംകിലേസികോ ച ധമ്മാ ഉപ്പജ്ജന്തി ഹേതുപച്ചയാ – അസംകിലിട്ഠഅസംകിലേസികം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

അസംകിലിട്ഠസംകിലേസികഞ്ച അസംകിലിട്ഠഅസംകിലേസികഞ്ച ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – അസംകിലിട്ഠഅസംകിലേസികേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

സംകിലിട്ഠസംകിലേസികഞ്ച അസംകിലിട്ഠസംകിലേസികഞ്ച ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ – സംകിലിട്ഠസംകിലേസികേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം (സംഖിത്തം). (൧)

൧. പച്ചയാനുലോമം

൨. സങ്ഖ്യാവാരോ

൩. ഹേതുയാ നവ, ആരമ്മണേ തീണി, അധിപതിയാ നവ, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ തീണി, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ നവ, വിപാകേ പഞ്ച, ആഹാരേ നവ…പേ… മഗ്ഗേ നവ, സമ്പയുത്തേ തീണി, വിപ്പയുത്തേ നവ…പേ… അവിഗതേ നവ (സംഖിത്തം.)

(യഥാ കുസലത്തികേ വിഭത്തം, ഏവം വിഭജിതബ്ബം.)

൨. പച്ചയപച്ചനീയം

നഹേതുപച്ചയോ

൪. സംകിലിട്ഠസംകിലേസികം ധമ്മം പടിച്ച സംകിലിട്ഠസംകിലേസികോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അസംകിലിട്ഠസംകിലേസികം ധമ്മം പടിച്ച അസംകിലിട്ഠസംകിലേസികോ ധമ്മോ ഉപ്പജ്ജതി നഹേതുപച്ചയാ – അഹേതുകം അസംകിലിട്ഠസംകിലേസികം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… അഹേതുകപടിസന്ധിക്ഖണേ…പേ… അസഞ്ഞസത്താനം ഏകം മഹാഭൂതം. (സംഖിത്തം.) (൧)

(യഥാ കുസലത്തികേ വിഭത്തം, ഏവം വിഭജിതബ്ബം.)

സുദ്ധം

൫. നഹേതുയാ ദ്വേ, നആരമ്മണേ പഞ്ച, നഅധിപതിയാ ഛ, നഅനന്തരേ പഞ്ച…പേ… നഉപനിസ്സയേ പഞ്ച, നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം…പേ… നമഗ്ഗേ ഏകം, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച. (സംഖിത്തം.)

൩. പച്ചയാനുലോമപച്ചനീയം

ഹേതുദുകം

൬. ഹേതുപച്ചയാ നആരമ്മണേ പഞ്ച, നഅധിപതിയാ ഛ…പേ… നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച. (സംഖിത്തം.)

൪. പച്ചയപച്ചനീയാനുലോമം

നഹേതുദുകം

൭. നഹേതുപച്ചയാ ആരമ്മണേ ദ്വേ…പേ… വിപാകേ ഏകം…പേ… മഗ്ഗേ ഏകം…പേ… അവിഗതേ ദ്വേ. (സംഖിത്തം.)

പടിച്ചവാരോ.

൨-൬ സഹജാത-പച്ചയ-നിസ്സയ-സംസട്ഠ-സമ്പയുത്തവാരോ

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി വിത്ഥാരേതബ്ബോ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൮. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ഹേതുപച്ചയേന പച്ചയോ – സംകിലിട്ഠസംകിലേസികാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഹേതുപച്ചയേന പച്ചയോ – സംകിലിട്ഠസംകിലേസികാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ച അസംകിലിട്ഠസംകിലേസികസ്സ ച ധമ്മസ്സ ഹേതുപച്ചയേന പച്ചയോ – സംകിലിട്ഠസംകിലേസികാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഹേതുപച്ചയേന പച്ചയോ – അസംകിലിട്ഠസംകിലേസികാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ അസംകിലിട്ഠസംകിലേസികാ ഹേതൂ സമ്പയുത്തകാനം ഖന്ധാനം കടത്താ ച രൂപാനം ഹേതുപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഹേതുപച്ചയേന പച്ചയോ – അസംകിലിട്ഠഅസംകിലേസികാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഹേതുപച്ചയേന പച്ചയോ – അസംകിലിട്ഠഅസംകിലേസികാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ ഹേതുപച്ചയേന പച്ചയോ – അസംകിലിട്ഠഅസംകിലേസികാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൯. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ – രാഗം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി, ദോമനസ്സം ഉപ്പജ്ജതി. ദിട്ഠിം അസ്സാദേതി…പേ… വിചികിച്ഛം ആരബ്ഭ…പേ… ഉദ്ധച്ചം ആരബ്ഭ…പേ… ദോമനസ്സം ആരബ്ഭ…പേ…. (൧)

