൨൬. ലഭ വസ+ച്ഛിദ ഭിദ രുദാനം ച്ഛങ

ലഭാദീനം ച്ഛങ ഹോതി സ്സേന സഹ. ലച്ഛതി ലഭിസ്സതി, ലച്ഛന്തി ലഭിസ്സന്തി ഇച്ചാദി. ക്രിയാതിപത്തിയം സ്സാഭാഗസ്സ ച്ഛങാദേസേ അലച്ഛാ അലഭിസ്സ ഇച്ചാദി. വസ=നിവാസേ, വച്ഛതി വസിസ്സതി. കമ്മേ-ബഹുലാധികാരാ ‘‘അസ്സൂ’’തി ഉകാരോ, പുബ്ബരൂപേ വുസ്സതി വുസ്സിസ്സതി ഇച്ചാദി. തഥാ അവച്ഛാ അവസിസ്സാ. ഛിദ=ദ്വേധാകരണേ, ഛേച്ഛതി ഛിന്ദിസ്സതി, ‘‘മഞ്ച രുധാദീനം’’തി മം ലോ ച. ലസ്സ ലോപോ ച. ഭിദ=വിദാരണേ, ഭേച്ഛതി ഭിന്ദിസ്സതി. അഭേച്ഛാ അഭിന്ദിസ്സാ. രുദ=രോദനേ, രുച്ഛതി രോദിസ്സതി. അരുച്ഛാ അരോദിസ്സാ ഇച്ചാദി.

അഞ്ഞപച്ചയേപി ഛിദസ്സ ‘‘ച്ഛങ’’ ഇതി യോഗവിഭാഗാ ച്ഛങ, ഭൂതേ ഊം പച്ചയേ അച്ഛേച്ഛും അച്ഛിന്ദിംസു. വുത്തതോ അഞ്ഞധാതൂനഞ്ച, ഗമ=ഗമനേ, ഗച്ഛം ഗച്ഛിസ്സം. അഞ്ഞപച്ചയേപി വച=ബ്യത്തവചനേ ഇച്ചാദി, കമ്മേ-ബഹുലാധികാരാ ത്യാദീസു പരഭൂതേസുപി യഥാഗമം വചാദീനഞ്ചസ്സ ‘‘വചാദീനം വസ്സുട വാ’’തി കമ്മേ ഉട ച ‘‘അസ്സൂ’’തി അസ്സ ഉ ച, തേന ധമ്മോ ഉച്ചതി വുച്ചതി, വുച്ചന്തി ഇച്ചാദി, യസ്സ ച പുബ്ബരൂപം.