ലാഭസക്കാരസംയുത്ത

മീള്ഹകസുത്ത

പുച്ഛാ – തേനാവുസോ…പേ… സമ്മാസമ്ബുദ്ധേന ലാഭസക്കാരംയുത്തേ പഞ്ചമം സംഗീതം മീള്ഹകസുത്തം കത്ഥ കം ആരബ്ഭ കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ സമ്ബഹുലേ ഭിക്ഖൂ ആരബ്ഭ ‘‘ദാരുണോ ഭിക്ഖവേ ലാഭസക്കാരസിലോകോ ഫരുസോ അന്തരായികോ അനുത്തരസ്സ യോഗക്ഖേമസ്സ അധിഗമായ. സേയ്യഥാപി ഭിക്ഖവേ മീള്ഹകാ ഗൂഥാദീ ഗൂഥപൂരാ പുണ്ണാ ഗൂഥസ്സ, പുരതോ ചസ്സ മഹാഗൂഥപുഞ്ജോ, സാ തേന അഞ്ഞാ മീള്ഹകാ അതിമഞ്ഞേയ്യ ‘‘അഹമ്ഹി ഗൂഥാദീ ഗൂഥപൂരാ പുണ്ണാ ഗൂഥസ്സ, പുരതോ ച മ്യായം മഹാഗൂഥപുഞ്ജോ’’തി ഏവമാദിനാ ഭഗവതാ ഭാസിതം.

തം ഹി തസ്സ ഭിക്ഖവേ മോഘപുരിസസ്സ ഹോതി ദീഘരത്തം അഹിതായ ദുക്ഖായ.

ഏവം ദാരുണോ ഖോ ഭിക്ഖവേ ലാഭസക്കാരസിലോകോ.

തസ്മാതിഹ ഭിക്ഖവേ ഏവം സിക്ഖിതബ്ബം, ‘‘ഉപ്പന്നം ലാഭസക്കാരസി ലോകം പജഹിസ്സാമ, ന ച നോ ഉപ്പന്നോ ലാഭസക്കാരസിലോകോ ചിത്തം പരിയാദായ ഠസ്സഭീ’’തി, ഏവഞ്ഹി ഖോ ഭിക്ഖവേ സിക്ഖിതബ്ബം.

ഏകപുത്തകസുത്ത

പുച്ഛാ – തത്ഥോ ആവുസോ പോരാണകേഹി ധമ്മസംഗാഹകേഹി സംഗീതം ഏകപുത്തകസുത്തം കത്ഥ കം ആരബ്ഭം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ സമ്ബഹുലേ ഭിക്ഖൂ ആരബ്ഭ ‘‘ദാരുണോ ഭിക്ഖവേ ലാഭസക്കാരസിലോകോ കടുകോ ഫരുസോ അന്തരായികോ അനുത്തരസ്സ യോഗക്ഖേമസ്സ അധിഗമായ, സദ്ധാ ഭിക്ഖവേ ഉപാസികാ ഏകപുത്തകം പിയം മനാപം ഏവം സമ്മാആയാചമാനാ ആയാചേയ്യ താദിസോ താത ഭവാഹി, യാദിസോ ചിത്തോ ച ഗഹപതി ഹത്ഥകോ ച ആളവകോ’’തി ഏവമാദിനാ ഭഗവതാ ഭാസിതം.

ഏസാ ഭിക്ഖവേ തുലാ ഏതം പമാണം മമ സാവകാനം ഉപാസകാനം യദിദം ചിത്തോ ച ഗഹപതി ഹത്ഥകോ ച ആളവകോ.

സചേ ഖോ ത്വം താത അഗാരസ്മാ അനഗാരിയം പബ്ബജസി, താദിസോ താത ഭവാഹി, യാദിസാ സാരിപുത്തമോഗ്ഗല്ലാനാ.

മാ ച ഖോ ത്വം താത സേഖം അപ്പത്തമാനസം ലാഭസക്കാരസിലോകോ അനുപാപുണാതു–

ഏവം ദാരുണോ ഭിക്ഖവേ ലാഭസക്കാരസിലോകോ കടുകോ ഫരുസോ അന്തരായികോ അനുത്തരസ്സ യോഗക്ഖേമസ്സ അധിഗമായ.

ഏകവീതുസുത്ത

പുച്ഛാ – തത്ഥേവ ആവുസോ പോരാണകേഹി ധമ്മസംഗായകേഹി സംഗീതം ഏകധീതുസുത്തം ഭഗവതാ കത്ഥ കം ആരബ്ഭ കഥഞ്ച ഭാസിതം.

വിസ്സജ്ജനാ – സാവത്ഥിയംയേവ ഭന്തേ സമ്ബഹുലേ ഭിക്ഖൂ ആരബ്ഭ ‘‘ദാരുണോ ഭിക്ഖവേ ലാഭസക്കാരസിലോകോ കടുകോ ഫരുസോ അന്തരായികോ അനുത്തരസ്സ യോഗക്ഖേമസ്സ അധിഗമായ. സദ്ധാ ഭിക്ഖവേ ഉപാസികാ ഏകം ധീതരം പിയം മനാപം ഏവം സമ്മാ ആയാചമാനാ ആയാചേയ്യ ‘താദിസാ അയ്യേ ഭവാഹി, യാദിസാ ഖുജ്ജുത്തരാ ച ഉപാസികാ വേളുകണ്ഡകിയാ ച നന്ദമാതാ’തി. ഏസാ ഭിക്ഖവേ തുലാ ഏതം പമാണം മമ സാവികാനം ഉപാസികാനം, യദിദം ഖുജ്ജുത്തരാ ച ഉപാസികാ വേളുകണ്ഡകിയാ ച നന്ദമാതാ’’തി ഏവമാദിനാ ഭന്തേ ഭഗവതാ ഭാസിതം.

സചേ ഖോ ത്വം അയ്യേ അഗാരസ്മാ അനഗാരിയം പബ്ബജസി, ഭാദിസാ അയ്യേ ഭവാഹി, യാദിസാ ഖേമാ ച ഭിക്ഖുനീ ഉപ്പലവണ്ണാ ച–

തസ്മാതിഹ ഭിക്ഖവേ ഏവം സിക്ഖിതബ്ബം.