(യഥാ കുസലത്തികേ വിഭത്തം, ഏവം വിഭജിതബ്ബം.)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ – അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, സംകിലിട്ഠസംകിലേസികേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, ചേതോപരിയഞാണേന സംകിലിട്ഠസംകിലേസികചിത്തസമങ്ഗിസ്സ ചിത്തം ജാനന്തി; സേക്ഖാ വാ പുഥുജ്ജനാ വാ സംകിലിട്ഠസംകിലേസികേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി, കുസലേ നിരുദ്ധേ വിപാകോ തദാരമ്മണതാ ഉപ്പജ്ജതി; സംകിലിട്ഠസംകിലേസികേ ഖന്ധേ അസ്സാദേന്തി അഭിനന്ദന്തി…പേ… ദോമനസ്സം ഉപ്പജ്ജതി, അകുസലേ നിരുദ്ധേ വിപാകോ തദാരമ്മണതാ ഉപ്പജ്ജതി. സംകിലിട്ഠസംകിലേസികാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൧൦. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി; ഝാനാ വുട്ഠഹിത്വാ ഝാനം പച്ചവേക്ഖതി, അരിയാ ഗോത്രഭും പച്ചവേക്ഖന്തി, വോദാനം പച്ചവേക്ഖന്തി, ചക്ഖും അനിച്ചതോ ദുക്ഖതോ അനത്തതോ വിപസ്സന്തി; സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും അസംകിലിട്ഠസംകിലേസികേ ഖന്ധേ അനിച്ചതോ ദുക്ഖതോ അനത്തതോ വിപസ്സന്തി; ദിബ്ബേന ചക്ഖുനാ രൂപം പസ്സന്തി, ദിബ്ബായ സോതധാതുയാ സദ്ദം സുണന്തി, ചേതോപരിയഞാണേന അസംകിലിട്ഠസംകിലേസികചിത്തസമങ്ഗിസ്സ ചിത്തം ജാനന്തി. ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. രൂപായതനം ചക്ഖുവിഞ്ഞാണസ്സ ആരമ്മണപച്ചയേന പച്ചയോ…പേ… ഫോട്ഠബ്ബായതനം കായവിഞ്ഞാണസ്സ ആരമ്മണപച്ചയേന പച്ചയോ. അസംകിലിട്ഠസംകിലേസികാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി അസ്സാദേതി…പേ… ഝാനാ വുട്ഠഹിത്വാ ഝാനം അസ്സാദേതി…പേ… ചക്ഖും അസ്സാദേതി. ഫോട്ഠബ്ബേ… വത്ഥും… അസംകിലിട്ഠസംകിലേസികേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി… ദോമനസ്സം ഉപ്പജ്ജതി. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം മഗ്ഗസ്സ, ഫലസ്സ ആരമ്മണപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ – അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, ആവജ്ജനായ ആരമ്മണപച്ചയേന പച്ചയോ. അരിയാ ചേതോപരിയഞാണേന അസംകിലിട്ഠഅസംകിലേസികചിത്തസമങ്ഗിസ്സ ചിത്തം ജാനന്തി. അസംകിലിട്ഠഅസംകിലേസികാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

