൫,൧൭൩. ഗമ യമി+സാ+സ ദിസാനം വാ ച്ഛങ

ഏതേസം വാ ച്ഛങ ഹോതിന്ത+മാന+ത്യാദീസു. സോ സഗ്ഗം ഗച്ഛതി ഗമേതി, ഗച്ഛന്തി ഇച്ചാദി. കമ്മേ-ഗച്ഛീയതി ഗമീയതി ഇച്ചാദി. യമ=ഉപരമേ, പരോക്ഖാഅനജ്ജതനരൂപാനി സബ്ബത്ഥ പയോഗ+മനുഗമ്മ യോജേതബ്ബാനി. നിപുബ്ബോ, നിയച്ഛതി നിയമതി, നിയച്ഛന്തി നിയമന്തി. സംപുബ്ബോ, ‘‘യേ സംസ്സാ’’തി ഞ്ഞത്തം, സഞ്ഞമതി, സഞ്ഞമന്തി. കമ്മേ-നിയച്ഛീയതി നിയമീയതി നിയമ്മതി, സഞ്ഞമീയതി വാ. തഥാ നിയച്ഛിസ്സതി, സഞ്ഞമിസ്സതി. നിയച്ഛി, സംയമി. നിയച്ഛിസ്സ, സംയമിസ്സ. നിയച്ഛേയ്യ, സംയമേയ്യ. നിയച്ഛതു, സഞ്ഞമതു. ഇസ+സിംസ=ഇച്ഛായം, സോ സഗ്ഗം ഇച്ഛതി, ഇച്ഛന്തി ഇച്ചാദി. ‘‘ലഹുസ്സുപന്തസ്സാ’’തി വുദ്ധിമ്ഹി ഏസതി, ഏസന്തി ഇച്ചാദി. കമ്മേ-ഇച്ഛീയതി, ‘‘വാ ക്വചീ’’തി വുദ്ധിമ്ഹി ഏസീയതി. പുബ്ബരൂപേ ഇസ്സതി ഇസ്സതേ ഇച്ചാദി. ഇച്ഛിസ്സതി ഏസിസ്സതി ഇച്ചാദി. ഇച്ഛി ഏസി. ഇച്ഛിസ്സ ഏസിസ്സ. ഇച്ഛേയ്യ ഏസേയ്യ. ഇച്ഛതു ഏസതു ഇച്ചാദി. ആസ=ഉപവേസനേ, സോ ആസനേ അച്ഛതി ഇച്ചാദി. ‘‘ബ്യഞ്ജനേ ദീഘരസ്സാ’’തി രസ്സോ, ഉപപുബ്ബോ, തഥാ ഉപാസതി. അച്ഛിസ്സതി ഉപാസിസ്സതി. അച്ഛി ഉപാസി. അച്ഛിസ്സ ഉപാസിസ്സ. അച്ഛേയ്യ ഉപാസേയ്യ. അച്ഛതു ഉപാസതു ഇച്ചാദി. ദിസ=പേക്ഖനേ, ദിച്ഛതി ദിച്ഛന്തി ഇച്ചാദി സബ്ബം പുരിമസമം. ലഭ=ലാഭേ, ഇതോ പരം വിസേസട്ഠാനമേവവക്ഖാമ, സബ്ബവാരോ വുത്താനുസാരേന ഗഹേതബ്ബോ. ലഭതി, ലഭന്തി ഇച്ചാദി. കമ്മേ-ക്യസ്സ പുബ്ബരൂപാദിമ്ഹി കതേ ലബ്ഭതി ഇച്ചാദി.