൨൫. കണ+ണേയ്യ+ണേയ്യക+യി+യാതി

ഭവത്ഥേ കണആദയോ ഹോന്തി. കണ-കുസിനാരായം ഭവോ കോസിനാരകോ, മാഗധകോ, ആരഞ്ഞകോ വിഹാരോ, രാജഗഹകോ, കോസമ്ബകോ, ഇന്ദപത്തകോ, കാപിലകോ, ഭാരുകച്ഛകോ, നാഗരകോ. അങ്ഗേസു ജാതോ അങ്ഗകോ, കോസലകോ, വേദേഹകോ, കമ്ബോജകോ, ഗന്ധാരകോ, സോവീരകോ, സിന്ധവകോ, അസ്സകോ ഇച്ചാദി. ണേയ്യ-ഗങ്ഗേയ്യോ, പബ്ബതേയ്യോ, വാനേയ്യോ. ണേയ്യക-കോസലേയ്യകോ, ബാരാണസേയ്യകോ, ചമ്പേയ്യകോ, സിലായ ജാതം സേലേയ്യകം, മിഥിലേയ്യകോ. ബാരാണസേയ്യകോത്യാദീസു ‘‘ദിസ്സന്ത+ഞ്ഞേപി പച്ചയാ’’തി ഏയ്യകോ, ഏവം ഉപരി സുത്തേ ദസ്സിതപച്ചയതോ വിസും പച്ചയേ ദസ്സിതേ ഇമിനാ സുത്തേനാതി ദട്ഠബ്ബം. യ-ഗമ്മോ, യമ്ഹി അകാരലോപേ പുബ്ബരൂപം രസ്സോ ച. ദിബ്ബോ. ഇയ-ഉദരിയോ, ദിവിയോ, പഞ്ചാലിയോ, ബോധിപക്ഖിയോ, ലോകിയോ.