൫,൪. തുംസ്മാ ലോപോ ചി+ച്ഛായം തേ

തുമന്തതോ ഇച്ഛായ+മത്ഥേ തേ ഖ+സ+ഛാ ഹോന്തി ബഹുലം, തുംപച്ചയസ്സ ലോപോ ച ഹോതി, സുതത്താ. ഭുജ=പാലന+ജ്ഝോഹാരേസു. ഭോജനായാതി വിഗ്ഗയ്ഹ ‘‘തും+തായേ’’ച്ചാദിനാ തുംപച്ചയേ ‘‘ലഹുസ്സുപന്തസ്സാ’’തി ഓകാരേ പരരൂപേ ച കതേ ഭോത്തു+മിച്ഛതീതി വിഗ്ഗയ്ഹ ഇമിനാ ഖപച്ചയേ തുംപച്ചയസ്സ ഇമിനാ ച ലോപേ ‘‘നിമിത്താഭാവേ നേമിത്തികസ്സാപി ച അഭാവോ’’തി ഞായാ പരരൂപഓകാരാനം അഭാവേ ഖസ്സ പരരൂപ+ഖകാരാദിമ്ഹി ച കതേ ഭുക്ഖ ഭുക്ഖ ഇതി ദ്വിത്തേ തതിയബകാരോ ഹോതി, ബുഭുക്ഖധാതുതോ ത്യാദയോ ഹോന്തി, ബുഭുക്ഖതി, ബുഭുക്ഖന്തി ഇച്ചാദി.

ജി=ജയേ, ജയനായ ഇതി വിഗ്ഗയ്ഹ പുരേ വിയ തുമാദിമ്ഹി കതേ ജേതു+മിച്ഛതീതി വിഗ്ഗയ്ഹ സപ്പച്ചയേ ജിസ ജിസ ഇതി ദ്വിത്തേ അനാദിബ്യഞ്ജനലോപേ ദ്വിത്തേ പരസ്സ ജിസ്സ ‘‘ജിഹരാനം ഗിം’’തി ഗിം. ജിഗിംസധാതുതോ ത്യാദീസു ജിഗിംസതി, ജിഗിംസന്തി ഇച്ചാദി.

ഘസ=അദനേ, ഘസിതു+മിച്ഛതി ഛപ്പച്ചയാദിമ്ഹി പുരേ വിയ കതേ ഘസ്സ ‘‘കവഗ്ഗഹാ’’ദിനാ ഝേ ഝസ്സ ‘‘ചതുത്ഥദുതിയാ’’ ദിനാ ജകാരേ ‘‘ഖഛസേസ്വസ്സീ’’തി ഇകാരേ ച കതേ ജിഘച്ഛധാതുതോ ത്യാദയോ ഹോന്തി. ജിഘച്ഛതി, ജിഘച്ഛന്തി+ച്ചാദി.