൬൭. ഹനാ ഛ+ഖാ

ഹനാ സ്സാസ്സ ഛ+ഖാ വാ ഹോന്തി. പടിഹംഖാമി പടിഹനിസ്സാമി. ഹംഛേമ ഹനിസ്സാമ. അഹനി, അഹനിംസൂതിആദി സബ്ബത്ഥ യോജേതബ്ബം. ഹുവാദയോ

ഹു=ഹവനേ. ത്യാദീസു ലോ. ‘‘പരോക്ഖായഞ്ചാ’’തി ചഗ്ഗഹണേന ഹു ഹുതി ദ്വിത്തം, ‘‘കവഗ്ഗഹാനം ചവഗ്ഗജാ’’തി ഹസ്സ ജോ, ലലോപോ വുദ്ധി ച, ജുഹോതി അഗ്ഗിം, അഞ്ഞത്ര ‘‘യവാ സരേ’’തി വകാരോ, ജുഹ്വതി. ജുഹോന്തി. ജുഹ്വന്തി. ജുഹോസി ജുഹ്വസി, ജുഹോഥ ജുഹ്വഥ. ഇച്ചാദി. കമ്മേ – ‘‘ദീഘോ സരസ്സാ’’തി ദീഘേ ഹൂയതി തേന അഗ്ഗി ഇച്ചാദി. ജുഹിസ്സതി, ജുഹിസ്സന്തി. അജുഹവി അജുഹോസി, അജുഹവും അജുഹവിംസു അജുഹവംസു അജുഹോസും. അജുഹിസ്സ, അജുഹിസ്സംസ്സു. ജുഹേ ജുഹേയ്യ. ജുഹോതു, ജുഹോന്തു ഇച്ചാദി.

ഹാ=ചാഗേ, പുരേ വിയ ദ്വേഭാവഛാദേസലോപേ ‘‘രസ്സോ പുബ്ബസ്സാ’’തി പുബ്ബസ്സ ആസ്സ രസ്സോ. ജഹാതി ഇച്ചാദി. കമ്മേ – ‘‘അഞ്ഞാദിസ്സാ+സ്സീ ക്യേ’’തി ക്യേ ആസ്സ ഈ, ഹീയതി ഇച്ചാദി. ജഹിസ്സതി. അജഹാസി, ‘‘ദീഘാ ഈസ്സ’’ ഇതി സി, പജഹി, അജഹിംസു അജഹംസു, പജഹിംസു പജഹും. കമ്മേ-പഹീയി പഹീയിത്ഥ. സ്സാദി+ഏയ്യാദി+ത്വാദീസുപി ഞേയ്യാ.

ദാ=ദാനേ, ദ്വിഭാവരസ്സത്താനി, ലലോപോ, ദദാതി, ദദന്തി ഇച്ചാദി. ‘‘ഗമവദാ’’ ദിനാ ദജ്ജാദേസേ ദജ്ജതി, ദജ്ജന്തി ഇച്ചാദി. ലസ്സേ+കാരേ ദാനം ദേതി ഇച്ചാദി.