൪൬. ഇംസ്സ ച സിഞ

ഇമിച്ചസ്സ സിഞ ഹോതി മ്ഹാത്ഥാനഞ്ച ബഹുലം. ഞാകാരോ ആഖ്യാവയവത്ഥോ (ഉകാരോ) ഇകാരോ ഉച്ചാരണത്ഥോ. ‘‘അഈസ്സാ’’ ദിനാ ഇഞാഗമേ തുമ്ഹേ അഹോസിത്ഥ, അഹോസി. പരസ്സരലോപേ രസ്സേ ച അഹും, അഹോസിമ്ഹ, അഹുമ്ഹ, രസ്സോ. ഭാവേ-അഭവി, ആസ്സത്ഥാദേസോ, അഭവിത്ഥ. അനജ്ജതനേ ആഊആദിപച്ചയേ കതേ ‘‘യുവണ്ണാന+മിയ ങുവങ സരേ’’തി ഉവങാദേസേ അഹുവാ, അഹുവു, അഹുവോ, അഹുവത്ഥ. അസ്സ അമാദേസേ അഹും അഹുവം, അഹുമ്ഹ ഇച്ചാദി. ഭാവേ-തേന അഹുയി അഹുയിത്ഥ. അഹവിസ്സാ, അഹവിസ്സംസു ഇച്ചാദി. ഭാവേ-അഹുയിസ്സ, അഹുയിസ്സഥ. പുബ്ബസ്സരലോപോ, ഹേയ്യ, ഹേയ്യും ഇച്ചാദി. ഭാവേ-ഹൂയേയ്യ, ഹൂയേഥ. ഹോതു, ഹോന്തു ഇച്ചാദി. ഭാവേ-ഹൂയതു, ഹൂയതം. അനുപുബ്ബേ അനുഭോതി ഇച്ചാദി സബ്ബവാരേസു യോജേതബ്ബം. ഭാവേ രൂപാഭാവാ. കമ്മേ-അനുഭൂയതി ഇച്ചാദി വിസേസോ.

സി=സയേ, ലസ്സ ലോപോ വുദ്ധി, സേതി. അയാദേസേ സയതി, സേന്തി സയന്തി ഇച്ചാദി. കമ്മേ-അതിപുബ്ബോ, ക്യേ ‘‘ദീഘോ സരസ്സാ’’തി ഇസ്സ ദീഘേ ച കതേ തേന അതിസീയതി, അതിസീയന്തി ഇച്ചാദി. ഭാവേ-തേന സീയതി, സീയതേ. തഥാ ഭവിസ്സതിആദീസു.

നീ=പാപനേ, ദ്വികമ്മകോ+യം, അജം ഗാമം നേതി നയതി, നേന്തി നയന്തി ഇച്ചാദി. കമ്മേ-നീയതേ ഗാമം അജോ ദേവദത്തേന ഇച്ചാദി. തഥാ സേസേസുപി യോജേതബ്ബം.

ഠാ=ഗതിനിവത്തിയം –