ദേവതാസംയുത്ത

ഓഘതരണസുത്ത

പുച്ഛാ – തേനാവുസോ ഭഗവതാ ജാനതാ പസ്സതാ അരഹതാ സമ്മാസമ്ബുദ്ധേന ഓഘതരണസുത്തം കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവതം ആരബ്ഭ ഭാസിതം, അഞ്ഞതരാ ഭന്തേ ദേവതാ അഭിക്കന്തായ രത്തിയാ അഭിക്കന്തവണ്ണാ കേവലകപ്പം ജേതവനം ഓഭാസേത്വാ യേന ഭഗവാ തേനുപസങ്കമി, ഉപസങ്കമിത്വാ ഭഗവന്തം അഭിവാദേത്വാ ഏകമന്തം അട്ഠാസി, ഏകമന്തം ഠിതാ ഖോ സാ ദേവതാ ഭഗവന്തം ഏതദവോച ‘‘കഥം നു ത്വം മാരിസ ഓഘമതരീ’’തി,

തസ്മിം ഭന്തേ വത്ഥുസ്മിം ‘‘അപതിട്ഠം ഖ്വാഹം ആവുസോ അനായൂഹം ഓഘമതരിം’’തി, ഏവം ഖോ ഭന്തേ ഭഗവതാ ഭാസിതം.

അച്ചേന്തിസുത്ത

പുച്ഛാ – അച്ചേന്തിസുത്തം പനാവുസോ ഭഗവതാ കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവതം ആരബ്ഭ ഭാസിതം. അഞ്ഞതരാ ഭന്തേ ദേവതാ ഭഗവന്തം ഏതദവോച–

‘‘അച്ചേന്തി കാലാ തരയന്തി രത്തിയോ,

വയോഗുണാ അനുപുബ്ബം ജഹന്തി,

ഏതം ഭയം മരണേ പേക്ഖമാനോ,

പുഞ്ഞാനി കയിരാഥ സുഖാവഹാനീ’’തി–

തസ്മിം ഭന്തേ വത്ഥുസ്മിം –

‘‘അച്ചേന്തി കാലാ തരയന്തി രത്തിയോ,

വയോഗുണാ അനുപുബ്ബം ജഹന്തി,

ഏതം ഭയം മരണേ പേക്ഖമാനോ,

ലോകാമിസം പജഹേ സന്തിപേക്ഖോ’’തി –

ഏവം ഖോ ഭന്തേ ഭഗവതാ ഭാസിതം.

സത്തിസുത്ത

പുച്ഛാ – സത്തിസുത്തം പനാവുസോ ഭഗവതാ കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവതം ആരബ്ഭ ഭാസിതം, അഞ്ഞതരാ ഭന്തേ ദേവതാ ഭഗവന്തം ഏതദവോച–

‘‘സത്തിയാ വിയ ഓമട്ഠോ, ഡയ്ഹമാനോവ മത്ഥകേ;

കാമരാഗപ്പഹാനായ, സതോ ഭിക്ഖു പരിബ്ബജേ’’തി–

തസ്മിം ഭന്തേ വത്ഥുസ്മിം–

സത്തിയാ വിയ ഓമട്ഠോ ഡയ്ഹമാനോവ മത്ഥകേ;

സക്കായദിട്ഠിപ്പഹാനായ, സതോ ഭിക്ഖു പരിബ്ബജേതി;

ഏവം ഖോ ഭന്തേ ഭഗവതാ ഭാസിതം.

സത്തിയാ വിയ ഓമട്ഠോ, ഡയ്ഹമാനോവ മത്ഥകേ;

കാമരാഗപ്പഹാനായ, സതോ ഭിക്ഖു പരിബ്ബജേ –

സത്തിയാ വിയ ഓമട്ഠോ, ഡയ്ഹമാനോവ മത്ഥകേ,

സക്കായദിട്ഠിപ്പമാനായ, സതോ ഭിക്ഖു പരിബ്ബജേ –

ജടാസുത്ത

പുച്ഛാ – ജടാസുത്തം പനാവുസോ ഭഗവതാ കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവതം ആരബ്ഭ ഭാസിതം, അഞ്ഞതരാ ഭന്തേ ദേവതാ ഭവഗന്തം ഏതദവോച–

‘‘അന്തോ ജടാ ബഹിജടാ, ജടായ ജടിതാ പജാ;

തം തം ഗോതമ പുച്ഛാമി, കോ ഇമം വിജടയേ ജട’’ന്തി–

തസ്മിം ഭന്തേ വത്ഥുസ്മിം –

സീലേ പതിട്ഠായ നരോ സപഞ്ഞോ, ചിത്തം പഞ്ഞഞ്ച ഭാവയം;

ആതാപീ നിപകോ ഭിക്ഖു, സോ ഇമം വിജടയേ ജടം.

