൧൮. മരുത്തബ്രാഹ്മണസ്സ വത്ഥുമ്ഹി അയമാനുപുബ്ബീകഥാ

ജമ്ബുദീപേ ചന്ദഭാഗാ നാമ ഗങ്ഗാതീരേ ഹോമഗാമം നാമ അത്ഥി. തസ്മിം ഏകോ മരുത്തോ നാമ ബ്രാഹ്മണോ പടിവസതി. തദാ സോ വോഹാരത്ഥായ തക്കസീലം ഗന്ത്വാ ഗേഹം ആഗച്ഛന്തോ അന്തരാമഗ്ഗേ ഏകായ സാലായ കുട്ഠരോഗാ തുരം സുനഖം ദിസ്വാ തസ്മിം കാരുഞ്ഞേന നീലവല്ലിതക്കമ്ബിലേന മദ്ദിത്വാ പായേസി. സുനഖോ വൂപസന്തരോഗോ പാകതികോ ഹുത്വാ ബ്രാഹ്മണേന അത്തനോ കതൂപകാരം സല്ലക്ഖേന്തോ തേനേവ സദ്ധിം അഗമാസി. അപരഭാഗേ ബ്രാഹ്മണസ്സ ഭരിയാ ഗബ്ഭം പടിലഭി, പരിപുണ്ണഗബ്ഭായ തായ വിജായനകാലേ ദാരകോ തിരിയമ്പതിത്വാ അന്തോഗബ്ഭേയേവ മതോ. തദാ തം സത്ഥേന ഖണ്ഡാഖണ്ഡികം ഛിന്ദിത്വാ നീഹരിംസു, അഥ ബ്രാഹ്മണോ തം ദിസ്വാ നിബ്ബിന്ദഹദയോ ഘരാവാസം പഹായ ഇസിപബ്ബജ്ജം പബ്ബജിത്വാ അരഞ്ഞേ വിഹരതി. അഥസ്സ ഭരിയാ അഞ്ഞേന സദ്ധിം സംവസന്തീ അയം മം പഹായ പബ്ബജിതോതി ബ്രാഹ്മണേ പദുട്ഠചിത്താ ഭോ ബ്രാഹ്മണം മാരേഹീതി സാമികേന സദ്ധിം മന്തേസി. തേസം മന്തനം സുനഖോ സുത്വാ ബ്രാഹ്മണേനേവ സദ്ധിം ചരതി. അഥേകദിവസം തസ്സാ സാമികോ താ പ സം മാരേസ്സാമീതി ധനു കലാപം ഗഹേത്വാ നിക്ഖമി, തദാ താപസോ ഫലാഫലത്ഥായ അരഞ്ഞം ഗതോ. സു ന ഖോ അസ്സമേയേവ ഓ ഹീ യി. പുരിസോ താപസസ്സാഗമനമഗ്ഗം ഓലോകേന്തോ ഗച്ഛന്തരേ നിലീനോ അച്ഛി. സുനഖോ തസ്സ പമാദം ഓലോകേത്വാ ധനുനോ ഗുണം ഖാദിത്വാ ഛിന്ദി. സോ പുന ഗുണം പാകതികം കത്വാ ആരോപേസി. ഏവം സോ ആരോപിതം ആരോപിതം ഖാദതേവ, അഥ സോ പാപപുരിസോ താപസസ്സാഗമനം ഞത്വാ തം മാരേസ്സാമീതി ധനുനാ സദ്ധിം അഗമാസി. അഥസ്സ സുനഖോ പാദേ ഡസിത്വാ പാതേത്വാ തസ്സ മുഖം ഖാദിത്വാ ദുബ്ബലം കത്വാ ഭുങ്കാരമകാസി, ഏവഞ്ഹി സപ്പുരിസാ അത്തനോ ഉപകാരകാനം പച്ചുപകാരം കരോന്തി. വുത്തഞ്ഹി.

൧. ഉപകാരം കരോന്തോ സോ, സുനഖോ കതവേദികോ;

സത്തൂപഘാതകം കത്വാ, ഇസിനോ ദാസി ജീവിതം.

൨. തിരച്ഛാനാപി ജാനന്തി, ഗുണമത്തനി കതം സദാ;

ഇതി ഉത്വാന മേധാവീ, കതഞ്ഞൂ ഹോന്തു പാണിനോതി.

തതോ താപസോ സുനഖസ്സ സദ്ദേനാ ഗന്ത്വാ തസ്സ തം വിപ്പകാരം ദിസ്വാ കാരുഞ്ഞേന പടിജിഗ്ഗിത്വാ വൂപസന്തവണം ബലപ്പത്തം പോസേത്വാ തത്ഥേവ വസന്തോ ഝാനാഭിഞ്ഞം നിബ്ബത്തേത്വാ ആയുപരിയോസാനേ ബ്രാഹ്മലോകപരായണോ അഹോസീതി.

൩. സുത്വാന സാധു സുനഖേന കതൂപകാരം,

മേത്തിംദിസസ്സ പകതം ഇസിനാ ച സുത്വാ;

സമ്മാ കരോഥ കരുണഞ്ച പരൂപകാരം,

തം സബ്ബദാ ഭവതി വോ ഭവഭോഗഹേതൂതി.

മരുത്തബ്രാഹ്മണസ്സ വത്ഥും അട്ഠമം.