അധിപതിപച്ചയോ

൧൧. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; ദിട്ഠിം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സംകിലിട്ഠസംകിലേസികാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സംകിലിട്ഠസംകിലേസികാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ച അസംകിലിട്ഠസംകിലേസികസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സംകിലിട്ഠസംകിലേസികാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൧൨. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, സേക്ഖാ ഗോത്രഭും ഗരും കത്വാ പച്ചവേക്ഖന്തി, വോദാനം ഗരും കത്വാ പച്ചവേക്ഖന്തി. സഹജാതാധിപതി – അസംകിലിട്ഠസംകിലേസികാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ സുചിണ്ണാനി ഗരും കത്വാ അസ്സാദേതി അഭിനന്ദതി…പേ… ഝാനാ വുട്ഠഹിത്വാ ഝാനം ഗരും കത്വാ അസ്സാദേതി അഭിനന്ദതി…പേ… ചക്ഖും ഗരും കത്വാ അസ്സാദേതി അഭിനന്ദതി…പേ… ഫോട്ഠബ്ബേ…പേ… വത്ഥും അസംകിലിട്ഠസംകിലേസികേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – നിബ്ബാനം മഗ്ഗസ്സ, ഫലസ്സ അധിപതിപച്ചയേന പച്ചയോ. സഹജാതാധിപതി – അസംകിലിട്ഠഅസംകിലേസികാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി, നിബ്ബാനം ഗരും കത്വാ പച്ചവേക്ഖന്തി, നിബ്ബാനം ഗോത്രഭുസ്സ, വോദാനസ്സ അധിപതിപച്ചയേന പച്ചയോ. സഹജാതാധിപതി – അസംകിലിട്ഠഅസംകിലേസികാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – അസംകിലിട്ഠഅസംകിലേസികാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

അനന്തരപച്ചയോ

൧൩. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സംകിലിട്ഠസംകിലേസികാ ഖന്ധാ പച്ഛിമാനം പച്ഛിമാനം സംകിലിട്ഠസംകിലേസികാനം ഖന്ധാനം അനന്തരപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അനന്തരപച്ചയേന പച്ചയോ – സംകിലിട്ഠസംകിലേസികാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അസംകിലിട്ഠസംകിലേസികാ ഖന്ധാ പച്ഛിമാനം പച്ഛിമാനം അസംകിലിട്ഠസംകിലേസികാനം ഖന്ധാനം അനന്തരപച്ചയേന പച്ചയോ. അനുലോമം ഗോത്രഭുസ്സ… അനുലോമം വോദാനസ്സ… ആവജ്ജനാ അസംകിലിട്ഠസംകിലേസികാനം ഖന്ധാനം അനന്തരപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ സംകിലിട്ഠസംകിലേസികാനം ഖന്ധാനം അനന്തരപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ അനന്തരപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ … അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൩)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അസംകിലിട്ഠഅസംകിലേസികാ ഖന്ധാ പച്ഛിമാനം പച്ഛിമാനം അസംകിലിട്ഠഅസംകിലേസികാനം ഖന്ധാനം അനന്തരപച്ചയേന പച്ചയോ. മഗ്ഗോ ഫലസ്സ… ഫലം ഫലസ്സ അനന്തരപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അനന്തരപച്ചയേന പച്ചയോ – ഫലം വുട്ഠാനസ്സ അനന്തരപച്ചയേന പച്ചയോ. (൨)

