൧൦. ദസമവഗ്ഗോ

(൧൦൪) ൧൦. വിഞ്ഞത്തി സീലന്തികഥാ

൬൦൧. വിഞ്ഞത്തി സീലന്തി? ആമന്താ. പാണാതിപാതാ വേരമണീതി? ന ഹേവം വത്തബ്ബേ…പേ… അദിന്നാദാനാ വേരമണീതി? ന ഹേവം വത്തബ്ബേ…പേ… കാമേസുമിച്ഛാചാരാ വേരമണീതി? ന ഹേവം വത്തബ്ബേ …പേ… മുസാവാദാ വേരമണീതി? ന ഹേവം വത്തബ്ബേ…പേ… സുരാമേരയമജ്ജപമാദട്ഠാനാ വേരമണീതി? ന ഹേവം വത്തബ്ബേ…പേ….

അഭിവാദനം സീലം, പച്ചുട്ഠാനം സീലം, അഞ്ജലികമ്മം സീലം, സാമീചികമ്മം സീലം, ആസനാഭിഹാരോ സീലം, സേയ്യാഭിഹാരോ സീലം, പാദോദകാഭിഹാരോ സീലം, പാദകഥലികാഭിഹാരോ സീലം, ന്ഹാനേ പിട്ഠിപരികമ്മം സീലന്തി? ആമന്താ. പാണാതിപാതാ വേരമണീതി? ന ഹേവം വത്തബ്ബേ…പേ… സുരാമേരയമജ്ജപമാദട്ഠാനാ വേരമണീതി? ന ഹേവം വത്തബ്ബേ…പേ….

൬൦൨. ന വത്തബ്ബം – ‘‘വിഞ്ഞത്തി സീല’’ന്തി? ആമന്താ. ദുസ്സില്യന്തി? ന ഹേവം വത്തബ്ബേ…പേ… തേന ഹി വിഞ്ഞത്തി സീലന്തി.

വിഞ്ഞത്തി സീലന്തികഥാ നിട്ഠിതാ.