൧൦൯. പുരിസേ വാതി

കുസ്സ കാ വാ. കുച്ഛിതോ പുരിസോ കാപുരിസോ, കുപുരിസോ വാ. പകട്ഠോ നായകോ പനായകോ, പധാനം വചനം പാവചനം ഭുസം വദ്ധം പവദ്ധം സരീരം, സമം സമ്മാ വാ ആധാനം സമാധാനം, വിവിധാ മതി വിമതി, വിവിധോ വിസിട്ഠോ വാ കപ്പോ വികപ്പോ, അധികോ ദേവോ അതിദേവോ, ഏവം അധിദേവോ, അധിസീലം. സുന്ദരോ ഗന്ധോ സുഗന്ധോ, കച്ഛിതോ ഗന്ധോ ദുഗ്ഗന്ധോ, സുട്ഠു കതം സുകതം, ദുട്ഠു കതം ദുക്കതം അഭി സിഞ്ചനം അഭിസേകോതി സനന്തോ, അതിസയേന കത്വാ, കതം പകരിത്വാ, പകതം, അതിസയേന ഥുതം അതിത്ഥുതം, അതിക്കമ്മ ഥുതം അതിത്ഥുതം, ഈസം കളാരോ ആകളാരോ, സുട്ഠു ബദ്ധോ ആബദ്ധോ.

പാദയോ ഗതാദ്യത്ഥേ പഠമായ

പഗതോ ആചരിയോ പാചരിയോ, ഏവം പന്തേവാസീ.

അച്ചാദയോ കന്താദ്യത്ഥേ ദുതിയായ

അതിക്കന്തോ മഞ്ചം അതിമഞ്ചോ. അതിമാലോ, ‘‘ഘപസ്സ+ന്തസ്സാ+പ്പധാനസ്സാ’’തി മാലാസദ്ദേ ഘസ്സ രസ്സോ. ഏവ+മുപരിപി ഘപാനം രസ്സോ.

അവാദയോ കുട്ഠാദ്യത്ഥേ തതിയായ

അവകുട്ഠം കോകിലായ വനം അവകോകിലം, അവമയൂരം. അവകുട്ഠന്തി പരിച്ചത്തം.

പരിയാദയോ ഗിലാനാദ്യത്ഥേ ചതുത്ഥിയാ

പരിഗിലാനോ+ജ്ഝേനായ പരിയജ്ഝേനോ.

ന്യാദയോ കന്താദ്യത്ഥേ പഞ്ചമിയാ

നിക്ഖന്തോ കോസമ്ബിയാ നിക്കോസമ്ബി. അസ്യാദിവിധിമ്ഹീതി കിം, രുക്ഖം പതി വിജ്ജോതതേ.