സമനന്തരപച്ചയാദി

൧൪. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ സമനന്തരപച്ചയേന പച്ചയോ…പേ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ… ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ …പേ…. പകതൂപനിസ്സയോ – രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി…പേ… ദോസം ഉപനിസ്സായ പാണം ഹനതി…പേ… സങ്ഘം ഭിന്ദതി. രാഗോ…പേ… പത്ഥനാ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. പാണാതിപാതോ പാണാതിപാതസ്സ ഉപനിസ്സയപച്ചയേന പച്ചയോ…പേ… നിയതമിച്ഛാദിട്ഠി നിയതമിച്ഛാദിട്ഠിയാ ഉപനിസ്സയപച്ചയേന പച്ചയോ…പേ…. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – രാഗം ഉപനിസ്സായ ദാനം ദേതി, സീലം സമാദിയതി, ഉപോസഥകമ്മം കരോതി, ഝാനം… വിപസ്സനം… അഭിഞ്ഞം ഉപ്പാദേതി, സമാപത്തിം ഉപ്പാദേതി…പേ… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. രാഗോ…പേ… പത്ഥനാ സദ്ധായ…പേ… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. പാണം ഹന്ത്വാ തസ്സ പടിഘാതത്ഥായ ദാനം ദേതി, സീലം സമാദിയതി, ഉപോസഥകമ്മം കരോതി, ഝാനം ഉപ്പാദേതി, വിപസ്സനം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി…പേ… സങ്ഘം ഭിന്ദിത്വാ തസ്സ പടിഘാതത്ഥായ ദാനം ദേതി, സീലം സമാദിയതി, ഉപോസഥകമ്മം കരോതി. അകുസലം കമ്മം വിപാകസ്സ ഉപനിസ്സയപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – രാഗം ഉപനിസ്സായ മഗ്ഗം ഉപ്പാദേതി, ഫലസമാപത്തിം സമാപജ്ജതി. ദോസം…പേ… പത്ഥനം ഉപനിസ്സായ മഗ്ഗം ഉപ്പാദേതി, ഫലസമാപത്തിം സമാപജ്ജതി. രാഗോ…പേ… പത്ഥനാ മഗ്ഗസ്സ… ഫലസമാപത്തിയാ ഉപനിസ്സയപച്ചയേന പച്ചയോ. (൩)

൧൫. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. സീലം… സുതം… ചാഗം… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി. സദ്ധാ…പേ… സേനാസനം സദ്ധായ…പേ… കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. കുസലം കമ്മം വിപാകസ്സ ഉപനിസ്സയപച്ചയേന പച്ചയോ. പഠമസ്സ ഝാനസ്സ പരികമ്മം പഠമസ്സ ഝാനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ…. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി, സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പഠമസ്സ മഗ്ഗസ്സ പരികമ്മം പഠമസ്സ മഗ്ഗസ്സ…പേ… ദുതിയസ്സ മഗ്ഗസ്സ…പേ… തതിയസ്സ മഗ്ഗസ്സ…പേ… ചതുത്ഥസ്സ മഗ്ഗസ്സ ഉപനിസ്സയപച്ചയേന പച്ചയോ. (൩)

൧൬. അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പഠമോ മഗ്ഗോ ദുതിയസ്സ മഗ്ഗസ്സ…പേ… ദുതിയോ മഗ്ഗോ തതിയസ്സ മഗ്ഗസ്സ…പേ… തതിയോ മഗ്ഗോ ചതുത്ഥസ്സ മഗ്ഗസ്സ…പേ… മഗ്ഗോ ഫലസമാപത്തിയാ ഉപനിസ്സയപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അരിയാ മഗ്ഗം ഉപനിസ്സായ അനുപ്പന്നം സമാപത്തിം ഉപ്പാദേന്തി, ഉപ്പന്നം സമാപത്തിം സമാപജ്ജന്തി, സങ്ഖാരേ അനിച്ചതോ ദുക്ഖതോ അനത്തതോ വിപസ്സന്തി. മഗ്ഗോ അരിയാനം അത്ഥപ്പടിസമ്ഭിദായ…പേ… ഠാനാഠാനകോസല്ലസ്സ ഉപനിസ്സയപച്ചയേന പച്ചയോ. ഫലസമാപത്തി കായികസ്സ സുഖസ്സ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൧൭. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി; സോതം… ഘാനം… ജിവ്ഹം… കായം… രൂപേ… സദ്ദേ… ഗന്ധേ… രസേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥു അസംകിലിട്ഠസംകിലേസികാനം ഖന്ധാനം പുരേജാതപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. സോതം…പേ… ഫോട്ഠബ്ബേ… വത്ഥും അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു സംകിലിട്ഠസംകിലേസികാനം ഖന്ധാനം പുരേജാതപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ പുരേജാതപച്ചയേന പച്ചയോ – വത്ഥു അസംകിലിട്ഠഅസംകിലേസികാനം ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൧൮. സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ സംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അസംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അസംകിലിട്ഠഅസംകിലേസികാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൧൯. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ സംകിലിട്ഠസംകിലേസികാ ഖന്ധാ പച്ഛിമാനം പച്ഛിമാനം സംകിലിട്ഠസംകിലേസികാനം ഖന്ധാനം ആസേവനപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ…പേ… അനുലോമം ഗോത്രഭുസ്സ… അനുലോമം വോദാനസ്സ ആസേവനപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ആസേവനപച്ചയേന പച്ചയോ – ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൨)

