സബ്ബവഗ്ഗ

ആദിത്തസുത്ത

പുച്ഛാ – തത്ഥാവുസോ സബ്ബവഗ്ഗേ ഛട്ഠം ആദിത്തസുത്തം ഭഗവതാ കത്ഥ കം ആരബ്ഭ കഥഞ്ച ഭാസിതം.

വിസ്സജ്ജനാ – ഗയായം ഭന്തേ ഗയാസീസേ പുരാണജടിലം ഭിക്ഖുസഹസ്സം ആരബ്ഭ ‘‘സബ്ബം ഭിക്ഖവേ ആദിത്തം, കിഞ്ച ഭിക്ഖവേ സബ്ബം ആദിത്തം. ചക്ഖു ഭിക്ഖവേ ആദിത്തം, രൂപാ ആദിത്താ, ചക്ഖുവിഞ്ഞാണം ആദിത്തം, ചക്ഖുസമ്ഫസ്സോ ആദിത്തോ, യമ്പിദം ചക്ഖുസമ്ഫസ്സപച്ചയാ ഉപ്പജ്ജതി, വേദയിതം സുഖം വാ ദുക്ഖം വാ അദുക്ഖമസുഖംവാ, തമ്പി ആദിത്തം. കേന ആദിത്തം. രാഗഗ്ഗിനാ ദോസഗ്ഗിനാ മോഹഗ്ഗിനാ ആദിത്തം, ജാതിയാ ജരായ മരണേന സോകേഹി പരിദേവേഹി ദുക്ഖേഹി ദോമനസ്സേഹി ഉപായാസേഹി ആദിത്തന്തി വദാമീ’’തി ഏവമാദിനാ ഭഗവതാ ഭാസിതം.