൫,൨൧. ദിവാദീഹി യക

ദിവാദീഹി കത്തരി ലവിസയേ യക ഹോതി. കകാരോ കാനുബന്ധകാരിയത്ഥോ, ഏവ+മുപരി ച. വസ്സ ബകാരേ പുബ്ബരൂപം, സോ ജുതം ദിബ്ബതി, ദിബ്ബന്തി ഇച്ചാദി. കമ്മേ-ക്യേ തേന ദിബ്ബതി, ദിബ്ബന്തി ഇച്ചാദി. ദിബ്ബിസ്സതി, തേന ദിബ്ബിസ്സതി. അദിബ്ബി ദിബ്ബി. തേന അദിബ്ബി ദിബ്ബി. അദിബ്ബിസ്സ. തേന അദിബ്ബിസ്സ. ദിബ്ബേ ദിബ്ബേയ്യ. തേന ദിബ്ബേ ദിബ്ബേയ്യ. ദിബ്ബതു. തേന ദിബ്ബതു ഇച്ചാദി.

സിവ=തന്തുസന്താനേ, സിബ്ബതി, സിബ്ബന്തി ഇച്ചാദി. പദ=ഗമനേ, ഉപുബ്ബോ, ചവഗ്ഗപുബ്ബരൂപാനി, ഉപ്പജ്ജതി, ഉപ്പജ്ജരേ ഉപ്പജ്ജന്തി ഇച്ചാദി. കമ്മേക്യേ തേന പടിപജ്ജതേ ഇച്ചാദി. ഭാവേ-ഉപ്പജ്ജതേ തയാ. ബുധ=അവഗമനേ, ഝകാരപുബ്ബരൂപാനി യക്ഖരേസു. ധമ്മം ബുജ്ഝതി, ബുജ്ഝരേ ബുജ്ഝന്തി ഇച്ചാദി. കമ്മേ-മയാ ധമ്മോ ബുജ്ഝതേ ഇച്ചാദി. യുധ=സമ്പഹാരേ, യുജ്ഝതി+ച്ചാദി. നഹ=ബന്ധനേ, ‘‘ഹസ്സ വിപല്ലാസോ’’തി യേ വിപല്ലാസോ, സന്നയ്ഹതി+ച്ചാദി. മന=ഞാണേ, ഞ്ഞകാര+പുബ്ബരൂപാനി, മഞ്ഞതി+ച്ചാദി. തുസ=തുട്ഠിമ്ഹി, പുബ്ബരൂപേ തുസ്സതി+ച്ചാദി. സമ=ഉപസമേ, സമ്മതി+ച്ചാദി.

ജന=ജനനേ, ‘‘ജനിസ്സാ’’തി ആ ഹോതി കാനുബന്ധേ ബഹുലാധികാരാ, സോ ജായതി, ജായന്തി+ച്ചാദി. കമ്മേ-ജനിതും പയോജേതീതി ‘‘പയോജകബ്യാപാരേ ണാപി ചേ’’തി ണിമ്ഹി ‘‘അഞ്ഞത്രാപീ’’തി വുദ്ധിപടിസേധേ ക്യമ്ഹി ‘‘ദീഘോ സരസ്സാ’’തി ദീഘേ ച കതേ തേന ജനീയതി, ജനീയന്തി ഇച്ചാദി. സോ ജായിസ്സതി. തേന ജനിസ്സതി. സോ അജായി, തേന അജനീയി. സോ അജായിസ്സ, തേന അജനീയിസ്സ. സോ ജായേ ജായേയ്യ, തേന ജനീയേയ്യ. സോ ജായതു, തേന ജനീയതു ഇച്ചാദി. (ദിവാദിനയോ).

തുദ=ബ്യഥനേ,