കമ്മപച്ചയോ

൨൦. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ കമ്മപച്ചയേന പച്ചയോ – സംകിലിട്ഠസംകിലേസികാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സംകിലിട്ഠസംകിലേസികാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – സംകിലിട്ഠസംകിലേസികാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ച അസംകിലിട്ഠസംകിലേസികസ്സ ച ധമ്മസ്സ കമ്മപച്ചയേന പച്ചയോ – സംകിലിട്ഠസംകിലേസികാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അസംകിലിട്ഠസംകിലേസികാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – അസംകിലിട്ഠസംകിലേസികാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അസംകിലിട്ഠഅസംകിലേസികാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – അസംകിലിട്ഠഅസംകിലേസികാ കുസലാ ചേതനാ വിപാകാനം അസംകിലിട്ഠഅസംകിലേസികാനം ഖന്ധാനം കമ്മപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ കമ്മപച്ചയേന പച്ചയോ – സഹജാതാ അസംകിലിട്ഠഅസംകിലേസികാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ കമ്മപച്ചയേന പച്ചയോ – സഹജാതാ അസംകിലിട്ഠഅസംകിലേസികാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയോ

൨൧. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ വിപാകപച്ചയേന പച്ചയോ – വിപാകോ അസംകിലിട്ഠസംകിലേസികോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… ദ്വേ ഖന്ധാ ദ്വിന്നം ഖന്ധാനം…പേ… പടിസന്ധിക്ഖണേ അസംകിലിട്ഠസംകിലേസികോ ഏകോ ഖന്ധോ തിണ്ണന്നം ഖന്ധാനം കടത്താ ച രൂപാനം വിപാകപച്ചയേന പച്ചയോ =൧൯ …പേ… ദ്വേ ഖന്ധാ ദ്വിന്നം ഖന്ധാനം…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ വിപാകപച്ചയേന പച്ചയോ – വിപാകോ അസംകിലിട്ഠഅസംകിലേസികോ ഏകോ ഖന്ധോ തിണ്ണന്നം ഖന്ധാനം വിപാകപച്ചയേന പച്ചയോ…പേ… ദ്വേ ഖന്ധാ ദ്വിന്നം ഖന്ധാനം…പേ…. (൧)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ വിപാകപച്ചയേന പച്ചയോ – വിപാകാ അസംകിലിട്ഠഅസംകിലേസികാ ഖന്ധാ ചിത്തസമുട്ഠാനാനം രൂപാനം വിപാകപച്ചയേന പച്ചയോ. (൨) അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ വിപാകപച്ചയേന പച്ചയോ – വിപാകോ അസംകിലിട്ഠഅസംകിലേസികോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം വിപാകപച്ചയേന പച്ചയോ…പേ… ദ്വേ ഖന്ധാ…പേ…. (൩)

ആഹാരപച്ചയോ

൨൨. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആഹാരപച്ചയേന പച്ചയോ… തീണി.

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആഹാരപച്ചയേന പച്ചയോ – അസംകിലിട്ഠസംകിലേസികാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ.

അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ആഹാരപച്ചയേന പച്ചയോ… തീണി.

ഇന്ദ്രിയപച്ചയോ

൨൩. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ഇന്ദ്രിയപച്ചയേന പച്ചയോ – അസംകിലിട്ഠസംകിലേസികാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ ഇന്ദ്രിയപച്ചയേന പച്ചയോ. രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ.

അസംകിലിട്ഠഅസംകിലേസികോ ധമ്മോ… തീണി.

ഝാനപച്ചയാദി

൨൪. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ.