യേസം രാഗോ ച ദോസോ ച, അവിജ്ജാ ച വിരാജിതാ;

ഖീണാസവാ അരഹന്തോ, തേസം വിജടിതാ ജടാതി;

ഏവമാദിനാ ഭന്തേ ഭഗവതാ ഭാസിതം.

സീലേ പതിട്ഠായ നരോ സപഞ്ഞോ, ചിത്തം പഞ്ഞഞ്ച ഭാവയം;

ആതാപീ നിപകോ ഭിക്ഖു, സോ ഇമം വിജടയേ ജടം–

യേസം രാഗോ ച ദോസോ ച, അവിജ്ജാ ച വിരാജിതാ;

ഖീണാസവാ അരഹന്തോ, തേസം വിജടിതാ ജടാ–

യത്ഥ നാമഞ്ച രൂപഞ്ച, അസേസം ഉപരുജ്ഝതി;

പടിഘം രൂപസഞ്ഞാ ച, ഏത്ഥേസാ ഛിജ്ജതേ ജടാ.

അച്ഛരാസുത്ത

പുച്ഛാ – അച്ഛരാസുത്തം പനാവുസോ ഭഗവതാ കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവപുത്തം ആരബ്ഭ ഭാസിതം. അഞ്ഞതരോ ഭന്തേ ദേവപുത്തോ ഭഗവന്തം ഏതദവോച–

‘‘അച്ഛരാഗണസങ്ഘട്ഠം, പിസാച ഗണസേവിതം;

വനന്തം മോഹനം നാമ, കഥം യാത്രാ ഭവിസ്സതീ’’തി.

തസ്മിം ഭന്തേ വത്ഥുസ്മിം–

‘‘ഉജുകോ നാമ സോ മഗ്ഗോ, അഭയാ നാമ സാ ദിസാ,

രഥോ അകൂജനോ നാമ, ധമ്മചക്കേഹി സംയുതോ.

ഹിരീ തസ്സ അപാലമ്ബോ, സത്യസ്സ പരിവാരണം;

ധമ്മാഹം സാരഥിം ബ്രൂമി, സമ്മാദിട്ഠി പുരേജവം.

യസ്സ ഏതാദിസം യാനം, ഇത്ഥിയാ പുരിസസ്സ വാ;

സ വേ ഏതേന യാനേന, നിബ്ബാനസ്സേവ സന്തികേ’’തി.

ഏവം ഖോ ഭന്തേ ഭഗവതാ ഭാസിതം.

അച്ഛരാഗണസങ്ഘുട്ഠം, പിസാചഗണസേവിതം;

വനന്തം മോഹനം നാമ, കഥം യാത്രാ ഭവിസ്സതി–

ജരാസുത്ത

പുച്ഛാ – ജരാസുത്തം പനാവുസോ ഭഗവതാ കത്ഥ കം ആരബ്ഭ കിസ്മിം വത്ഥുസ്മിം കഥഞ്ച ഭാസിതം.

വിസ്സജ്ജനാ – സാവത്ഥിയം ഭന്തേ അഞ്ഞതരം ദേവതം ആരബ്ഭ ഭാസിതം. അഞ്ഞതരാ ഭന്തേ ദേവതാ ഭഗവന്തം ഏതദവോച–

‘‘കിം സു യാവ ജരാ സാധു, കിം സു സാധു പതിട്ഠിതം;

കിം സു നരാനം രതനം, കിം സു ചോരേഹി ദൂഹര’’ന്തി.

തസ്മിം ഭന്തേ വത്ഥുസ്മിം–

‘‘സീലം യാവ ജരാ സാധു, സദ്ധാ സാധു പതിട്ഠിതാ;

പഞ്ഞാ നരാനം രതനം, പുഞ്ഞം ചോരേഹി ദൂഹര’’ന്തി.

ഏവം ഖോ ഭന്തേ ഭഗവതാ ഭാസിതം.

കിം സു യാവ ജരാ സാധു.

കിം സു സാധു പതിട്ഠിതം.

കിം സു നരാനം രതനം.

കിം സു ചോരേഹി ദൂഹരം.