൨. വച്ഛാദിതോ ണാന+ണായനാ

വച്ഛാദീഹി അപച്ചപച്ചയന്തേഹി ഗോത്താദീഹി ച സദ്ദേഹി ണാന+ണായനപച്ചയാ വാ ഹോന്തി അപച്ചേ. വച്ഛാനോ, വച്ഛായനോ, ‘‘സംയോഗേ ക്വചീ’’തി ന വുദ്ധി. കതിസ്സാ+പച്ചം കച്ചോ, ‘‘ണ്യ ദിച്ചാദീഹീ’’തി ണ്യോ, ‘‘ലോപോ+വണ്ണി+വണ്ണാനം’’തി അകാരലോപേ ചവഗ്ഗപുബ്ബരൂപാനി. കച്ചസ്സാ+പച്ചം കച്ചാനോ, കച്ചായനോ, യാഗമേ കാതിയാനോ. മുഗ്ഗസ്സാ+പച്ചം=നത്താദീതി വാക്യേ വുദ്ധി+ഇകാരലോപ+പുബ്ബരൂപാനി. മോഗ്ഗല്ലസ്സാ+പച്ചംതി പുനണാന+ണായനാ ഹോന്തി, മോഗ്ഗല്ലാനോ മോഗ്ഗല്ലായനോ. ഇമേ ചത്താരോ അപച്ചപച്ചയന്താ. ഗോത്താദിതോ യഥാസകടസ്സാ+പച്ചം നത്താദീഹി സകടാനോ സകടായനോ. കണ്ഹസ്സാ+പച്ചം നത്താദി കണ്ഹാനോ കണ്ഹായനോ. ഏവം അഗ്ഗിവേസ്സാനോ അഗ്ഗിവേസ്സായനോ, മുഞ്ജാനോ മുഞ്ജായനോ, കുഞ്ജാനോ കുഞ്ജായനോ. സബ്ബത്ഥ സംയോഗത്താ ന വുദ്ധി. ആകതിഗണോ+യം.