വിപ്പയുത്തപച്ചയോ

൨൫. സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – സംകിലിട്ഠസംകിലേസികാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – സംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – അസംകിലിട്ഠസംകിലേസികാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ അസംകിലിട്ഠസംകിലേസികാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. ഖന്ധാ വത്ഥുസ്സ…പേ… വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ വിപ്പയുത്തപച്ചയേന പച്ചയോ. വത്ഥു അസംകിലിട്ഠസംകിലേസികാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – അസംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സംകിലിട്ഠസംകിലേസികാനം ഖന്ധാനം വിപ്പയുത്തപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു അസംകിലിട്ഠഅസംകിലേസികാനം ഖന്ധാനം വിപ്പയുത്തപച്ചയേന പച്ചയോ. (൩)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – അസംകിലിട്ഠഅസംകിലേസികാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – അസംകിലിട്ഠഅസംകിലേസികാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൨൬. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സംകിലിട്ഠസംകിലേസികോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – സംകിലിട്ഠസംകിലേസികാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – സംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ച അസംകിലിട്ഠസംകിലേസികസ്സ ച ധമ്മസ്സ അത്ഥിപച്ചയേന പച്ചയോ – സംകിലിട്ഠസംകിലേസികോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൩)

൨൭. അസംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – അസംകിലിട്ഠസംകിലേസികോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… പടിസന്ധിക്ഖണേ…പേ… അസഞ്ഞസത്താനം ഏകം മഹാഭൂതം തിണ്ണന്നം മഹാഭൂതാനം അത്ഥിപച്ചയേന പച്ചയോ…പേ… പുരേജാതം – ചക്ഖും അനിച്ചതോ ദുക്ഖതോ അനത്തതോ വിപസ്സതി. സോതം…പേ… കായം… രൂപേ…പേ… ഫോട്ഠബ്ബേ… വത്ഥും അനിച്ചതോ ദുക്ഖതോ അനത്തതോ വിപസ്സതി, ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ അത്ഥിപച്ചയേന പച്ചയോ. ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു അസംകിലിട്ഠസംകിലേസികാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – അസംകിലിട്ഠസംകിലേസികാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. കബളീകാരോ ആഹാരോ ഇമസ്സ കായസ്സ…പേ… രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

അസംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ. പുരേജാതം – ചക്ഖും അസ്സാദേതി അഭിനന്ദതി; തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി; വത്ഥും അസ്സാദേതി…പേ… വത്ഥു സംകിലിട്ഠസംകിലേസികാനം ഖന്ധാനം അത്ഥിപച്ചയേന പച്ചയോ. (൨)

അസംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ അത്ഥിപച്ചയേന പച്ചയോ. പുരേജാതം – വത്ഥു അസംകിലിട്ഠഅസംകിലേസികാനം ഖന്ധാനം അത്ഥിപച്ചയേന പച്ചയോ. (൩)

൨൮. അസംകിലിട്ഠഅസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ അത്ഥിപച്ചയേന പച്ചയോ – അസംകിലിട്ഠഅസംകിലേസികോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…. (൧)

അസംകിലിട്ഠഅസംകിലേസികോ ധമ്മോ അസങ്കിലിട്ഠസംകിലിസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – അസംകിലിട്ഠഅസംകിലേസികാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അസംകിലിട്ഠഅസംകിലേസികാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

അസംകിലിട്ഠഅസംകിലേസികോ ധമ്മോ അസംകിലിട്ഠസംകിലേസികസ്സ ച അസംകിലിട്ഠഅസംകിലേസികസ്സ ച ധമ്മസ്സ അത്ഥിപച്ചയേന പച്ചയോ – അസംകിലിട്ഠഅസംകിലേസികോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…. (൩)

൨൯. അസംകിലിട്ഠസംകിലേസികോ ച അസംകിലിട്ഠഅസംകിലേസികോ ച ധമ്മാ അസംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – അസംകിലിട്ഠഅസംകിലേസികാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – അസംകിലിട്ഠഅസംകിലേസികാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – അസംകിലിട്ഠസംകിലേസികാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)

അസംകിലിട്ഠസംകിലേസികോ ച അസംകിലിട്ഠഅസംകിലേസികോ ച ധമ്മാ അസംകിലിട്ഠഅസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – അസംകിലിട്ഠഅസംകിലേസികോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ…. (൨)

സംകിലിട്ഠസംകിലേസികോ ച അസംകിലിട്ഠസംകിലേസികോ ച ധമ്മാ സംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സംകിലിട്ഠസംകിലേസികോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ… ദ്വേ ഖന്ധാ…പേ…. (൧)

സംകിലിട്ഠസംകിലേസികോ ച അസംകിലിട്ഠസംകിലേസികോ ച ധമ്മാ അസംകിലിട്ഠസംകിലേസികസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – സംകിലിട്ഠസംകിലേസികാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – സംകിലിട്ഠസംകിലേസികാ ഖന്ധാ ച കബളീകാരോ ആഹാരോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സംകിലിട്ഠസംകിലേസികാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

നത്ഥി-വിഗതാവിഗതപച്ചയാ

൩൦. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൧. ഹേതുയാ സത്ത, ആരമ്മണേ ഛ, അധിപതിയാ അട്ഠ, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ അട്ഠ, പുരേജാതേ തീണി, പച്ഛാജാതേ തീണി, ആസേവനേ തീണി, കമ്മേ സത്ത, വിപാകേ ചത്താരി, ആഹാരേ സത്ത, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ പഞ്ച, അത്ഥിയാ തേരസ, നത്ഥിയാ സത്ത, വിഗതേ സത്ത, അവിഗതേ തേരസ.

ഹേതുസഭാഗം

ഹേതുപച്ചയാ അധിപതിയാ ചത്താരി, സഹജാതേ സത്ത, അഞ്ഞമഞ്ഞേ തീണി, നിസ്സയേ സത്ത, വിപാകേ ചത്താരി, ഇന്ദ്രിയേ ചത്താരി, മഗ്ഗേ ചത്താരി, സമ്പയുത്തേ തീണി, വിപ്പയുത്തേ തീണി, അത്ഥിയാ സത്ത, അവിഗതേ സത്ത.

ഹേതുസാമഞ്ഞഘടനാ (൯)

൩൨. ഹേതു-സഹജാത-നിസ്സയ-അത്ഥി-അവിഗതന്തി സത്ത. ഹേതു-സഹജാത-അഞ്ഞമഞ്ഞ-നിസ്സയഅത്ഥി-അവിഗതന്തി തീണി. ഹേതു-സഹജാത-അഞ്ഞമഞ്ഞ-നിസ്സയ-സമ്പയുത്ത-അത്ഥി-അവിഗതന്തി തീണി. ഹേതു-സഹജാത-നിസ്സയ-വിപ്പയുത്ത-അത്ഥി-അവിഗതന്തി തീണി. (അവിപാകം – ൪)

ഹേതു-സഹജാത-നിസ്സയ-വിപാക-അത്ഥി-അവിഗതന്തി ചത്താരി. ഹേതു-സഹജാത-അഞ്ഞമഞ്ഞനിസ്സയ-വിപാക-അത്ഥി-അവിഗതന്തി ദ്വേ. ഹേതു-സഹജാത-അഞ്ഞമഞ്ഞ-നിസ്സയ-വിപാകസമ്പയുത്ത-അത്ഥി-അവിഗതന്തി ദ്വേ. ഹേതു-സഹജാത-നിസ്സയ-വിപാക-വിപ്പയുത്ത-അത്ഥി-അവിഗതന്തി ദ്വേ. ഹേതു-സഹജാത-അഞ്ഞമഞ്ഞ-നിസ്സയ-വിപാക-വിപ്പയുത്ത-അത്ഥി-അവിഗതന്തി ഏകം. (സവിപാകം – ൫) (സംഖിത്തം.)

(യഥാ കുസലത്തികേ, ഏവം വിത്ഥാരേതബ്ബം).

അനുലോമം.

പച്ചനീയുദ്ധാരോ

൩൩. സംകിലിട്ഠസംകിലേസികോ ധമ്മോ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

സംകിലിട്ഠസംകിലേസികോ ധമ്മോ അസംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

സംകിലിട്ഠസംകിലേസികോ ധമ്മോ അസംകിലിട്ഠഅസംകിലേസികസ്സ ധമ്മസ്സ ഉപനിസ്സയപച്ചയേന പച്ചയോ. (൩)